അമ്പലവയൽ ഗവണ്മെന്റ് വൊക്കേഷണൽ ഹയർ സെക്കന്ററി സ്കൂൾ വിഎച്ച്എസ്ഇ വിഭാഗം നാഷണൽ സർവീസ് സ്കീം യൂണിറ്റ് ഒന്നാംവർഷ വൊളണ്ടിയർമാർക്കായി ‘ബോധനം’ 2023 ദ്വിദിന സഹവാസ ക്യാമ്പ് നടത്തി. വനിതാ ശിശു വികസന വകുപ്പുമായി ചേർന്ന് സ്ത്രീ ചൂഷണങ്ങൾക്കെതിരെ അമ്പലവയൽ ടൗണിൽ വിദ്യാർത്ഥികൾ സമത്വ ജ്വാല തെളിയിച്ച് സ്ത്രീ പുരുഷ സമത്വ പ്രതിജ്ഞ എടുത്തു. അമ്പലവയൽ ഗ്രാമ പഞ്ചായത്തു വൈസ്:പ്രസിഡണ്ട് കെ.ഷമീർ ഉദ്ഘാടനം ചെയ്ത സമത്വ ജ്വാലക്ക് പിടിഎ പ്രസിഡണ്ട് എ.രഘു, പ്രിൻസിപ്പൽ സി വി നാസർ, പ്രോഗ്രാം ഓഫീസർ പി ആർ വിനേഷ്, പി.ടി.എ പ്രസിഡണ്ട് റീന വിജു, പിടിഎ വൈസ്:പ്രസിഡണ്ട് ഇകെ.ജോണി, മധുസൂദനൻ, എം കെ, പ്രമോദ്ബാലകൃഷ്ണൻ, മഞ്ജുഷ ഇ, മുജീബ്റഹ്മാൻ, ആൻസൺ ഇമ്മാനുവൽ, ലിഥിയ എസ്മരിയ എന്നിവർ നേതൃത്വം നൽകി.
ക്യാമ്പിന്റെ ഭാഗമായി 200 ഓളം ഭവനങ്ങൾ സന്ദർശിച്ച അടുക്കള കലണ്ടർ വിതരണം ചെയ്ത് ജീവിത ശൈലി രോഗ നിയന്ത്രണ സന്ദേശം നൽകി. സ്ത്രീ പുരുഷ സമത്വം എന്ന ആശയം പ്രചരിപ്പിക്കുന്നതിനും സ്ത്രീധനം വാങ്ങുന്നതും നൽകുന്നതും കുറ്റകരമാണെന്ന് ഉദ്ബോദിപ്പിക്കുന്നതിനും വിദ്യാർത്ഥികൾ പ്രദേശത്തെ വീടുകൾ സന്ദർശിച്ച സന്ദേശം നൽകി. ക്യാമ്പിൽ ദേശഭക്തിഗാനം ആലപിച്ചും ദേശസ്നേഹ നൃത്താവിഷ്ക്കാരം നടത്തിയും സ്വാതന്ത്ര ദിനാഘോഷവും നടത്തി.
