‘വിത്തൂട്ട് ‘ ആഘോഷമാക്കി വിദ്യാർത്ഥികൾ

പരിസ്ഥിതി ദിനാചരണത്തിൻ്റെ ഭാഗമായി പുളിഞ്ഞാൽ ഗവൺമെന്റ് ഹൈസ്കൂളിലെ നല്ലപാഠം വിദ്യാർത്ഥികളും, എസ് പി സി യുണിറ്റും, വെള്ളമുണ്ട ഫോറസ്റ്റ് സെക്ഷൻ ഓഫീസും സംയുക്തമായി നിർമ്മിച്ചുവച്ചിരുന്ന വിത്തുകൾ വെള്ളമുണ്ട ഫോറസ്റ്റ് സെക്ഷൻ പരിധിയിലെ കുരിശുമുടി ഭാഗത്ത് നിക്ഷേപിച്ചു. പുളിഞ്ഞാൽ ഗവണ്മെൻ്റ് ഹൈസ്‌കൂളിലെ പരിസ്ഥിതി ക്ലബ് അംഗങ്ങൾ ആണ് വിത്തൂട്ടിനായി വെള്ളമുണ്ട കുരിശുമുടിമല കയറിയത്. വാർഡ് മെമ്പർ രാധ പരിപാടി ഉദ്ഘാടനം ചെയ്‌തു. ഹെഡ്‌മിസ്ട്രസ് അശ്വതി കെ ഐ,സെക്ഷൻ ഫോറസ്റ്റ് ഓഫീസർ കെ കെ സുരേന്ദ്രൻ,വനസംരക്ഷണ സമിതി പ്രസിഡന്റ്റ് വിജയൻ എന്നിവർ വിദ്യാർത്ഥികളോട് വിത്തൂട്ടിൻ്റെ പ്രാധാന്യം, ലക്ഷ്യം എന്നിവയെക്കുറിച്ചു സംവദിച്ചു.