ജില്ലയില്‍ വരള്‍ച്ചയെ നേരിടാന്‍ സമഗ്രവും ശാസ്ത്രീയവുമായ മുന്നൊരുക്കങ്ങള്‍ നടത്തും. സംസ്ഥാന സര്‍ക്കാര്‍ വകുപ്പുകളും മിഷനുകളും ഏജന്‍സികളും സംയുക്തമായി അതതു പ്രദേശങ്ങളിലെ സവിശേഷതകള്‍ക്ക് അനുസരിച്ചുള്ള വരള്‍ച്ചാ പ്രതിരോധ പ്രായോഗിക പദ്ധതികളാണ് ആസൂത്രണം ചെയ്തിട്ടുള്ളത്. തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ ജനപങ്കാളിത്തത്തോടുകൂടിയാണ് പദ്ധതി നടപ്പാക്കുക. . കൃഷി, മണ്ണ് – ജലസംരക്ഷണം, ജലസേചനം, ഭൂജലം, എം ജി എന്‍ ആര്‍ ജി എസ്, ഹരിതകേരളം മിഷന്‍, ജല അതോറിറ്റി തുടങ്ങി വിവിധ വകുപ്പുകളും ഏജന്‍സികളും ഏകോപിപ്പിച്ചുള്ള ജല സംരക്ഷണ – വരള്‍ച്ച പ്രതിരോധ പ്രവര്‍ത്തനങ്ങളാണ് നടപ്പാക്കുക. നീരുറവ് കബനിക്കായ് വയനാട് എന്നീ ക്യാമ്പയിനുകളാണ് പ്രധാനമായും വരള്‍ച്ചയ്ക്കെതിരെ നടപ്പാക്കുന്ന പദ്ധതികള്‍.വരള്‍ച്ചാ പ്രതിരോധ – ജല സംരക്ഷണ പ്രവര്‍ത്തനങ്ങള്‍ ഫലപ്രദമായി നടപ്പിലാക്കാനുള്ള ഏകോപന സംവിധാനമായി ഹരിതകേരളം മിഷന്‍ പ്രവര്‍ത്തിക്കും.
സി-മാറ്റ് പരിശീലനം
കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‍മെന്റ് (കിക്‌മ) സി-മാറ്റ് പരീക്ഷയ്ക്കുള്ള സൗജന്യ ഓൺലൈൻ പരിശീലനം സംഘടിപ്പിക്കുന്നു. വിദ്യാർത്ഥികൾ നവംബർ 20 വൈകിട്ട് അഞ്ചിനകം https://bit.ly/cmat25 മുഖേനെ രജിസ്റ്റർ ചെയ്യണം. ഫോൺ: 8548618290, 8281743442 Facebook
