മാനന്തവാടി: മയക്കുമരുന്നിനെതിരേയുള്ള ഓപ്പറേഷൻ ക്ലീൻ സ്ലേറ്റ് സ്പെഷ്യൽ
ഡ്രൈവിന്റെ ഭാഗമായി മാനന്തവാടി എക്സൈസ് ഇൻസ്പെക്ടർ കെ.ശശിയും സംഘവും തോൽപ്പെട്ടി എക്സൈസ് ചെക്ക് പോസ്റ്റിൽ വെച്ച് പുലർച്ചെ നടത്തിയ വാഹന പരിശോധനയിൽ അതിമാരക മയക്കുമരുന്നായ എംഡിഎംഎ യുമായി രണ്ട് പേരെ അറസ്റ്റ് ചെയ്തു. കാസർകോഡ് സ്വദേശികളായ ചെർക്കള ബംബ്രാ ണി വീട്ടിൽ ജാബിർ കെ.എം (33), നുസ്രത് നഗർ മൂലഅടക്കം വീട്ടിൽ മുഹമ്മദ് കുഞ്ഞി (39) എന്നിവരെയാണ് അറസ്റ്റ് ചെയ്തത്. ഇവരിൽ നിന്നും 6.987 ഗ്രാം എംഡിഎം എ കണ്ടെടുത്തു. മയക്കുമരുന്ന് കടത്തിക്കൊണ്ടുവരാൻ ഉപയോ ഗിച്ച കാറും, മയക്കുമരുന്ന് വിൽപ്പനക്ക് ഉപയോഗിച്ചു മൊബൈൽ ഫോണും കസ്റ്റഡിയിലെടുത്തു. ഇതിൽ ജാബിർ കെ.എ കാസർഗോഡ് ജില്ലയിൽ മയക്ക് മരുന്ന് കൈവശം വെച്ച കേസിൽ മുൻ പ്രതിയാണ്.
ദീപക്ക് ജീവനൊടുക്കിയ സംഭവം; പ്രതി ഷിംജിത അറസ്റ്റിൽ, കസ്റ്റഡിയിലെടുത്തത് ബന്ധുവീട്ടിൽ നിന്ന്
ബസ്സില് ലൈംഗികാതിക്രമം നടത്തിയെന്നാരോപിച്ച് സാമൂഹിക മാധ്യമത്തില് വീഡിയോ പ്രചരിപ്പിച്ചതിനെത്തുടര്ന്ന് കോഴിക്കോട് സ്വദേശി ദീപക് ജീവനൊടുക്കിയ സംഭവത്തിൽ പ്രതി ഷിംജിത അറസ്റ്റിൽ. വടകരയിലെ ബന്ധുവീട്ടിൽ നിന്നാണ് യുവതി പിടിയിലായത്. കേസെടുത്തതിന് പിന്നാലെ ഷിംജിത ഒളിവിൽ പോയിരുന്നു.
