കേരള തയ്യല്‍ തൊഴിലാളി ക്ഷേമനിധി ആനുകൂല്യങ്ങള്‍ വര്‍ദ്ധിപ്പിച്ചു. മാരക രോഗങ്ങള്‍ക്കുള്ള ചികിത്സാ ധനസഹായം 5000 രൂപയില്‍ നിന്ന് 25000 രൂപയായും മറ്റ് രോഗങ്ങള്‍ക്കുള്ള സഹായം 1000 രൂപയില്‍ നിന്ന് 5000 രൂപയായും ഉയര്‍ത്തി. വിവാഹ ധനസഹായം 2000 രൂപയില്‍ നിന്ന് 5000 രൂപയാക്കി. തൊഴിലാളികളുടെ ആശ്രിതര്‍ക്കുള്ള മരണാനന്തര ധനസഹായം 25000 രൂപയില്‍ നിന്ന് 40000 രൂപയായും ശവസംസ്‌കാര ചെലവിനുള്ള സഹായം 1000 രൂപയില്‍ നിന്ന് 2000 രൂപയായും വര്‍ദ്ധിപ്പിച്ചു. വിരമിക്കല്‍ ആനുകൂല്യം അംശദായം അടച്ച തീയതികള്‍ കണക്കിലെടുത്ത് 5.5 ശതമാനം പലിശ ഉള്‍പ്പെടെ പരമാവധി 1.5 ലക്ഷം രൂപയാക്കി വര്‍ദ്ധിപ്പിച്ചു. വിദ്യാഭ്യാസ ആനുകൂല്യം പ്ലസ് വണ്‍, പ്ലസ്ടു വിദ്യാര്‍ത്ഥികള്‍ക്ക് 1000 രൂപയില്‍ നിന്ന് 2000 രൂപയായും, ഐ.ടി.ഐ., ടി.ടി.സി., ജനറല്‍ നഴ്‌സിംഗ് വിദ്യാര്‍ത്ഥികള്‍ക്ക് 600 രൂപയില്‍ നിന്ന് 2000 രൂപയായും ബിരുദ വിദ്യാര്‍ത്ഥികള്‍ക്ക് 1000 രൂപയില്‍ നിന്ന് 2000 രൂപയായും ബിരുദാനന്തര ബിരുദ വിദ്യാര്‍ത്ഥികള്‍ക്ക് 2000 രൂപയില്‍ നിന്നും 4000 രൂപയായും വര്‍ദ്ധിപ്പിച്ചു. പ്രൊഫഷണല്‍ കോഴ്‌സുകള്‍ക്കുള്ള ധനസഹായം 5000 രൂപയില്‍ നിന്നും 8000 രൂപയായും ഉയര്‍ത്തി.
ഡ്രൈവര്‍ കം ക്ലീനര്‍ നിയമനം
തലപ്പുഴ ഗവ എന്‍ജിനീയറിങ് കോളജ് ബസിലേക്ക് താത്ക്കാലിക ഡ്രൈവര്‍ കം ക്ലീനറെ നിയമിക്കുന്നു. ഏഴാം തരം അല്ലെങ്കില്‍ തേര്‍ഡ് ഫോം പാസായ ഹെവി ഡ്രൈവിംഗ് ലൈസന്‍സുള്ള അഞ്ച് വര്‍ഷത്തില്‍ കുറയാത്ത പ്രവൃത്തി പരിചയമുള്ളവര്‍ക്കാണ് അവസരം.
