കണ്ണൂർ: മകളെ വിവാഹം കഴിച്ച് കൊടുക്കാത്തതിന്റെ വൈരാഗ്യത്തില്‍ യുവാവ് പെൺകുട്ടിയുടെ പിതാവിനെ വീട്ടില്‍ കയറി വെട്ടിപരിക്കേല്‍പ്പിച്ചു.
കണ്ണൂർ പെരിങ്ങോത്ത് ഇന്ന് പുലര്‍ച്ചെ രണ്ട് മണിയോടെയായിരുന്നു സംഭവം. ഇരിക്കൂര്‍ മാമാനം സ്വദേശി രാജേഷിനാണ് വെട്ടേറ്റത്.
മാത്തില്‍ ചൂരലില്‍ വാടകവീട്ടിലെ താമസക്കാരനാണ് രാജേഷ്. പുലർച്ചെ വീട്ടിലെത്തിയ അക്ഷയ് വീട്ടില്‍കയറി പിതാവിനെ ആക്രമിക്കുകയായിരുന്നു .
തനിക്ക് വിവാഹം ചെയ്തു തരാതെ കാസര്‍കോട് സ്വദേശിക്ക് മകളെ വിവാഹം ചെയ്തുകൊടുത്തതില്‍ ഇയാൾക്ക് രാജേഷിനോട് പകയുണ്ടായിരുന്നതായി പോലീസ് പറഞ്ഞു.സംഭവത്തിനുശേഷം പിടിയിലായ പ്രതിയെ പെരിങ്ങോം പൊലീസിന് കൈമാറിയിട്ടുണ്ട്. രാജേഷ് ഗുരുതരാവസ്ഥയില്‍ പരിയാരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്
രാജേഷിന് തലയിലും മുഖത്തും വെട്ടേറ്റിട്ടുണ്ട്. രാജേഷ് ഗുരുതരാവസ്ഥയിൽ തുടരുകയാണെന്ന് ആശുപത്രി അധികൃതര്‍ അറിയിച്ചു. മറ്റൊരു കേസില്‍പെട്ട് ജയിലിലായിരുന്ന അക്ഷയ് അടുത്തകാലത്താണ് പുറത്തിറങ്ങിയത്.
