ഇന്ത്യയിലെ പൗരന്മാരെ സംബന്ധിച്ച് വളരെ പ്രധാനപ്പെട്ടൊരു രേഖയാണ് ആധാര് കാര്ഡ്. വിവിധ ആവശ്യങ്ങള്ക്കായി തിരിച്ചറിയല് രേഖയായും വിലാസത്തിനും വിശ്വസനീയതയുടേ രൂപമായും ഇത് പ്രവര്ത്തിക്കുന്നു. എന്നാല് നിങ്ങളുടെ ആധാര് കാര്ഡ് മോഷ്ടിക്കപ്പെട്ടാന് അത് ദുരുപയോഗം ചെയ്യപ്പെടാന് സാധ്യതകള് കൂടുതലാണ്. ഇത്തരത്തിലുള്ള ദുരുപയോഗം തടയാന്, യുണീക്ക് ഐഡന്റിഫിക്കേഷന് അതോറിറ്റി ഓഫ് ഇന്ത്യ (യുഐഡിഎഐ) നിങ്ങളുടെ ആധാര് കാര്ഡ് ലോക്ക് ചെയ്യാനുള്ള സൗകര്യം ഒരുക്കിയിട്ടുണ്ട്. ഒരിക്കല് നിങ്ങളുടെ ആധാര് കാര്ഡ് ലോക്ക് ചെയ്താല് പിന്നിട് ഇത് ആധികാരിക ആവശ്യങ്ങള്ക്ക് ഉപയോഗിക്കാന് സാധിക്കുകയില്ല. ആധാര് കാര്ഡ് ലോക്ക് ചെയ്യുന്നതിലൂടെ, ബയോമെട്രിക്സ്, ഡെമോഗ്രാഫിക്സ്, ഒടിപി, യുഐഡി, യുഐഡി ടോക്കണ്, വിഐഡി എന്നിവയുള്പ്പെടെയുള്ള ഓതന്റിക്കേഷന് നിങ്ങളുടെ കാണാതായ ആധാര് ഉപയോഗിക്കാന് സാധിക്കാതെ വരുന്നു.
നിങ്ങളുടെ കാണാതായ ആധാര് കാര്ഡ് കണ്ടെത്തുകയോ പുതിയ ആധാര് കാര്ഡ് ലഭിക്കുകയോ ചെയ്താല് യുഐഡിഎഐ വെബ്സൈറ്റ് വഴിയോ എംആധാര് ആപ്പ് വഴിയോ ഏറ്റവും പുതിയ വിഐഡി ഉപയോഗിച്ച് നിങ്ങളുടെ യുഐഡി അണ്ലോക്ക് ചെയ്യാനും സാധിക്കും
ഓണ്ലൈനായി ആധാര് കാര്ഡ് എങ്ങനെ ലോക്ക് ചെയ്യാം
▪️യുഐഡിഎഐ വെബ്സൈറ്റില് കയറുക *(https://uidai.gov.in/).
▪️‘മൈ ആധാര്’ ടാബില് ക്ലിക്ക് ചെയ്യുക.
▪️‘ആധാര് സര്വ്വീസസ്’ വിഭാഗത്തിന് കീഴില്, ‘ആധാര് ലോക്ക്/അണ്ലോക്ക്’ ക്ലിക്ക് ചെയ്യുക.
▪️‘ലോക്ക് യുഐഡി’ ഓപ്ഷന് തിരഞ്ഞെടുക്കുക.
▪️നിങ്ങളുടെ ആധാര് നമ്പര്, മുഴുവന് പേര്, പിന് കോഡ് എന്നിവ നല്കുക.
▪️‘സെന്റ് ഒടിപി’ ബട്ടണില് ക്ലിക്ക് ചെയ്യുക.
▪️നിങ്ങളുടെ രജിസ്റ്റര് ചെയ്ത മൊബൈല് നമ്പറില് ലഭിച്ച ഒടിപി നല്കി സബ്മിറ്റ് ചെയ്യുക.
എസ്എംഎസ് വഴി ആധാര് കാര്ഡ് ലോക്ക് ചെയ്യാം
▪️നിങ്ങളുടെ രജിസ്റ്റര് ചെയ്ത മൊബൈല് നമ്പറില് GETOTP എന്ന് ടൈപ്പ് ചെയ്യുക.
▪️ആധാറിന്റെ അവസാനത്തെ നാല് നമ്പര് കൂടി ടൈപ്പ് ചെയ്യുക.
▪️1947 എന്ന നമ്പറിലേക്ക് എസ്എംഎസ് അയക്കുക.
ഉദാഹരണത്തിന് ആധാര് നമ്പര് 123456789012 ആണെങ്കില്, നിങ്ങള് GETOTP 9012 എന്ന് അയക്കാം.
▪️ഇപ്പോള്, നിങ്ങളുടെ രജിസ്റ്റര് ചെയ്ത മൊബൈല് നമ്പറില് നിന്ന് 1947 എന്ന നമ്പറിലേക്ക് ലോക്കിങ് റിക്വസ്റ്റ് എസ്എംഎസ് അയയ്ക്കുക.
ഇതിനായി LOCKUID OTP എന്ന് ടൈപ്പ് ചെയ്യുക.
ആധാര് നമ്പര് 123456789012 ആണെങ്കില് OTP 123456 ആണെങ്കില്, നിങ്ങള് LOCKUID 9012 123456 എന്ന് വേണം അയക്കാന്.
▪️ആധാര് കാര്ഡ് ലോക്ക് ചെയ്തുകഴിഞ്ഞാല് ഒരു കണ്ഫര്മേഷന് എസ്എംഎസ് ലഭിക്കും.
ഇതോടെ നിങ്ങളുടെ ബയോമെട്രിക് വിവരങ്ങള് ലോക്ക് ആകും. ലോക്ക് ചെയ്ത വിവരങ്ങള് അണ്ലോക്ക് ചെയ്യാതെ പിന്നീട് ഉപയോഗിക്കാനാവില്ല. വിവരങ്ങള് അണ്ലോക്ക് ചെയ്യുന്നതിനു മുകളില് പറഞ്ഞ നടപടിക്രമങ്ങള് വീണ്ടും പിന്തുടരുക.
