കേരള മീഡിയ അക്കാദമി മാധ്യമ രംഗത്തെ പഠന-ഗവേഷണങ്ങള്ക്കുളള ഫെലോഷിപ്പിന് അപേക്ഷ ക്ഷണിച്ചു. സംസ്ഥാനത്ത് മാധ്യമ പ്രവര്ത്തനം നടത്തുന്നവര്ക്കും കേരളത്തില് ആസ്ഥാനമായുള്ള മാധ്യമങ്ങള്ക്കായി അന്യ സംസ്ഥാനങ്ങളില് പ്രവര്ത്തിക്കുന്ന മാധ്യമ പ്രവര്ത്തകര്ക്കും (ഇംഗ്ലീഷ്-മലയാളം) അപേക്ഷിക്കാം. പതിനായിരം രൂപ മുതല് ഒരു ലക്ഷം രൂപ വരെയാണ് ഫെലോഷിപ്പ് തുക. അപേക്ഷകര് ബിരുദധാരികളും മാധ്യമ രംഗത്ത് അഞ്ച് വര്ഷത്തെ പ്രവൃത്തിപരിചയം ഉള്ളവരായിരിക്കണം. മാധ്യമ പഠന വിദ്യാര്ത്ഥികള്ക്കും മാധ്യമ പരിശീലന രംഗത്തെ അധ്യാപകര്ക്കും അപേക്ഷിക്കാം. വിദ്യാര്ത്ഥികള്ക്ക് പ്രവൃത്തിപരിചയം നിര്ബന്ധമല്ല. സൂക്ഷ്മ വിഷയങ്ങള്, സമഗ്ര വിഷയങ്ങള്, സാധാരണ വിഷയങ്ങള് എന്നിങ്ങനെ തരംതിരിച്ചാണ് ഫെലോഷിപ്പ് നല്കുക. പട്ടികജാതി-പട്ടികവര്ഗ്ഗ-മറ്റ് അര്ഹവിഭാഗങ്ങള്, കുട്ടികള്, സ്ത്രീകള്, നവോത്ഥാന പ്രസ്ഥാനങ്ങളും മാധ്യമങ്ങളും എന്നീ വിഭാഗത്തിലുള്ള പഠനങ്ങള്ക്ക് മുന്ഗണന നല്കും. പഠനങ്ങളില് മാധ്യമങ്ങളുടെ പങ്കുണ്ടാകണം. അപേക്ഷാ ഫോറം www.keralamediaacademy.org ല് ലഭിക്കും. അപേക്ഷ ജനുവരി 30 നകം സെക്രട്ടറി, കേരള മീഡിയ അക്കാദമി, കാക്കനാട്, കൊച്ചി- 682030 വിലാസത്തില് ലഭിക്കണം. ഫോണ്- 0484 2422275.
*
