ഹോസാപെറ്റ്: ഇടതുകാലില്‍ ഒന്‍പത് വിരലുകളുമായി ആണ്‍കുഞ്ഞ് ജനിച്ചത് കൗതുകമായി. ഇതിനെ ആരോഗ്യരംഗത്തെ അത്ഭുതം അല്ലെങ്കില്‍ വൈദ്യശാസ്ത്രപരമായി പോളിഡാക്റ്റിലി എന്നാണ് വിശേഷിപ്പിക്കാർ.
കര്‍ണാടകയിലെ ഹോസാപെറ്റിലെ ആശുപത്രിയിലാണ് ഒന്‍പത് കാല്‍വിരലുകളുമായി ആൺകുഞ്ഞ് ജനിച്ചത്.
ഇത് അപൂര്‍വമായ സംഭവമാണെന്നും നവജാതശിശുവും അമ്മയും ആരോഗ്യവാന്മാരാണെന്നും ഡോ. ബാലചന്ദ്രന്‍ പറഞ്ഞു. പോളിഡാക്റ്റിലിയെക്കുറിച്ച് കുടുംബത്തിനെ ബോധ്യപ്പെടുത്താന്‍ നേരത്തെയുള്ള കേസുകളും രേഖകളും വിശദീകരിക്കേണ്ടതുണ്ടെന്നും അദ്ദേഹം പറഞ്ഞു.
കുഞ്ഞിന് ആരോഗ്യപ്രശ്നങ്ങളൊന്നും ഉണ്ടാകില്ലെന്ന് ബല്ലാരിയില്‍ നിന്നുള്ള ചൈല്‍ഡ് സ്പെഷ്യലിസ്റ്റ് ഡോ ടി. പ്രിസ്കില്ല പറഞ്ഞു. “അധിക വിരലുകളോ കാല്‍വിരലുകളോ ഉപയോഗിച്ച് നിരവധി കുഞ്ഞുങ്ങള്‍ ജനിക്കുന്നു, എന്നാല്‍ ഒരൊറ്റ കാലില്‍ ഒമ്പത് വിരലുണ്ടാകുന്നത് അപൂര്‍വമാണ്.
വളരുന്തോറും അധിക കാല്‍വിരലുകള്‍ നടക്കാന്‍ അനുയോജ്യമാകുമെന്നും അവര്‍ പറഞ്ഞു.
ഇത് ദൈവത്തിന്റെ വരദാനമാണെന്ന് കുടുംബത്തിലെ മുതിര്‍ന്നവര്‍ പറഞ്ഞു, കുഞ്ഞിന്റെയും അമ്മയുടെയും ക്ഷേമത്തിന് ഡോക്ടര്‍മാരുടെ സംഘത്തിനു നന്ദി പറഞ്ഞു.
