നമ്മൾ എല്ലാവരും നിത്യമായി സോപ്പ് ഉപയോഗിക്കുന്നവരാണല്ലോ. ചിലർ മുഖം കഴുകുന്നത് പോലും സോപ്പ് ഉപോഗിച്ചാണ്. മുഖത്ത് സോപ്പ് ഉപയോഗിക്കുന്നത് ദോഷം ചെയ്യുമെന്ന് വിദഗ്ധർ ചൂണ്ടിക്കാട്ടുന്നു. ഇത് പ്രകൃതിദത്ത എണ്ണകൾ നീക്കം ചെയ്യുകയും ചർമ്മത്തിലെ മൈക്രോബയോട്ടയുടെ അതിലോലമായ സന്തുലിതാവസ്ഥയിൽ മാറ്റം വരുത്തുകയും ചെയ്യും.
മാത്രമല്ല ഇത് വരൾച്ച, പൊട്ടൽ എന്നിവയ്ക്ക് കാരണമാകും കൂടാതെ, സോപ്പ് ചർമ്മത്തിൽ നിന്ന് മേക്കപ്പും മറ്റ് മാലിന്യങ്ങളും നീക്കം ചെയ്തേക്കില്ല. ദൈനംദിന ചർമ്മസംരക്ഷണത്തിന് മുഖം ഇടയ്ക്കിടെ കഴുകുന്നത് ചർമ്മത്തിലെ അഴുക്ക്, എണ്ണ, മലിനീകരണം എന്നിവ നീക്കം ചെയ്യാനും വൃത്തിയും ആരോഗ്യവും നിലനിർത്താനും സഹായിക്കുന്നു.
തണുത്ത വെള്ളം ഉപയോഗിച്ച് മുഖം കഴുകുന്നത് ഏറെ ഗുണകരം ആണെങ്കിലും സോപ്പ് ഉപയോഗിച്ച് മുഖം വൃത്തിയാക്കുന്നതിന്റെ പാർശ്വഫലങ്ങൾ നിരവധിയാണ്.
സോപ്പ് ഉപയോഗിച്ച് മുഖം കഴുകുന്നത് സുഷിരങ്ങൾ അടയുകയും മുഖക്കുരുവിന് കാരണമാവുകും ചെയ്യും. കാരണം, ചർമ്മത്തിൽ എണ്ണ, അണുക്കൾ എന്നിവയുടെ സാന്നിധ്യം ബാക്കിയുണ്ടാകാം. അതിന്റെ ഫലമായി ബ്ലാക്ക്ഹെഡ്സ്, വൈറ്റ്ഹെഡ്സ്, മുഖക്കുരു എന്നിവ ഉണ്ടാകുന്നു.
മിക്ക സോപ്പുകളിലും ചർമ്മത്തിന്റെ സ്വാഭാവിക എണ്ണകൾ ഇല്ലാതാക്കാൻ കഴിയുന്ന കഠിനമായ രാസവസ്തുക്കൾ അടങ്ങിയിട്ടുണ്ട്. ഇത് ചർമ്മത്തിന്റെ വരൾച്ചയ്ക്ക് കാരണമാകുന്നു. സെൻസിറ്റീവ് ത്വക്ക് അല്ലെങ്കിൽ എക്സിമ അല്ലെങ്കിൽ സോറിയാസിസ് പോലുള്ള മുൻകാല ത്വക്ക് തകരാറുകൾ ഉള്ള ആളുകൾക്ക് ഇത് പ്രത്യേകിച്ച് പ്രശ്നാമായേക്കും.
ചർമ്മത്തിന്റെ പിഎച്ച് നില ആരോഗ്യം നിലനിർത്തുന്നതിനും ബാഹ്യ പ്രകോപനങ്ങളിൽ നിന്ന് സംരക്ഷിക്കുന്നതിനും പ്രധാനമാണ്. സോപ്പിന് ഏകദേശം 9-10 ആൽക്കലൈൻ pH ഉണ്ട്. പതിവായി സോപ്പ് ഉപയോഗിച്ച് മുഖം കഴുകുന്നത് ചർമ്മത്തിന്റെ പിഎച്ച് ബാലൻസ് തകരാറിലാക്കും. അതിന്റെ ഫലമായി വരൾച്ച, മുഖക്കുരു എന്നിവ ഉണ്ടാകാം.
സോപ്പിലെ കഠിനമായ രാസവസ്തുക്കൾ ചർമ്മത്തിന്റെ സ്വാഭാവിക തടസ്സത്തെ ദോഷകരമായി ബാധിക്കും. ഇത് അതിവേഗത്തിലുള്ള വാർദ്ധക്യത്തിന് കാരണമാകുന്നു. ഇത് ചർമ്മം മങ്ങിയതും വരണ്ടതും ചുളിവുകളുള്ളതുമായി കാണാനും യഥാർത്ഥ പ്രായത്തേക്കാൾ പ്രായമുള്ളതായി കാണാനും ഇടയാക്കും.
ചില സോപ്പുകളിൽ അടങ്ങിയിട്ടുള്ള സുഗന്ധദ്രവ്യങ്ങളും പ്രിസർവേറ്റീവുകളും ചർമ്മത്തിൽ ചുളിവുകൾ ഉണ്ടാക്കാം. ഇത് ചർമ്മത്തിൽ ചുവപ്പ്, വീക്കം എന്നിവയ്ക്ക് കാരണമാകും.
