ദിനംപ്രതി നൂറുകണക്കിന് വാഹനങ്ങൾ ഇതുവഴി കടന്നുപോകുന്ന കൽപ്പറ്റ ബൈപ്പാസ് റോഡിൽ വലിയ ഗർത്തങ്ങൾ രൂപപ്പെട്ടതോടെ റോഡിൽ ഗതാഗത യോഗ്യമല്ലാതായിക്കൊണ്ടിരിക്കുകയാണ്. മഴക്കാലത്ത് റോഡുകളിലെ ഗർത്തങ്ങളിൽ വെള്ളം കെട്ടിനിൽക്കുന്നത് ഇരുചക്രവാഹനങ്ങൾക്കും ഭീഷണിയാണ്. ഒരു വർഷം മുൻപ് ഇത്തരത്തിൽ വലിയ ഗർത്തം രൂപപ്പെട്ടിരുന്നു. മാനന്തവാടി, ബത്തേരി ഭാഗങ്ങളിൽ നിന്ന് വരുന്ന ചരക്ക് വാഹനങ്ങളടക്കം കൽപ്പറ്റ നഗരത്തിൽ പ്രവേശിക്കാതെ പോകുവാനുള്ള എളുപ്പ വഴിയും കൂടിയാണിത്. നഗരത്തിൽ ഗതാഗതക്കുരുക്ക് അനുഭവപ്പെടുമ്പോൾ വാഹനങ്ങൾ വഴി തിരിച്ചു വിടുന്നതും ഈ ബൈപ്പാസ് റോഡിലൂടെയാണ്. റോഡിലെ കുഴികളിൽ വീണ് ഇരുചക്ര വാഹന യാത്രക്കാർക്ക് അപകടത്തിൽ പെടുന്നത് ഇപ്പോൾ സ്ഥിരം കാഴ്ചയാണ്. റോഡിന്റെ ശോചനീയാവസ്ഥ പരിഹരിക്കുന്നതിന് അടിയന്തര നടപടി സ്വീകരിക്കണമെന്നാണ് യാത്രക്കാരുടെ ആവശ്യം.
ഡ്രൈവര്‍ കം ക്ലീനര്‍ നിയമനം
തലപ്പുഴ ഗവ എന്‍ജിനീയറിങ് കോളജ് ബസിലേക്ക് താത്ക്കാലിക ഡ്രൈവര്‍ കം ക്ലീനറെ നിയമിക്കുന്നു. ഏഴാം തരം അല്ലെങ്കില്‍ തേര്‍ഡ് ഫോം പാസായ ഹെവി ഡ്രൈവിംഗ് ലൈസന്‍സുള്ള അഞ്ച് വര്‍ഷത്തില്‍ കുറയാത്ത പ്രവൃത്തി പരിചയമുള്ളവര്‍ക്കാണ് അവസരം.
