തിരുവനന്തപുരം: ഇനിമുതല് വാഹന ഇന്ഷുറന്സ് പുതുക്കണമെങ്കില് ഗതാഗത നിയമ ലംഘനത്തിനുള്ള പിഴ നിര്ബന്ധമായും അടച്ചുതീര്ക്കണമെന്ന് ഗതാഗതമന്ത്രി ആന്റണി രാജു.
നിലവിലുള്ള പിഴ പൂര്ണ്ണമായി അടച്ചവര്ക്ക് മാത്രമേ ഇന്ഷുറന്സ് പുതുക്കി നല്കൂ എന്ന് മന്ത്രി വ്യക്തമാക്കി. ഇതിനായി ഇന്ഷുറന്സ് കമ്പനികളുമായി ചര്ച്ച നടത്തുമെന്നും മന്ത്രി പറഞ്ഞു.
എ ഐ ക്യാമറ സ്ഥാപിച്ചതിന് ശേഷം വാഹനാപകടത്തില് മരിക്കുന്നവരുടെ എണ്ണം ഗണ്യമായി കുറഞ്ഞുവെന്നും മന്ത്രി പറഞ്ഞു. 2022 ജൂലൈയില് അപകടങ്ങളില് പരിക്കേറ്റവരുടെ എണ്ണം 3992 ആയിരുന്നു. 2023 ജൂലൈയില് വാഹനാപകടത്തില് പരിക്കേറ്റവരുടെ എണ്ണം 3316 ആയി കുറഞ്ഞു. ജൂണ് 5 മുതല് ഓഗസ്റ്റ് 2 വരെ 32,42,277 നിയമലംഘനം കണ്ടെത്തി. 15,83,367 നിയമലംഘനങ്ങള്ക്ക് നടപടിയെടുത്തു. 3,82580 നിയമ ലംഘനങ്ങള്ക്ക് പിഴ ഈടാക്കാന് ചലാന് നല്കി. 25 കോടി 81 ലക്ഷം രൂപ ഇ ചലാന് വഴി കിട്ടിയെന്നും മന്ത്രി അറിയിച്ചു.
