മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില് പുതിയ ബാച്ച് മേറ്റുമാര്ക്കുള്ള ഏകദിന പരിശീലനം സംഘടിപ്പിച്ചു. മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിന് ബേബി ഉദ്ഘാടനം ചെയ്തു. ബ്ലോക്ക് പഞ്ചായത്ത് ക്ഷേമകാര്യ സ്റ്റാന്ഡിങ് കമ്മിറ്റി ചെയര്പേഴ്സണ് സല്മാ മോയിന് അധ്യക്ഷത വഹിച്ചു. രണ്ടു ദിവസങ്ങളിലായി കരുണാകരന് മെമ്മോറിയല് ഹാളില് നടക്കുന്ന പരിശീലനത്തില് മാനന്തവാടി ബ്ലോക്ക് പഞ്ചായത്തിന്റെ പരിധിയിലെ അഞ്ച് ഗ്രാമപഞ്ചായത്തുകളിലെ 250 മേറ്റ്മാരാണ് പങ്കെടുക്കുന്നത്. ജോയിന്റ് പ്രോഗ്രാം കോ ഓര്ഡിനേറ്റര് പി.സി മജീദ് ആമുഖ പ്രഭാഷണം നടത്തി. ബ്ലോക്ക് പ്രോഗ്രാം ഓഫീസര് പി.പി ഷിജി, ആര് ദീപ്തി, പി.സി സ്വപ്ന എന്നിവര് വിവിധ വിഷയങ്ങളില് ക്ലാസെടുത്തു. പദ്ധതി കൂടുതല് കാര്യക്ഷമമായി നടത്തുന്നതിന് പൊതുനിര്ദ്ദേശങ്ങള് നല്കി. ബ്ലോക്ക് പഞ്ചായത്ത് ആരോഗ്യ സ്റ്റാന്ഡിങ് കമ്മിറ്റി ചെയര്പേഴ്സണ് പി കല്യാണി, മെമ്പര്മാരായ പി.കെ അമീന്, ബി.എം വിമല, രമ്യ താരേഷ്, അസി. എഞ്ചിനീയര് കാവ്യ തുടങ്ങിയവര് സംസാരിച്ചു.
പുതുവര്ഷത്തില് കേന്ദ്രത്തിന്റെ ഇരുട്ടടി; വാണിജ്യ പാചക വാതക സിലിണ്ടര് വില കൂട്ടി, വർധിപ്പിച്ചത് 111 രൂപ
ന്യൂഡല്ഹി: രാജ്യത്ത് എല്പിജി വാണിജ്യ സിലിണ്ടറുകളുടെ വില വര്ധിപ്പിച്ചു. 19 കിലോ വാണിജ്യ എല്പിജി സിലിണ്ടറുകളുടെ വില 111 രൂപയാണ് വര്ധിപ്പിച്ചത്. ഇതോടെ ഡല്ഹിയില് വാണിജ്യ സിലിണ്ടറിന് 1,691 രൂപയായി. കൊച്ചിയില് 1,698 രൂപയും
