2026 ഫിഫ ലോകകപ്പിന് യോഗ്യത നേടിയിരിക്കുകയാണ് ബ്രസീല്‍. ബുധനാഴ്ച നടന്ന ലോകകപ്പ് യോഗ്യതാ പോരാട്ടത്തില്‍ പരാഗ്വേയെ കീഴടക്കിയാണ് മുന്‍ ലോക ചാംപ്യന്മാര്‍ ലോകകപ്പിന് ടിക്കറ്റെടുത്തത്. വിനീഷ്യസ് ജൂനിയറിന്റെ ഒറ്റ ഗോളിലാണ് കാനറിപ്പട വിജയവും ലോകകപ്പ് യോഗ്യതയും നേടിയത്.
ഇതോടെ ഒരു ചരിത്ര റെക്കോര്‍ഡും ബ്രസീലിന് സ്വന്തമായി. ഇതുവരെയുള്ള ലോകകപ്പിന്റെ എല്ലാ പതിപ്പിലും യോഗ്യത നേടുന്ന ഒരേയൊരു ദേശീയ ടീമായി മാറിയിരിക്കുകയാണ് ബ്രസീല്‍. 1930 വരെ 2026 വരെയുള്ള എല്ലാ ഫുട്‌ബോള്‍ ലോകകപ്പിനും ബ്രസീല്‍ യോഗ്യത നേടിക്കഴിഞ്ഞു. അഞ്ച് ലോകകപ്പ് സ്വന്തമായുള്ള ബ്രസീല്‍ തന്നെയാണ് ഏറ്റവും കൂടുതല്‍ ലോക ചാംപ്യന്മാരായ ടീം.
ഇതിഹാസ പരിശീലകന് കാര്‍ലോ ആഞ്ചലോട്ടിക്ക് കീഴില്‍ ബ്രസീല്‍ സ്വന്തമാക്കുന്ന ആദ്യ വിജയം കൂടിയാണിത്. ബ്രസീലിന്റെ ചരിത്രത്തിലെ തന്നെ ആദ്യ വിദേശ പരിശീലകനായാണ് ആഞ്ചലോട്ടി കാനറികളുടെ തട്ടകത്തിലെത്തിയത്. ഇതോടെ ഒരു സ്ഥിര വിദേശ പരിശീലകന് കീഴിലുള്ള ആദ്യ ജയമെന്ന ചരിത്രവും ഈ വിജയത്തോടെ കാനറികള്‍ സ്വന്തമാക്കി.
