ചെറിയ നിക്ഷേപത്തിന് വലിയ വരുമാനം ഉറപ്പ് നൽകുന്ന ഈ കേന്ദ്രസർക്കാർ പദ്ധതിയെക്കുറിച്ച് അറിയാമോ?

സര്‍ക്കാര്‍ മുന്നോട്ട് വെക്കുന്ന പല പദ്ധതികളും വ്യക്തികളുടെ സാമ്ബത്തിക ഭാവി സുരക്ഷിതമാക്കുന്നതില്‍ നിര്‍ണായക പങ്ക് വഹിക്കാറുണ്ട്.പൗരന്‍മാര്‍ക്ക് എളുപ്പത്തില്‍ കൈകാര്യം ചെയ്യാവുന്ന വിധത്തിലാണ് ഈ പദ്ധതികള്‍ രൂപകല്‍പ്പന ചെയ്തിരിക്കുന്നത്. ശ്മ്ബളത്തിന് പുറമെ മികച്ച ആനുകൂല്യങ്ങളോടെ സമ്ബാദ്യം സംരക്ഷിക്കാന്‍ ഇത് വ്യക്തികളെ അനുവദിക്കുന്നു. കുട്ടികളുടെ വിദ്യാഭ്യാസ ചെലവുകള്‍ ഉള്‍പ്പടെയുള്ള കാര്യങ്ങള്‍ ഇത് സഹായകമാകും.

സാമ്ബത്തിക സാക്ഷരതയും ധനവിനിയോഗവും മികച്ച ആസൂത്രണത്തോടെ കൈകാര്യം ചെയ്യാന്‍ ആഗ്രഹിക്കുന്ന പൗരന്മാര്‍ക്ക് ഈ വര്‍ഷം ഫലപ്രദമാകുന്ന ചില സര്‍ക്കാര്‍ പദ്ധതികളെ കുറിച്ച്‌ നോക്കാം. ഉദാഹരണത്തിന്, ദേശീയ പെന്‍ഷന്‍ പദ്ധതി സംഭാവനകള്‍ക്ക് നികുതി ആനുകൂല്യങ്ങള്‍ വാഗ്ദാനം ചെയ്യുന്നതിനൊപ്പം വിരമിക്കലിന് ശേഷം ദീര്‍ഘകാല സമ്ബാദ്യം പ്രോത്സാഹിപ്പിക്കുന്നു. ഇത്തരത്തിലുള്ള ചില പദ്ധതികള്‍ പരിചയപ്പെടാം.

പബ്ലിക് പ്രൊവിഡന്റ് ഫണ്ട്

ദീര്‍ഘകാല നിക്ഷേപമെന്ന നിലയില്‍ സ്ഥിരവും ഉറപ്പുള്ളതുമായ വരുമാനം നല്‍കുന്നതിനാല്‍ ജനസംഖ്യയുടെ വലിയ ഭാഗവും പിപിഎഫിനെ ആശ്രയിക്കുന്നു. ഏകദേശം 7-8% പലിശ നിരക്കില്‍ വ്യക്തികള്‍ക്ക് ഇത് നികുതി രഹിത വരുമാനത്തിന്റെ നേട്ടം വാഗ്ദാനം ചെയ്യുന്നു. സമ്ബാദ്യം വര്‍ധിപ്പിക്കാനുള്ള മികച്ച തിരഞ്ഞെടുപ്പായി പിപിഎഫ് മാറുന്നതും ഇതിനാലാണ്. 15 വര്‍ഷത്തെ ലോക്ക്-ഇന്‍ കാലയളവ് അച്ചടക്കമുള്ള സമ്ബാദ്യം ഉറപ്പാക്കുന്നു.

