മേപ്പാടി: പുൽവാമ ഭീകരാക്രമണത്തിൽ രക്തസാക്ഷിയായ ജവാൻ വസന്തകുമാറിന്റെ സ്മരണാർത്ഥം വയനാട് ജില്ലാ പഞ്ചായത്ത് പദ്ധതിയിൽ ഉൾപ്പെടുത്തി 10 ലക്ഷം രൂപ ചിലവഴിച്ച് അദ്ദേഹത്തിൻ്റെ ജന്മസ്ഥലമായ മേപ്പാടി ഗ്രാമ പഞ്ചായത്തിലെ വാഴക്കണ്ടി കോളനിയിൽ നിർമ്മാണം പൂർത്തിയാക്കിയ വസന്തകുമാർ സ്മാരക സാംസ്കാരിക നിലയം വസന്തകുമാറിന്റെ മക്കളായ അനാമികയും അമർദീപും ചേർന്ന് നാടിന് സമർപ്പിച്ചു. വാ ഴക്കണ്ടി കോളനി നിവാസികളുടെ വർഷങ്ങളായുള്ള ആവശ്യമായിരുന്നു വിദ്യാർത്ഥികൾക്ക് ഒരുമിച്ചിരുന്ന് പഠിക്കാനും കോളനിയിലെ ചടങ്ങുകൾ നടത്തുന്നതിനും വേണ്ടിയുള്ള ഒരു സാംസ്കാരിക നിലയം. വാഴക്കണ്ടി കോളനി ഉൾപ്പെടുന്ന പ്രദേശത്തെ ജില്ലാ പഞ്ചായത്ത് ഡിവിഷൻ മെമ്പർ കൂടിയ ജില്ലാ പഞ്ചായത്ത് പ്രസിഡൻറ് മുന്നിൽ വിഷയം അവർ ധരിപ്പിച്ചിരുന്നു. ഇതേതുടർന്നാണ് വാർഷിക പദ്ധതിയിൽ സാംസ്കാരിക നിലയത്തിന് വേണ്ടി 10 ലക്ഷം രൂപ വകയിരുത്തി നിർമ്മാണ പൂർത്തീകരിച്ചത്. വൈദ്യുതീകരണത്തിന് അടക്കമുള്ള തുക അനുവദിക്കുകയും അതുകൂടി പൂർത്തിയാക്കിയതിന് ശേഷമാണ് സാംസ്കാരിക നിലയം ഉദ്ഘാടനം ചെയ്തത്. വാഴക്കണ്ടി കോളനിയിൽ നടന്ന ചടങ്ങിൽ അഡ്വ. ടി. സിദ്ധിഖ് എം.എൽ എ, ജില്ലാ പഞ്ചായത്ത് പ്രസിഡണ്ട് സംഷാദ് മരക്കാർ, മേപ്പാടി ഗ്രാമപഞ്ചായത്ത് പ്രസിഡണ്ട് ഓമന രമേശ്, വിവിധ തലങ്ങളിലെ ജനപ്രതിനിധികൾ, രാഷ്ട്രീയ-സാംസ്കാരിക പ്രവർത്തകർ, ജവാൻ വസന്തകുമാറിന്റെ കുടുംബാംഗങ്ങൾ, എന്നിവർ സംബന്ധിച്ചു.
മീഡിയ അക്കാദമിയില് പി.ജി. ഡിപ്ലോമ പ്രവേശനം
കേരള മീഡിയ അക്കാദമിയുടെ ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന പി.ജി. ഡിപ്ലോമ കോഴ്സുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. ജേണലിസം ആന്ഡ് കമ്യൂണിക്കേഷന്, ടെലിവിഷന് ജേണലിസം, പബ്ലിക് റിലേഷന്സ് ആന്ഡ് അഡ്വര്ടൈസിങ് എന്നീ കോഴ്സുകളിലേക്കാണ് ഓണ്ലൈനായി
