ഒന്നോ, രണ്ടോ, മൂന്നോ അല്ല അയോണിക് ഇ വിക്ക് ഹ്യുണ്ടായി നൽകുക എട്ടുവർഷം വാറണ്ടി: പരിചയപ്പെടാം കൊറിയൻ വാഹന നിർമ്മാതാക്കളുടെ ഓൾ ഇലക്ട്രിക് ക്രോസ് ഓവറിനെ.

ഓള്‍-ഇലക്‌ട്രിക് ക്രോസ്‌ഓവര്‍ മോഡലായ അയോണിക് 5 ഇവിയെ ഹ്യുണ്ടായി ഇന്ത്യയില്‍ പരിചയപ്പെടുത്തിയത് ഈ കഴിഞ്ഞ ദിവസമായിരുന്നു. ഡിസംബര്‍ 20 പുറത്തിറക്കി ബുക്കിംഗ് ആരംഭിച്ച വാഹനത്തിനെ വിപണിയില്‍ വേറിട്ടു നിര്‍ത്താനാണ് ബ്രാന്‍ഡിന്റെ ശ്രമം. ഇവി വാങ്ങാന്‍ താത്പര്യമുള്ള ഉപഭോക്താക്കള്‍ക്കായി കമ്ബനി ഔദ്യോഗിക ബുക്കിംഗും അന്നേ ദിവസം ആരംഭിച്ചിട്ടുണ്ട്.
വാഹനം പുറത്തിറക്കിയെങ്കിലും അടുത്ത മാസം ഓട്ടോ എക്‌സ്‌പോയിലായിരിക്കും അയോണിക് 5 ഇലക്‌ട്രിക്കിനായുള്ള വില പ്രഖ്യാപിക്കുക. പൂര്‍ണമായി ലോഡുചെയ്‌ത ഒരു വേരിയന്റില്‍ മാത്രമാവും വാഹനം ലഭ്യമാവുക. അതോടൊപ്പം ഇലക്‌ട്രിക് ക്രോസ്‌ഓവര്‍ മൂന്ന് വ്യത്യസ്‌ത കളര്‍ ഓപ്ഷനിലും തെരഞ്ഞെടുക്കാനാവും. കൊറിയന്‍ ബ്രാന്‍ഡ് വാഹനത്തെ കൂടുതല്‍ ആകര്‍ഷകമാക്കാനായി എക്സ്ക്ലൂസീവ് സര്‍വീസ് പാക്കേജുകള്‍ വരെയാണ് വാഗ്ദാനം ചെയ്യുന്നത്. അതില്‍ വാറണ്ടിയുടെ കാര്യത്തിലാണ് അയോണിക് 5 ഏവരേയും ഞെട്ടിക്കാന്‍ ഒരുങ്ങുന്നത്.
ഇതില്‍ മൂന്ന് വര്‍ഷം അല്ലെങ്കില്‍ അണ്‍ലിമിറ്റഡ് കിലോമീറ്റര്‍ വാറണ്ടി, എട്ട് വര്‍ഷം അല്ലെങ്കില്‍ 1,60,000 കി.മീ. ബാറ്ററി വാറണ്ടി, മൂന്ന് വര്‍ഷത്തെ റോഡ്സൈഡ് അസിസ്റ്റന്‍സ്, വാറണ്ടി അഞ്ച് വര്‍ഷം അല്ലെങ്കില്‍ 1,40,000 കി.മീ. വരെ നീട്ടാനുള്ള ഓപ്ഷന്‍ എന്നിവ ഉള്‍പ്പെടുന്നു. ഇതില്‍ ഏതാണ് നേരത്തെ വരുന്നത് എന്നതിനെ ആശ്രയിച്ചായിരിക്കും വാറണ്ടി ഓപ്ഷന്‍ പരിഗണിക്കപ്പെടുക. കൂടാതെ അയോണിക് 5 ഡെലിവറി ചെയ്ത് 15 ദിവസത്തിനുള്ളില്‍ ഒരു ഫസ്റ്റ് കണക്‌ട് ഹോം വിസിറ്റിനൊപ്പം രണ്ട് കോംപ്ലിമെന്ററി ഹോം ചാര്‍ജറുകളും (3.3kW, 11kW) കമ്ബനി വാഗ്ദാനം ചെയ്യും.
സാന്നിധ്യം നല്‍കുന്നുവെന്നും ഉറപ്പുവരുത്തിയിട്ടുണ്ട്. ശക്തമായ പെര്‍ഫോമന്‍സ് ശേഷി കൂടാതെ 350 kW ഡിസി ഫാസ്റ്റ് ചാര്‍ജറും നൂതനമായ വെഹിക്കിള്‍-ടു-ലോഡ് (V2L) സൊല്യൂഷനുകളും ഉപയോഗിച്ച്‌ വെറും 18 മിനിറ്റിനുള്ളില്‍ 10 ശതമാനം മുതല്‍ 80 ശതമാനം വരെ അള്‍ട്രാ ഫാസ്റ്റ് ചാര്‍ജിംഗ് ശേഷി ഹ്യുണ്ടായി അയോണിക് 5 പ്രാപ്തമാക്കുന്നു.

ദക്ഷിണ കൊറിയന്‍ വാഹന നിര്‍മാതാക്കള്‍ ലെവല്‍ 2 ADAS ഓഫര്‍ ചെയ്യു. 72.6 kWh ബാറ്ററി പാക്ക് ഒറ്റ ചാര്‍ജില്‍ 631 കിലോമീറ്റര്‍ ARAI സാക്ഷ്യപ്പെടുത്തിയ ഡ്രൈവിംഗ് റേഞ്ച് അനുവദിക്കുന്നു. ആഗോളതലത്തില്‍ റിയര്‍-വീല്‍ ഡ്രൈവ് (RWD), ഓള്‍-വീല്‍ ഡ്രൈവ് (AWD) പവര്‍ട്രെയിനുകള്‍ക്കൊപ്പം സ്റ്റാന്‍ഡേര്‍ഡ് റേഞ്ച്, ലോംഗ് റേഞ്ച് വേരിയന്റുകളോടെയാണ് ഹ്യുണ്ടായി മോഡല്‍ വാഗ്ദാനം ചെയ്യുന്നത്. ഇതിലെ സ്റ്റാന്‍ഡേര്‍ഡ് വേരിയന്റിന് 58kWh ബാറ്ററി പായ്ക്ക് ഉണ്ട്. അതേസമയം എക്സ്റ്റന്‍ഡഡ് റേഞ്ച് വേരിയന്റിന് 72.6kWh പായ്ക്കും ലഭിക്കുന്നു.