കൂടാതെ അഞ്ച് വര്‍ഷത്തിന് ശേഷം നടത്തുന്ന ഭാഗിക പിന്‍വലിക്കലുകള്‍ക്ക് പിഴകളൊന്നുമില്ല. മാത്രമല്ല, സെക്ഷന്‍ 80സി പ്രകാരം പരാമര്‍ശിച്ചിരിക്കുന്ന നികുതി ആനുകൂല്യങ്ങള്‍ക്ക് നിക്ഷേപങ്ങള്‍ക്ക് അര്‍ഹതയുണ്ടായിരിക്കുകയും ചെയ്യും.

സുകന്യ സമൃദ്ധി യോജന

സ്ത്രീകള്‍ക്ക് സാമ്ബത്തിക സഹായം നല്‍കുന്നതില്‍ ശ്രദ്ധ കേന്ദ്രീകരിച്ച്‌ കൊണ്ട് ആവിഷ്‌കരിച്ച പദ്ധതിയാണ് ഇത്. അതിനാല്‍ തന്നെ മറ്റ് ചെറുകിട സമ്ബാദ്യ പദ്ധതികളില്‍ നിന്ന് വേറിട്ടുനില്‍ക്കുന്ന ഒന്നാണ് സുകന്യ സമൃദ്ധി യോജന എന്ന് പറയാം. നിലവില്‍ 7.6% എന്ന ഉയര്‍ന്ന പലിശ നിരക്കാണ് ഇത് വാഗ്ദാനം ചെയ്യുന്നത്. 10 വയസ് തികയുന്നതിനുമുമ്ബ് പെണ്‍മക്കള്‍ക്കായി പോസ്റ്റ് ഓഫീസില്‍ ഒരു അക്കൗണ്ട് മാതാപിതാക്കള്‍ക്ക് തുറക്കാം.

അടല്‍ പെന്‍ഷന്‍ യോജന

അടല്‍ പെന്‍ഷന്‍ യോജന സ്വീകര്‍ത്താക്കള്‍ക്ക് ആജീവനാന്ത വരുമാനം നല്‍കുന്നതിനും അസംഘടിത മേഖലകളില്‍ ജോലി ചെയ്യുന്നവരുടെ ഭാവി സുരക്ഷിതമാക്കുന്നതിനുമാണ് രൂപകല്‍പ്പന ചെയ്തത്. വിരമിച്ച്‌ 60 വയസ് തികഞ്ഞതിനുശേഷം, 1,000 മുതല്‍ 5,000 രൂപ വരെ പ്രതിമാസ പെന്‍ഷന്‍ ഉറപ്പാക്കുന്നതിനായി, ഓരോ വ്യക്തിക്കും അവരുടെ വരുമാനത്തിന്റെ നാമമാത്രമായ ഒരു തുക നിക്ഷേപിക്കാനുള്ള ഓപ്ഷന്‍ ഉണ്ട്.

ദേശീയ പെന്‍ഷന്‍ പദ്ധതി

ദേശീയ പെന്‍ഷന്‍ പദ്ധതി വേറിട്ടുനില്‍ക്കുന്നു ഇതില്‍ നിന്നെല്ലാം വേറിട്ട് നില്‍ക്കുന്നു. നിക്ഷേപകര്‍ക്ക് ഉയര്‍ന്ന വരുമാനവും ദീര്‍ഘകാല വളര്‍ച്ചാ സാധ്യതയും നല്‍കുന്ന ഇത് ചെലവുകള്‍ക്ക് ഗണ്യമായ നികുതി ഇളവും നല്‍കുന്നു. സമ്ബാദ്യത്തിന്റെ ഒരു ഭാഗം വിരമിക്കല്‍ സമയത്ത് ഒറ്റത്തവണയായി പിന്‍വലിക്കാം. ബാക്കി തുക പെന്‍ഷന്‍ ആന്വിറ്റിക്കായി നീക്കിവയ്ക്കാം.

