വെറ്ററൻ ലെഗ് സ്പിന്നർ പിയൂഷ് ചൗള വളരെ മികച്ച സീസണാണ് ഇപ്പോൾ കളിക്കുന്നത്. 17 വിക്കറ്റുമായി മുംബൈ ഇന്ത്യൻസിന് വേണ്ടി ഏറ്റവും കൂടുതൽ വിക്കറ്റ് നേടിയതും താരം തന്നെയാണ്. ലേലത്തിൽ ടീമുകളെ ആകർഷിക്കുന്നതിൽ പരാജയപ്പെട്ടതിനെത്തുടർന്ന് ചൗള ഐപിഎൽ 2022ൽ ഇടംപിടിച്ചില്ല. എന്നിരുന്നാലും, 2022 ഡിസംബറിൽ നടന്ന മിനി ലേലത്തിൽ 34 കാരനായ താരത്തെ എംഐ 50 ലക്ഷം രൂപയ്ക്ക് തിരഞ്ഞെടുത്തു.
അടുത്തിടെ, ഇന്ത്യൻ ഓഫ് സ്പിന്നർ രവിചന്ദ്രൻ അശ്വിൻ, ചൗളയും അദ്ദേഹത്തിന്റെ ആറുവയസ്സുള്ള മകനും ഉൾപ്പെടുന്ന ഒരു കഥ പങ്കിട്ടു. ചൗള തന്റെ മകനെ പന്ത് എടുക്കാൻ അനുവദിക്കുന്നില്ലെന്നും അങ്ങനെ ചെയ്യുമ്പോഴെല്ലാം അവന്റെ കൈയിൽ അടിക്കാറുണ്ടെന്നും അശ്വിൻ വെളിപ്പെടുത്തി. എന്നിട്ടും ബാറ്റ് എടുക്കുന്ന അവൻ പരിശീലനം നടത്തുമ്പോൾ അവനായി ഒരു 20 കോടി നീക്കി വെക്കാനാണ് മുംബൈയോട് ചൗള പറയുന്നത് .
” ചൗള എന്നോട് പറഞ്ഞു, എന്റെ മകൻ എല്ലാ മത്സരങ്ങളും കാണുകയും ഞാൻ മോശമായി കളിക്കുമ്പോൾ എന്നോട് വഴക്ക് ഉണ്ടാക്കുകയും ചെയ്യും. ഞാൻ ചോദിച്ചു, അയാൾക്ക് ക്രിക്കറ്റ് ഇഷ്ടമാണോ? അവൻ സ്പോർട്സ് ഇഷ്ടപ്പെടുന്നുവെന്ന് അദ്ദേഹം എന്നോട് പറഞ്ഞു, കുടുംബത്തിലെ എല്ലാവരേയും ടിവിക്ക് മുന്നിൽ ഇരുന്ന് കാണാൻ പ്രേരിപ്പിക്കുന്നത് അവനാണ്. ഒരു ബൗളറാകുമെന്ന് സ്വപ്നം പോലും കാണരുത് എന്ന് മകനോട് ഞാൻ പറഞ്ഞു, മകന് 7 വയസ്സ്, അവൻ പന്ത് കൈ കൊണ്ട് തൊട്ടാൽ ഞാൻ ചെറുതായി അവനെ തല്ലും. എന്നിട്ട് ബാറ്റ് എടുത്ത് കൊടുത്തിട്ട് അവനോട് അടിക്കാൻ പറയും,” അശ്വിൻ തന്റെ യൂട്യൂബ് ചാനലിൽ പറഞ്ഞു.
“ഒരു മികച്ച ബാറ്റർ വികസിക്കുന്നുണ്ടെന്നും 20 കോടി രൂപ മാറ്റിവെക്കുമെന്നും താൻ നേരത്തെ തന്നെ മുംബൈ ഇന്ത്യൻസിനോട് പറഞ്ഞിട്ടുണ്ടെന്നും അദ്ദേഹം പറഞ്ഞു. പരിശീലനത്തെക്കുറിച്ച് ഞാൻ അദ്ദേഹത്തോട് ചോദിച്ചു. ഞാൻ രാവിലെ മുതൽ അവനോട് ബൗൾ ചെയ്യുന്നു, ഐപിഎല്ലിൽ പന്തെറിയുകയാണെങ്കിൽ അവർ പണം നൽകുന്നു. എനിക്ക് 50 ലക്ഷം രൂപ മാത്രമാണ് മുംബൈ തന്നത് , അവൻ നന്നായി ബാറ്റ് ചെയ്താൽ, 10 വർഷത്തിനുള്ളിൽ, അവർ അദ്ദേഹത്തിന് 20 കോടി രൂപ നൽകും, ”അദ്ദേഹം കൂട്ടിച്ചേർത്തു.
