ആദായനികുതി വകുപ്പ് പാൻ കാർഡും ആധാർ കാർഡും ബന്ധിപ്പിക്കുന്നതിനായി പുതിയ വിജ്ഞാപനം പുറത്തിറക്കി. ഇതിനോടകം പാൻ കാർഡ് ആധാർ കാർഡുമായി ലിങ്ക് ചെയ്തിട്ടില്ലെങ്കിൽ, സാമ്പത്തിക ഇടപാടുകൾക്കോ ഇൻകം ടാക്സ് റിട്ടേൺസ് ഫയൽ ചെയ്യുമ്പോഴോ ബുദ്ധിമുട്ട് ഉണ്ടാകാം. വ്യാജ പാൻ കാർഡുകൾ തടയാനും നികുതി വെട്ടിപ്പ് തടയാനും ഈ നടപടി സഹായിക്കും.
ആർക്കെല്ലാം ലിങ്കിംഗ് നിർബന്ധമാണ്..?
ആസം, മേഘാലയ, ജമ്മുകശ്മീർ, കേന്ദ്രഭരണ പ്രദേശങ്ങളിലെ താമസക്കാർ, 80 വയസ്സിന് മുകളിലുള്ളവർ, പ്രവാസികൾ തുടങ്ങിയവർ ഒഴികെയുള്ള എല്ലാ ഇന്ത്യൻ പൗരന്മാരും പാൻകാർഡ് ആധാർ കാർഡുമായി ലിങ്ക് ചെയ്യണം. പാൻ കാർഡ് ആധാർ കാർഡുമായി ലിങ്ക് ചെയ്തിട്ടുണ്ടോ ഇല്ലയോ എന്ന് എങ്ങനെ പരിശോധിക്കാം
1) ഐടി ഇ-ഫയലിംഗ് പോർട്ടലിൽ (https://www.incometax.gov.in) ലോഗിന് ചെയ്യുക.
2) ക്വിക്ക് ലിങ്കുകൾ എന്ന ടാബിന് താഴെയുള്ള ലിങ്ക് ആധാർ സ്റ്റാറ്റസ് തിരഞ്ഞെടുക്കുക.
3) പാൻ, ആധാർ നമ്പർ നൽകി ‘ലിങ്ക് ആധാർ സ്റ്റാറ്റസ് കാണുക’ എന്ന ടാബിൽ ക്ലിക്ക് ചെയ്യുക.
4) നിങ്ങളുടെ പാൻ കാർഡും ആധാർ കാർഡും ലിങ്ക് ചെയ്തിട്ടുണ്ടെങ്കിൽ നിങ്ങളുടെ ആധാർ പാൻകാർഡുമായി ലിങ്ക് ചെയ്തിരിക്കുന്നുവെന്ന് സ്ക്രീനിൽ കാണിക്കും, ഇല്ലെങ്കിൽ ‘ലിങ്ക് ചെയ്യുക’ എന്ന ഓപ്ഷൻ കൊണ്ട് ഈ പ്രക്രിയ പൂർത്തിയാക്കാവുന്നതാണ്.