കിസാന്‍ വികാസ് പത്ര

10 വര്‍ഷത്തിനുള്ളില്‍ നിക്ഷേപകര്‍ക്ക് 100% വരുമാനം നേടിത്തരുന്ന ഒരു അസാധാരണ സ്ഥിര വരുമാന നിക്ഷേപ ഓപ്ഷനാണ് കിസാന്‍ വികാസ് പത്ര. ഗ്യാരണ്ടീഡ് റിട്ടേണ്‍സ് ആഗ്രഹിക്കുന്ന നിക്ഷേപകര്‍ക്ക് വിശ്വസനീയമായ നിക്ഷേപ ഓപ്ഷനാണ് ഇത് വാഗ്ദാനം ചെയ്യുന്നത്. നിലവില്‍ ഇതിന് 7.5% ആണ് പലിശ നിരക്ക്. നികുതി ആനുകൂല്യങ്ങളൊന്നുമില്ലെങ്കിലും, 2.5 വര്‍ഷത്തെ പ്രാരംഭ ലോക്ക്-ഇന്‍ കാലയളവിനുശേഷം പിന്‍വലിക്കലുകള്‍ക്ക് മറ്റ് ആനുകൂല്യങ്ങള്‍ വാഗ്ദാനം ചെയ്യുന്നു.

സീനിയര്‍ സിറ്റിസണ്‍സ് സേവിംഗ്‌സ് സ്‌കീം

60 വയസ്സും അതില്‍ കൂടുതലുമുള്ള വ്യക്തികള്‍ക്ക് പ്രതിവര്‍ഷം 8.2% ആകര്‍ഷകമായ പലിശ നിരക്ക് വാഗ്ദാനം ചെയ്യുന്ന സമ്ബാദ്യ പദ്ധതിയാണിത്. കൂടാതെ ഇത് ത്രൈമാസ പലിശ പേഔട്ടുകള്‍ നല്‍കുന്നു എന്നതിനാല്‍ തന്നെ റിട്ടയര്‍മെന്റിന് ശേഷം വിശ്രമജീവിതം നയിക്കുന്നവര്‍ക്ക് പ്രയോജനപ്രദവുമാണ്. അഞ്ച് വര്‍ഷത്തെ ലോക്ക്-ഇന്‍ കാലയളവും മൂന്ന് വര്‍ഷത്തെ ഓപ്ഷണല്‍ എക്സ്റ്റന്‍ഷനും ഉണ്ട്. സെക്ഷന്‍ 80സി പ്രകാരം നികുതി ആനുകൂല്യങ്ങള്‍ ലഭ്യമാണ്. എന്നാല്‍ ഈ സ്‌കീമിന് കീഴില്‍ ലഭിക്കുന്ന പലിശയ്ക്ക് നികുതി നല്‍കണം.

പ്രധാന മന്ത്രി വയോ വന്ദന യോജന

60 വയസ്സിനു മുകളിലുള്ള മുതിര്‍ന്ന പൗരന്മാര്‍ക്കായി എല്‍ ഐ സി നടത്തുന്ന ഒരു പെന്‍ഷന്‍ പദ്ധതിയാണിത്. പ്രതിമാസം, ത്രൈമാസ അല്ലെങ്കില്‍ വാര്‍ഷിക പെന്‍ഷന്‍ പേഔട്ടുകള്‍ക്കൊപ്പം ഇത് പ്രതിവര്‍ഷം 7.4 ശതമാനം പലിശ ഉറപ്പ് നല്‍കുന്നു. ഏറ്റവും കുറഞ്ഞ നിക്ഷേപ തുക 15 ലക്ഷമാണ്. ഇത് വിരമിക്കല്‍ സമയത്ത് ന്യായമായ സാമ്ബത്തിക ബഫര്‍ ഉറപ്പാക്കുന്നു. ഈ നിക്ഷേപം പൂര്‍ണ്ണമായും അപകടസാധ്യതയില്ലാത്തതും പ്രായമായവര്‍ക്ക് സ്ഥിരതയാര്‍ന്ന വരുമാനവും നല്‍കുന്നതുമാണ്.

