സുൽത്താൻ ബത്തേരി: സർദാർ വല്ലഭായ് പട്ടേൽ 150-ാം ജന്മവാർഷികത്തോടനുബന്ധിച്ച്(ഏകതാ ദിനം) വയനാട് ജില്ലാ പോലീസിന്റെ നേതൃത്വത്തിൽ ‘ഇന്ത്യൻ സ്വാതന്ത്ര്യ സമരം’ എന്ന വിഷയത്തിൽ ജില്ലാതല ക്വിസ് മത്സരം നടത്തി. ജില്ലയിലെ ഹൈസ്കൂൾ വിദ്യാർത്ഥികൾക്കായി ബത്തേരി ഗവ. സർവജന വൊക്കേഷണൽ ഹയർ സെക്കൻഡറി സ്കൂളിൽ നടന്ന മത്സരത്തിൽ ഇ. സുരേഷ് കുമാർ ക്വിസ് മാസ്റ്ററായി(ഡെപ്യൂട്ടി കളക്ടർ). ജിഎച്ച്എസ്എസ് പടിഞ്ഞാറത്തറ, എം ജി എം എച്ച് എസ് എസ് മാനന്തവാടി, ജി എച്ച് എസ് വാരാമ്പറ്റ എന്നീ സ്കൂളുകൾ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. 47 സ്കൂളുകളിൽ നിന്നായി 94 കുട്ടികൾ പങ്കെടുത്തു. ബത്തേരി സബ് ഡിവിഷൻ ഡി.വൈ.എസ്.പി കെ.കെ അബ്ദുൾ ഷരീഫ് സമ്മാന വിതരണം നടത്തി. സർവജന സ്കൂൾ പ്രിൻസിപ്പാൾ അബ്ദുൾ നാസർ, ജനമൈത്രി എ ഡി എൻ ഓ കെ എം ശശിധരൻ, എസ്.പി.സി എ.ഡി.എൻ.ഓ കെ മോഹൻദാസ്, പ്രോഗ്രാം അസിസ്റ്റന്റുമാരായ ടി.കെ ദീപ, ടി.എൽ ലല്ലു എന്നിവർ പരിപാടി ഏകോപിപ്പിച്ചു.
പുതുവര്ഷത്തില് കേന്ദ്രത്തിന്റെ ഇരുട്ടടി; വാണിജ്യ പാചക വാതക സിലിണ്ടര് വില കൂട്ടി, വർധിപ്പിച്ചത് 111 രൂപ
ന്യൂഡല്ഹി: രാജ്യത്ത് എല്പിജി വാണിജ്യ സിലിണ്ടറുകളുടെ വില വര്ധിപ്പിച്ചു. 19 കിലോ വാണിജ്യ എല്പിജി സിലിണ്ടറുകളുടെ വില 111 രൂപയാണ് വര്ധിപ്പിച്ചത്. ഇതോടെ ഡല്ഹിയില് വാണിജ്യ സിലിണ്ടറിന് 1,691 രൂപയായി. കൊച്ചിയില് 1,698 രൂപയും
