കാട്ടാനയുടെ ആക്രമണത്തിൽ ആദിവാസി വൃദ്ധന് ദാരുണാന്ത്യം

പശുവിനെ മേക്കാൻ പോയ വയോധികനെ കാട്ടാന ചവിട്ടിക്കൊന്നു.ബേഗൂർ കാട്ടുനായ്ക്ക കോളനിയിലെ സോമൻ (58) ആണ് മരിച്ചത്. ഇന്ന് വൈകുന്നേരം നാലരയോടെയായിരുന്നു സംഭവം. വയനാട് വന്യജീവി സങ്കേതത്തിലെ തോൽപ്പെട്ടി ബേഗൂർ കോളനിക്ക് സമീപം പശുവിനെ മേയ്ക്കുകയായിരുന്ന സോമന് നേരെ കാട്ടാന പാഞ്ഞടുക്കുകയായിരുന്നു. ആനയെ കണ്ട് ഓടാൻ ശ്രമിച്ചുവെങ്കിലും സോമൻ നിലത്ത് വീഴുകയും ആന തലയ്ക്ക് ചവിട്ടുകയുമായിരുന്നു. സോമനെ വയനാട് മെഡിക്കൽ കോളേജിൽ എത്തിച്ചെങ്കിലും രക്ഷിക്കാനായില്ല.