ലാഡ്ലി ലക്ഷ്മി യോജന

പെണ്‍കുട്ടികളുടെ സാമ്ബത്തിക സുരക്ഷ പ്രോത്സാഹിപ്പിക്കുന്നതിനായി സര്‍ക്കാര്‍ അവതരിപ്പിച്ച പദ്ധതിയാണ് ലാഡ്ലി ലക്ഷ്മി യോജന. മധ്യപ്രദേശ്, ഹരിയാന തുടങ്ങിയ സംസ്ഥാനങ്ങളില്‍ പെണ്‍കുട്ടികളുടെ വിദ്യാഭ്യാസത്തിനും വിവാഹത്തിനും സാമ്ബത്തിക സഹായം നല്‍കാന്‍ ഈ പദ്ധതി സുഗമമാക്കുന്നു. സര്‍ക്കാര്‍ നേരിട്ടുള്ള സംഭാവനകള്‍ നല്‍കുന്നിനാല്‍ കുടുംബങ്ങള്‍ക്ക് അവരുടെ പെണ്‍മക്കള്‍ക്ക് ദീര്‍ഘകാല സാമ്ബത്തിക സുരക്ഷ ഉറപ്പിക്കാനാകുന്നു.

പോസ്റ്റ് ഓഫീസ് പ്രതിമാസ വരുമാന പദ്ധതി

സ്ഥിരമായ പ്രതിമാസ വരുമാനം ആഗ്രഹിക്കുന്നവര്‍ക്ക്, പോസ്റ്റ് ഓഫീസ് പ്രതിമാസ വരുമാന പദ്ധതി ഏറ്റവും വിശ്വസനീയമായ നിക്ഷേപ സ്രോതസ്സുകളില്‍ ഒന്നാണ്. ഏകദേശം 7.4% പലിശ പേയ്മെന്റുകള്‍ ഉറപ്പുനല്‍കുകയും പ്രതിമാസ വരുമാനം വാഗ്ദാനം ചെയ്യുകയും ചെയ്യുന്ന പദ്ധതിയാണിത്. നിക്ഷേപകര്‍ക്ക് വ്യക്തിഗതമായി 9 ലക്ഷം രൂപയോ സംയുക്തമായി 15 ലക്ഷം രൂപയോ നിക്ഷേപിക്കാന്‍ കഴിയുന്ന അഞ്ച് വര്‍ഷത്തെ ലോക്ക്-ഇന്‍ കാലയളവിലാണ് ഈ പദ്ധതി വരുന്നത്. വിരമിച്ചവര്‍ക്കും സ്ഥിരമായ റിസ്‌ക്-ഫ്രീ റിട്ടേണുകള്‍ ആഗ്രഹിക്കുന്നവര്‍ക്കും ഇത് ഒരു മികച്ച തിരഞ്ഞെടുപ്പാണ്.

മഹിള സമ്മാന്‍ സേവിംഗ്‌സ് സര്‍ട്ടിഫിക്കറ്റ്

സ്ത്രീകളെ സാമ്ബത്തികമായി ശാക്തീകരിക്കുക എന്നതാണ് മഹിള സമ്മാന്‍ സേവിംഗ്‌സ് സര്‍ട്ടിഫിക്കറ്റ് ലക്ഷ്യമിടുന്നത്. രണ്ട് വര്‍ഷത്തെ മെച്യൂരിറ്റി കാലയളവോടെ പ്രതിവര്‍ഷം 7.5% പലിശ നിരക്കില്‍ താരതമ്യേന ഉയര്‍ന്ന വരുമാനം വാഗ്ദാനം ചെയ്യുന്ന പദ്ധതിയാണിത്. ആകര്‍ഷകമായ ഹ്രസ്വകാല നിക്ഷേപങ്ങള്‍ക്ക് അവസരം നല്‍കുന്നു. ഭാഗിക പിന്‍വലിക്കലുകളിലൂടെ സ്ത്രീകള്‍ക്ക് അവരുടെ സമ്ബത്ത് വളര്‍ത്താനും ലിക്വിഡിറ്റി നിലനിര്‍ത്താനും അനുവദിക്കുന്നു.