തേറ്റമല :- വിദ്യാർത്ഥികൾക്ക് പഠന പിന്തുണ നൽകുന്നതിനായി കെഎസ്ടിഎ സംസ്ഥാനത്തെ തെരഞ്ഞെടുക്കപ്പെട്ട സ്കൂളുകളിലായി നടപ്പാക്കുന്ന കരുതൽ പദ്ധതി മാനന്തവാടി സബ് ജില്ലാതല ഉദ്ഘാടനം തേറ്റമല ഗവൺമെന്റ് ഹൈസ്കൂളിൽ മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി നിർവ്വഹിച്ചു.
യു പി വിഭാഗം കുട്ടികൾക്ക് വായന , എഴുത്ത്, കണക്ക്, ശാസ്ത്രം എന്നിവയിൽ രസകരമായ പിന്തുണയാണ് പദ്ധതി ലക്ഷ്യമിടുന്നത്. വയനാട് ജില്ലാ പഞ്ചായത്ത് ഡിവിഷൻ മെമ്പർ കെ വിജയൻ അധ്യക്ഷത വഹിച്ചു. കെ.എസ് ടി എ സംസ്ഥാന കമ്മിറ്റി അംഗം എ ഇ സതീഷ് ബാബു കുട്ടികൾക്ക് പഠനോപകരണങ്ങൾ വിതരണം ചെയ്തു.
ജില്ലാ ജോയിന്റ് സെക്രട്ടറി എൻ മുരളീധരൻ പദ്ധതി വിശദീകരണം നടത്തി.
സ്കൂൾ ഹെഡ്മാസ്റ്റർ മനോജ് മാത്യു, പി ടി എ പ്രസിഡന്റ് അബ്ദുൾ നാസർ, കരുതൽ സബ് ജില്ലാ കോർഡിനേറ്റർ വി എൻ വിനോദ് കുമാർ , ജില്ലാ കൗൺസിൽ അംഗം സന്തോഷ് വി എം , സബ് ജില്ലാ കമ്മറ്റിയംഗം ജംഷീന കെ , സ്കൂൾ കോർഡിനേറ്റർ മഞ്ജു രവീന്ദ്രൻ എന്നിവർ സംസാരിച്ചു.
