ബത്തേരി: വയനാട് എക്‌സൈസ് സ്‌പെഷ്യല്‍ സ്‌ക്വാഡിലെ എക്‌സൈസ് പ്രിവന്റീവ് ഓഫീസര്‍ എം.ബി ഹരിദാസനും സംഘവും സുല്‍ത്താന്‍ ബത്തേരി നൂല്‍പ്പുഴ കല്ലൂര്‍ ഭാഗത്ത് നടത്തിയ പരിശോധനയില്‍ 4.8 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യവുമായി സ്ഥിരം മദ്യവില്‍പ്പനക്കാരനെ പിടികൂടി.ബത്തേരി നൂല്‍പ്പുഴ കല്ലൂര്‍ കാഞ്ഞിരക്കടവ് വീട്ടില്‍ ബാലന്‍ (57) ആണ് പിടിയിലായത്.ഇയാള്‍ക്കെതിരെ അബ്കാരി നിയമ പ്രകാരം കേസെടുത്തു. കല്ലൂര്‍ 67 ഭാഗത്ത് സ്ഥിരമായി മദ്യവില്‍പ്പന നടത്തുന്നയാളാണ് ബാലന്‍. കര്‍ണ്ണാടക മദ്യം കടത്തിക്കൊണ്ടുവന്നതിനും ഇയാളെ മുന്‍പ് അറസ്റ്റ് ചെയ്തിട്ടുണ്ട്.സിവില്‍ എക്‌സൈസ് ഓഫീസര്‍മാരായ വി.രഘു, പി.എന്‍ ശശികുമാര്‍, ഉണ്ണികൃഷ്ണന്‍ കെ.എ എന്നിവരും എക്‌സൈസ് സംഘത്തില്‍ ഉണ്ടായിരുന്നു.
വ്യാജ ട്രേഡിങ്: ലാഭം നൽകാമെന്ന് വാഗ്ദാനം നൽകി ലക്ഷങ്ങൾ തട്ടിയ കേസിൽ നിയമ വിദ്യാർത്ഥി പിടിയിൽ
കൽപ്പറ്റ: ട്രേഡിങ് നടത്തി ലാഭം നൽകാമെന്ന് വിശ്വസിപ്പിച്ച് 33 ലക്ഷം തട്ടിയെടുത്ത കേസിൽ ഒരാൾ കൂടി പിടിയിൽ. ബാംഗ്ലൂരിലെ സ്വകാര്യ ലോ കോളേജിൽ നിയമ വിദ്യാർത്ഥിയായ മലപ്പുറം, താനൂർ സ്വദേശിയായ താഹിർ(32 )നെയാണ് വയനാട്
