ഓരോ സിഗററ്റും അപഹരിക്കുന്നത് ആയുസിലെ 20 മിനിട്ട്

പുകവലി ആരോഗ്യത്തിന് ഹാനികരം, ഈ പരസ്യവാചകം ശരിവെയ്ക്കുന്ന പുതിയ ഒരു പഠനം കൂടി പുറത്തുവന്നിരിക്കുന്നു. പുകവലി ആരോഗ്യത്തിന് ഹാനികരം മാത്രമല്ല, നിങ്ങള്‍ക്ക് ജീവിക്കാൻ ലഭിക്കുന്ന സമയത്തിന്റെ ചെറുതല്ലാത്ത ഒരു ഭാഗം ഇല്ലാതാക്കുകയും കൂടി ചെയ്യുന്നതായാണ് ഈ പുതിയ പഠനം വെളിപ്പെടുത്തുന്നത്. ഒരാള്‍ ഒരു സിഗരറ്റ് വലിക്കുമ്പോള്‍ അയാളുടെ ജീവിതത്തില്‍ നിന്നും വിലപ്പെട്ട 20 മിനിറ്റുകള്‍ കൂടി ആ സിഗരറ്റിനൊപ്പം എരിഞ്ഞുതീരുന്നു. ഇതുമായി ബന്ധപ്പെട്ട് നേരത്തെയും പഠനങ്ങള്‍ പുറത്തുവന്നിട്ടുണ്ട്. ആ പഠനങ്ങള്‍ പ്രകാരം, ഒരാള്‍ സിഗരറ്റ് വലിക്കുമ്പോള്‍ അയാളുടെ ജീവിതത്തില്‍ നിന്നും 11 മിനിറ്റ് നഷ്ടമാകുന്നു എന്നാണ് കണ്ടെത്തിയിരുന്നത്. എന്നാല്‍, ഓരോ സിഗരറ്റിനുപുറത്തും സ്ത്രീകള്‍ക്ക് 22 മിനിട്ടും പുരുഷന്മാർക്ക് 17 മിനിട്ടുമാണ് നഷ്ടമാകുന്നത് എന്നാണ് പുതിയ പഠനം വ്യക്തമാക്കുന്നത്. യു.കെയുടെ ആരോഗ്യ-സാമൂഹിക പരിചരണ വിഭാഗത്തിന്റെ ആവശ്യപ്രകാരമാണ് യൂണിവേഴ്സിറ്റി കോളേജിലെ ഗവേഷകർ ഇതുമായി ബന്ധപ്പെട്ട പഠനം നടത്തിയത്. പുകവലി ശരീരത്തിന് വരുത്തുന്ന ആരോഗ്യപ്രശ്നങ്ങള്‍ വലുതാണ്. ഒരാള്‍ എത്ര നേരത്തേ പുകവലി ഉപേക്ഷിക്കുന്നുവോ, അയാള്‍ക്ക് ആരോഗ്യത്തോടെ ദീർഘകാലം ജീവിക്കുവാനുള്ള അവസരം അത്രയും കൂടുതല്‍ ലഭിക്കുമെന്ന് പഠനം പറയുന്നു. ഉദാഹരണത്തിന്, ഒരു ദിവസം പത്ത് സിഗരറ്റ് വലിച്ചിരുന്നയാള്‍ ജനുവരി മാസത്തില്‍ പുകവലി നിർത്തുന്നു എന്ന് കരുതുക. ദിവസത്തിലെ 10 സിഗരറ്റ് വീതം വലിക്കുമ്പോള്‍, നേരത്തെ ഓരോ സിഗരറ്റിനും മുകളില്‍ നഷ്ടപ്പെട്ടിരുന്ന 17-ഉം 20-ഉം മിനിട്ടുകള്‍ അയാള്‍ക്ക് തിരികെ ലഭിക്കും. ഇത്തരത്തില്‍, എട്ടുദിവസം പുകവലിക്കാതിരിക്കുമ്പോള്‍ അയാള്‍ക്ക് ഒരുദിവസം എന്ന കണക്കില്‍ ജീവിതത്തില്‍ സമയം കൂടുതല്‍ ലഭിക്കും. ഫെബ്രുവരിയാകുമ്പോള്‍ അയാള്‍ക്ക് ഒരാഴ്ചയാണ് കൂടുതല്‍ ലഭിക്കുക. ഓഗസ്റ്റ് ആകുമ്പോഴേക്കും ഒരു മാസം വരെ പൂർണമായി ലഭിക്കുമെന്നാണ് ഗവേഷകരുടെ അനുമാനം. പുകവലി പ്രധാനമായും ജീവിതത്തിന്റെ മധ്യഭാഗത്തെ, ജീവിതത്തിന്റെ ഏറ്റവും മനോഹരം എന്ന് കണക്കാക്കപ്പെടുന്ന സമയത്തെയാണ് ഇല്ലാതാക്കുന്നത് എന്നും പഠനം പറയുന്നു. 70 വയസുള്ള, പുകവലിക്കാരനല്ലാത്ത ഒരാളുടെ ആരോഗ്യസ്ഥിതി ആയിരിക്കും 60 വയസെത്തുമ്പോള്‍ തന്നെ ഒരു പുകവലിക്കാരന്റെ ആരോഗ്യസ്ഥിതി എന്നും പഠനം പറയുന്നു. പഠനത്തെ മുൻനിർത്തി, പുകവലി സ്ഥിരമാക്കിയവർക്ക് അത് നിർത്താൻ ആവശ്യമായ എല്ലാ സഹായങ്ങളും യു.കെയിലെ ആരോഗ്യവിദഗ്ധർ മുന്നോട്ടുവെയ്ക്കുന്നു. എൻഎച്ച്‌എസ്. ക്വിറ്റ് സ്മോക്കിങ് ആപ്പ്, പേഴ്സണല്‍ ക്വിറ്റ് പ്ലാൻ തുടങ്ങി പല പദ്ധതികളും ആപ്പുകളുമൊക്കെ സർക്കാർ മുന്നോട്ടുവെയ്ക്കുന്നു. പുകവലി നിർത്തുന്നത് ആരോഗ്യകരമായ ഭാവിയാണ് സമ്മാനിക്കുക. ആരോഗ്യമുള്ള ജീവിതത്തിലേക്കുള്ള ആദ്യചുവട് എടുത്തുവെക്കാൻ ഇനിയും വൈകിയിട്ടില്ല, എന്നാണ് പുതിയ റിപ്പോർട്ടിന്റെ അവസാന വരികള്‍.

