പനമരം: ഭക്ഷണം തേടി അലയുന്നതിനിടെ തലയിൽ കുടുങ്ങിയ പ്ലാസ്റ്റിക് ഭരണിയുമായി പനമരം നെല്ലിയമ്പം റോഡിൽ ദുരിതാവസ്ഥയിൽ കണ്ടെത്തിയ നായക്ക് ഒടുവിൽ രക്ഷകരായി പിണങ്ങോട് ആസ്ഥാനമായി പ്രവർത്തിച്ചു വരുന്ന ആനിമൽ റെസ്ക്യൂ ടീം അംഗങ്ങളെത്തി. വെള്ളമോ ഭക്ഷണമോ കഴിക്കാൻ പറ്റാത്ത അവശനിലയിലായിരുന്നു, കൂടാതെ അടുത്തിടെ ജന്മം നൽകിയ കുഞ്ഞുങ്ങൾക്ക് പാല് കൊടുക്കാൻ പോലും പറ്റാത്ത ദുരിതാവസ്ഥയിലുമായിരുന്നു നായ. ഒടുവിൽ നായയുടെ ദയനീയാവസ്ഥ ശ്രദ്ധയിൽപ്പെട്ട അനിമൽ റെസ്ക്യൂ ടീം സ്ഥലത്ത് എത്തുകയും ഏറെ പ്രയാസപ്പെട്ട് നായയെ വല വച്ച് പിടിച്ച് കത്രിക കൊണ്ട് പ്ലാസ്റ്റിക് ഭരണി വെട്ടി മാറ്റി രക്ഷപ്പെടുത്തുകയായുമായിരുന്നു. താഹിർ പിണങ്ങോടിന്റെ നേതൃത്വത്തിൽ നോമിരാജ് മാഷ്, അർഷാദ്, മാതു പനമരം എന്നിവരാണ് നായക്ക് പുതുജീവൻ നൽകിയത്.
പുതുവര്ഷത്തില് കേന്ദ്രത്തിന്റെ ഇരുട്ടടി; വാണിജ്യ പാചക വാതക സിലിണ്ടര് വില കൂട്ടി, വർധിപ്പിച്ചത് 111 രൂപ
ന്യൂഡല്ഹി: രാജ്യത്ത് എല്പിജി വാണിജ്യ സിലിണ്ടറുകളുടെ വില വര്ധിപ്പിച്ചു. 19 കിലോ വാണിജ്യ എല്പിജി സിലിണ്ടറുകളുടെ വില 111 രൂപയാണ് വര്ധിപ്പിച്ചത്. ഇതോടെ ഡല്ഹിയില് വാണിജ്യ സിലിണ്ടറിന് 1,691 രൂപയായി. കൊച്ചിയില് 1,698 രൂപയും
