തിരുവല്ല: മാര്ത്തോമ സഭ വലിയ മെത്രാപ്പൊലീത്ത ഡോ. ഫിലിപ്പോസ് മാര് ക്രിസ്റ്റോസ്റ്റം വലിയ മെത്രാപ്പൊലീത്ത അന്തരിച്ചു. 104 വയസ്സായിരുന്നു. വാര്ധക്യസഹജമായ അസുഖങ്ങളെ തുടര്ന്നാണ് മരണം. ലോകത്തിലെ തന്നെ ഏറ്റവും പ്രായം കൂടി മെത്രാപ്പൊലീത്ത ആയിരുന്നു ക്രിസ്റ്റോസ്റ്റം തിരുമേനി. 2018ല് രാജ്യം അദ്ദേഹത്തിന് പത്മഭൂഷണ് നല്കി ആദരിച്ചിട്ടുണ്ട്.
കുമ്പനാട്ടെ സ്വകാര്യ ആശുപത്രിയില് വെച്ചാണ് അദ്ദേഹം വിടവാങ്ങിയത്. പുലര്ച്ചെ 1.15ഓട് കൂടി ആയിരുന്നു അദ്ദേഹത്തിന്റെ അന്ത്യം. മാര്ത്തോമ സഭയുടെ മുന് അധ്യക്ഷന് ആയിരുന്നു അദ്ദേഹം. ആരോഗ്യ സ്ഥിതി മോശമായതിനെ തുടര്ന്ന് അദ്ദേഹത്തെ തിരുവല്ലയിലെ സ്വകാര്യ ആശുപത്രിയിലേക്ക് മാറ്റിയിരുന്നു. എന്നാല് പിന്നീട് സ്ഥിതി മെച്ചപ്പെട്ടു. തുടര്ന്ന് കുമ്പനാട്ടെ ആശുപത്രിയിലേക്ക് തന്നെ മാറ്റിയെങ്കിലും മരണം അവിടെ വെച്ച് സംഭവിക്കുകയായിരുന്നു.
