തിരുവനന്തപുരം: കേരളം ഇന്ന് മുതല് കൂടുതല് നിയന്ത്രണങ്ങളിലേക്ക്. അറിയാം നിയന്ത്രണങ്ങള്
സിനിമ തിയറ്റര്, ഷോപ്പിങ് മാള്, ജിംനേഷ്യം, ക്ലബ്, സ്പോര്ട്സ് കോംപ്ലക്സ്, നീന്തല്കുളം, വിനോദ പാര്ക്ക്, ബാറുകള്, വിദേശമദ്യ വില്പനകേന്ദ്രങ്ങള് എന്നിവയുടെ പ്രവര്ത്തനം നിര്ത്തിവെക്കും.
പള്ളികളില് പരമാവധി 50 പേരെയേ പങ്കെടുപ്പിക്കാന് പാടുള്ളു. ചെറിയ പള്ളികളില് ഇതിലും ചുരുക്കണം.
കടകളും ഹോട്ടലുകളും രാത്രി 7.30 വരെ. ഹോട്ടലുകളില് പാര്സല് സംവിധാനം ഒമ്പതു വരെ.
കൊവിഡ് മാനദണ്ഡങ്ങള് പാലിക്കാത്ത വ്യാപാരസ്ഥാപനങ്ങള് രണ്ടു ദിവസം പൂര്ണമായും അടച്ചിടും
രാത്രികാല നിയന്ത്രണം തുടരും.
രാത്രി ഒമ്പതു മുതല് പുലര്ച്ച അഞ്ചു മണിവരെ ഒരു തരം ഒത്തുചേരലും പാടില്ല.
അവശ്യസേവനങ്ങള്ക്കും ആശുപത്രികള്, മരുന്നു ഷോപ്പുകള്, പാല്വിതരണം, മാധ്യമങ്ങള് എന്നിവക്കും ഇളവ്.
വോട്ടെണ്ണിയ ശേഷമുള്ള ആഹ്ലാദ പ്രകടനം വേണ്ട
വോട്ടെണ്ണല് കേന്ദ്രത്തില് ബന്ധപ്പെട്ട ചുമതലകള് ഉള്ളവര്മാത്രം പോയാല് മതി.
പൊതുജനങ്ങള് പോകരുത്.
വോട്ടെണ്ണാന് നിയോഗിക്കപ്പെട്ട ഉദ്യോഗസ്ഥര്, രാഷ്ട്രീയ കക്ഷികളുടെ കൗണ്ടിങ് ഏജന്റുമാര് എന്നിവര്ക്കേ വോട്ടെണ്ണല് കേന്ദ്രത്തില് പ്രവേശനമുണ്ടാകൂ.
രണ്ടു ഡോസ് വാക്സിന് എടുത്തവര്ക്കും 72 മണിക്കൂറിനകം നടത്തിയ ആര്.ടി.പി.സി.ആര് പരിശോധനയില് നെഗറ്റിവായവര്ക്കും മാത്രമായി വോട്ടെണ്ണല്
കേന്ദ്രത്തിലുള്ള പ്രവേശനം പരിമിതപ്പെടുത്തും.
