എറണാകുളം നഗരത്തില് യുവതിയുടെ കഴുത്തറുത്തു. രവിപുരത്തെ റെയ്സ് ട്രാവല് ബ്യൂറോ എന്ന സ്ഥാപനത്തിലെ ജീവനക്കാരിയെയാണ് ഇടപാടുകാരന് അക്രമിച്ചത്. വിസയുമായി ബന്ധപ്പെട്ട തര്ക്കമാണ് ആക്രമണത്തിന് കാരണം. റെയ്സ് ട്രാവല്സിലെ ജീവനക്കാരിയായ തൊടുപുഴ സ്വദേശി സൂര്യക്ക് നേരെയാണ് ആക്രമണം നടന്നത്. പള്ളുരുത്തി സ്വദേശി ജോളിയാണ് ആക്രമിച്ചതെന്ന് പൊലീസ് പറഞ്ഞു. പ്രതിയെ കസ്റ്റഡിയില് എടുത്തതായും പോലീസ് അറിയിച്ചു.
ആക്രമണം നടന്നതിന് പിന്നാലെ യുവതി സമീപത്തെ ഹോട്ടലില് ഓടിയെത്തുകയായിരുന്നു. ആസമയം അതുവഴിയെത്തിയ പോലീസ് ജീപ്പിലാണ് യുവതിയെ ആശുപത്രിയിലെത്തിച്ചത്. വിദഗ്ധ ചികിത്സ ആവശ്യമായതിനാല് യുവതിയെ മെഡിക്കല് ട്രസ്റ്റ് ആശുപത്രിയിലേക്ക് മാറ്റിയതായി സിഐ വ്യക്തമാക്കി.
ലോക്ക് ഡൗണിന് മുന്പ് വിസയുമായി ബന്ധപ്പെട്ട് ട്രാവല് ഉടമയ്ക്ക് പണം നല്കിയിരുന്നതായി പ്രതി പോലീസിനോട് പറഞ്ഞു. എന്നാല് വര്ഷങ്ങള് കഴിഞ്ഞിട്ടും ഉടമ വിസ നല്കിയില്ല. ഉടമയെ കാണാത്തതിനെ തുടര്ന്നാണ് യുവതിയെ കുത്തിയതെന്നാണ് ഇയാള് പോലീസിനോട് പറഞ്ഞത്. സംഭവത്തിന് പിന്നാലെ പ്രതി അവിടെ തന്നെ നില്ക്കുകയായിരുന്നെന്ന് ഹോട്ടലുടമയും പ്രതികരിച്ചു.
