കൽപ്പറ്റ: മികച്ച കർഷകർക്ക് കേരള സംസ്ഥാന സഹകരണ കാർഷിക ഗ്രാമ വികസന ബാങ്ക് ഏർപ്പെടുത്തിയ അവാർഡിന് വയനാട് ജില്ലാ തലത്തിൽ ഒന്നാം സ്ഥാനം പടിഞ്ഞാറത്തറ ഗ്രാമ പഞ്ചായത്തിലെ മുണ്ടക്കുറ്റി സ്വദേശിയായ തലാപ്പിള്ളിൽ ടി.എം.ജോർജ്ജിന് ലഭിച്ചു. വൈത്തിരി പ്രാഥമിക സഹകരണ കാർഷിക ഗ്രാമ വികസന ബാങ്കിലെ അംഗമാണ് ടി.എം. ജോർജ്ജ്. പശു വളർത്തൽ, പന്നി കൃഷി, മീൻ കൃഷി, സമ്മിശ്ര കൃഷി രീതികൾ എന്നിവ പരിഗണിച്ചാണ് അവാർഡിന് അർഹനായത്. 25,000 രൂപയും മൊമെന്റോയും, സർട്ടിഫിക്കറ്റും ഒക്ടോബർ 15 ന് തിരുവനന്തപുരം മാസ്ക്കോട്ട് ഹോട്ടലിൽ വെച്ച് നടക്കുന്ന ചടങ്ങിൽ സഹകരണ വകുപ്പ് മന്ത്രി വി.എൻ. വാസവൻ വിതരണം ചെയ്യും. പുരസ്കാരം സംബന്ധിച്ച ഔദ്യോഗിക അറിയിപ്പ് റീജിയണൽ മാനേജർ ടി.ജെ.ജോൺസൺ കൈമാറി. അവാർഡ് ജേതാവ് ടി.എം.ജോർജ്ജിനെ വൈത്തിരി കാർഷിക വികസന ബാങ്ക് പ്രസിഡന്റ് കെ.സുഗതൻ അഭിനന്ദിച്ചു.
ജനപ്രതിനിധികൾക്ക് സ്വീകരണമൊരുക്കി ശ്രേയസ് ചീരാൽ യൂണിറ്റ്
ചീരാൽ യൂണിറ്റ് സംഘടിപ്പിച്ച ത്രിതല പഞ്ചായത്ത് ജനപ്രതിനിധികൾക്കുള്ള സ്വീകരണവും,ക്രിസ്തുമസ് പുതുവത്സര ആഘോഷവും ശ്രേയസ് എക്സിക്യൂട്ടീവ് ഡയറക്ടർ ഫാ.ഡേവിഡ് ആലിങ്കൽ ഉദ്ഘാടനം ചെയ്തു.യൂണിറ്റ് ഡയറക്ടർ ഫാ.തോമസ് ക്രിസ്തുമന്ദിരം അധ്യക്ഷത വഹിച്ചു.ബത്തേരി മേഖല പ്രോഗ്രാം ഓഫീസർ പോൾ
