പരസ്യങ്ങളിൽ വഞ്ചിതരാകരുതെന്നും മോട്ടോർവാഹനം എന്ന നിർവചനത്തിൽ വരുന്ന ഇലക്ട്രിക് സ്കൂട്ടറുകൾക്ക് രജിസ്‌ട്രേഷനും, ഓടിക്കാൻ ലൈസൻസും നിർബന്ധമാണെന്നും കേരള പോലീസ്.
ലൈസൻസ്, രജിസ്ട്രേഷൻ , ഇൻഷുറൻസ് എന്നിവ ആവശ്യമില്ലെന്ന തരത്തിൽ പരസ്യം നൽകി ഇലക്ട്രിക് സ്കൂട്ടറുകൾ വിൽപന നടത്തുന്നതായി മോട്ടോർവാഹന വകുപ്പിന്റെ ശ്രദ്ധയിൽ പെട്ടെന്നും, മോട്ടോർ വാഹനം എന്ന നിർവചനത്തിൽ വരുന്ന വാഹനങ്ങൾക്ക് രജിസ്ട്രേഷൻ നിർബന്ധമാണെന്നും പോലീസ് പറഞ്ഞു.
കേരള പോലീസിന്റെ ഔദ്യോഗിക ഫേസ്ബുക്ക് പേജിലൂടെയായിരുന്നു മുന്നറിയിപ്പ്. ഫേസ്ബുക്ക് പോസ്റ്റിന്റെ പൂർണരൂപം വായിക്കാം…
“പരസ്യങ്ങളിൽ വഞ്ചിതരാകരുത്
ലൈസൻസ്, രജിസ്ട്രേഷൻ, ഇൻഷുറൻസ്, എന്നിവ ആവശ്യമില്ലെന്ന തരത്തിൽ പരസ്യം നൽകി ഇലക്ട്രിക്ക് സ്കൂട്ടറുകൾ വില്പന നടത്തുന്നതായി മോട്ടോർവാഹന വകുപ്പിന്റെ പരിശോധനയിൽ ശ്രദ്ധയില്പെടുകയുണ്ടായി . മോട്ടോർ വാഹനം എന്ന നിർവചനത്തിൽ വരുന്ന തരം ഇലക്ട്രിക് സ്കൂട്ടറുകൾക്ക് റജിസ്ടേഷൻ ആവശ്യമുണ്ടെന്നും , ഇവ ഓടിക്കുവാൻ ലൈസൻസ് ആവശ്യമാണെന്നും മനസ്സിലാക്കുക.രജിസ്ട്രേഷൻ ആവശ്യമുള്ള വാഹനങ്ങളുടെ വിവരം ചുവടെ ചേർക്കുന്നു.
രജിസ്ട്രേഷൻ നിർബന്ധമാക്കിയിട്ടുള്ള വാഹനങ്ങൾ
വേഗത 25 കിലോമീറ്ററിൽ കൂടുതലുള്ളവ
ആവറേജ് 30 മിനിട്സ് പവർ 250 വാട്സിൽ കൂടുതലുള്ളവ
ബാറ്ററി പാക്ക് ഒഴികെ 60 കിലോഗ്രാമിന് മുകളിൽ ഭാരമുള്ള വാഹനങ്ങൾ”
