ലോക്ക്ഡൗണ് നിര്ദേശങ്ങള് ലംഘിച്ചതിനെതിരെ ഇന്ന് വൈകുന്നേരം 5 മണി വരെ വയനാട് ജില്ലയിലെ വിവിധ പോലീസ് സ്റ്റേഷനുകളിലായി 4 കേസുകള് രജിസ്റ്റര് ചെയ്തു. ശരിയായ വിധം മാസ്ക്ക് ധരിക്കാത്തതിന് 62 പേര്ക്കെതിരെയും സാമൂഹിക അകലം പാലിക്കാത്തതിന് 54പേര്ക്കെതിരെയും പിഴ ചുമത്തി. വ്യക്തമായ കാരണമില്ലാതെഅനാവശ്യമായി റോഡിലിറങ്ങിയ വാഹനങ്ങള്ക്കെതിരെ നടപടിയെടുത്തു.
ജില്ലയില് ഇന്ന് ഒരു പോലീസ് ഉദ്യോഗസ്ഥാന് കോവിഡ് പോസ്റ്റീവായിട്ടുണ്ട്.ജില്ലയില് വരും ദിവസങ്ങളിലും നിയന്ത്രണങ്ങള് കര്ശനമാക്കുമെന്നും നിര്ദേശം ലംഘിക്കുന്നവര്ക്കെതിരെ ശക്തമായ നിയമ നടപടി സ്വീകരിക്കുമെന്നും ജില്ലാ പോലീസ് മേധാവി അറിയിച്ചു.
മീഡിയ അക്കാദമിയില് പി.ജി. ഡിപ്ലോമ പ്രവേശനം
കേരള മീഡിയ അക്കാദമിയുടെ ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന പി.ജി. ഡിപ്ലോമ കോഴ്സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. ജേണലിസം ആന്ഡ് കമ്യൂണിക്കേഷന്, ടെലിവിഷന് ജേണലിസം, പബ്ലിക് റിലേഷന്സ് ആന്ഡ് അഡ്വര്ടൈസിങ് എന്നീ കോഴ്സുകളിലേക്കാണ് ഓണ്ലൈനായി