ചേകാടി സ്കൂളിൽ കാട്ടാനക്കുട്ടി

പുൽപള്ളി: ചേകാടി ഗവ. എൽപി സ്കൂളിൽ എത്തിയ കാട്ടാനക്കുട്ടി കൗതുകമായി. സ്കൂൾ വരാന്തയിലും പരിസരത്തും ഓടി നടന്ന കാട്ടാനക്കുട്ടിയെ വനം വകുപ്പ് ഉദ്യോഗസ്ഥർ എത്തി കൊണ്ടുപോയി.

വയനാട് ജില്ലയിൽ ഇന്നും നാളെയും ഓറഞ്ച് അലർട്ട്

വയനാട് ജില്ലയിൽ ആഗസ്റ്റ് 18,19 തിയതികളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയുണ്ട് . 24 മണിക്കൂറിൽ 115.6 mm മുതൽ 204.4 mm വരെ അതിശക്തമായ

ഓണപ്പരീക്ഷയ്ക്ക്. ഇന്ന് തുടക്കം

സംസ്ഥാനത്ത് സ്‌കൂളുകളില്‍ ഇന്ന് ഓണപ്പരീക്ഷ ആരംഭിക്കും. പ്ലസ്ടു, യുപി, ഹൈസ്‌കൂള്‍ വിദ്യാര്‍ത്ഥികള്‍ക്കാണ് ഇന്ന് (തിങ്കളാഴ്ച) പരീക്ഷ ആരംഭിക്കുന്നത്. എല്‍പി വിദ്യാര്‍ത്ഥികളുടെ പരീക്ഷ ബുധനാഴ്ച ആരംഭിക്കും. ഒന്ന് മുതല്‍ 10 വരെയുള്ള ക്ലാസുകളില്‍ 26ന് പരീക്ഷ

ബത്തേരി സെന്റ് മേരീസ് സൂനോറോ പള്ളിയിൽ 8 നോമ്പ് പെരുന്നാളിന്റെ വിപുലമായ സ്വാഗതസംഘം രൂപീകരിച്ചു

വിശുദ്ധ ദൈവമാതാവിന്റെ സൂനോറോയാൽ അനുഗ്രഹീതമായ ബത്തേരി സെന്റ്മേരിസ് യാക്കോബായ സുറിയാനി സൂനോറോ പള്ളിയിൽ എട്ടുനോമ്പ് ആചരണത്തിന്റെയും വിശുദ്ധ ദൈവമാതാവിന്റെ ജനന പെരുന്നാൾ ആഘോഷത്തിന്റെയും വിപുലമായ സ്വാഗതസംഘം രൂപീകരിച്ചു. സെപ്റ്റംബർ 1 മുതൽ 8 വരെയുള്ള

ബേക്കേഴ്‌സ് അസോസിയേഷന്റെ പ്രവർത്തനങ്ങൾ മാതൃകാപരം: ജുനൈദ് കൈപ്പാണി

വെള്ളമുണ്ട: പൊതുജനതാല്പര്യം പരിഗണിച്ച്‌ ബേക്കറി വിഭവങ്ങളിൽ കൃത്രിമ നിറങ്ങൾക്ക് പകരം പ്രകൃതിദത്ത നിറങ്ങൾ പ്രോത്സാഹിപ്പിക്കുന്ന ബേക്കേഴ്‌സ് അസോസിയേഷൻ കേരള (ബേക്ക്) യുടെ സമീപനം മാതൃകാപരമാണെന്ന് വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ

യുവതിയുടെ സ്വകാര്യ ചിത്രങ്ങൾ പ്രചരിപ്പിച്ചയാളെ ഒഡീഷയിലെത്തി പിടികൂടി വയനാട് സൈബർ പോലീസ്.

കൽപ്പറ്റ: വ്യാജ ഇൻസ്റ്റാഗ്രാം അക്കൌണ്ടുകളലൂടെ യുവതിയുടെ സ്വകാര്യ ചിത്രങ്ങൾ പ്രചരിപ്പിച്ചയാളെ ഒഡീഷയിലെത്തി പിടികൂടി വയനാട് സൈബർ പോലീസ്. സുപർനപൂർ ജില്ലയിലെ ലച്ചിപൂർ, ബുർസാപള്ളി സ്വദേശിയായ രഞ്ചൻ മാലിക് (27) നെയാണ് സൈബർ ക്രൈം പോലീസ്

WAYANAD EDITOR'S PICK

TOP NEWS

RECOMMENDED

കമന്റിൽ വരുന്ന അഭിപ്രായങ്ങൾ വയനാട് ലൈവ് ന്യൂസിന്റെ അഭിപ്രായങ്ങൾ അല്ല.