യൂണിസെഫ്, കില, ശുചിത്വമിഷൻ, തദ്ദേശ സ്വയംഭരണ വകുപ്പ് എന്നിവയുടെ സംയുക്ത ആഭിമുഖ്യത്തിൽ ശുചീകരണ തൊഴിലാളികൾക്കായി ഏകദിന പരിശീലനം നടത്തി.മാനന്തവാടി മിൽക്ക് സൊസൈറ്റി ഹാളിൽ നടന്ന പരിശീലനം മാനന്തവാടി ബ്ലോക്ക് പഞ്ചായത്ത് പ്രസിഡണ്ട് ജസ്റ്റിൻ ബേബി ഉദ്ഘാടനം ചെയ്തു. കില ജില്ലാ ഫെസിലിറ്റേറ്റർ പി.ടി ബിജു അധ്യക്ഷത വഹിച്ചു. വിവിധ വിഷയങ്ങളെ സംബന്ധിച്ച് കില ആർ പി മാരായ പി.എ തോമസ് , എം ആർ പ്രഭാകരൻ, ഷൈല ജോസ്, ഷമീർ,ദിവാകരൻ, തുടങ്ങിയവർ ക്ലാസെടുത്തു. കില ആർ പി കെ വി ജുബൈർ, കില ആർ ജി.എസ്.എ കോർഡിനേറ്റർ ശരത് ചന്ദ്രൻ തുടങ്ങിയവർ സംസാരിച്ചു. പരിശീലനത്തിൽ മാനന്തവാടി ബ്ലോക്ക് പഞ്ചായത്ത് പരിധിയിൽപ്പെട്ട, തവിഞ്ഞാൽ, തിരുനെല്ലി, എടവക, വെള്ളമുണ്ട, തൊണ്ടർനാട് ഗ്രാമപഞ്ചായത്തുകളിലെ ശുചീകരണ വിഭാഗം ജീവനക്കാർ പരിശീലനത്തിൽ പങ്കെടുത്തു.
കണ്ണൂർ സെൻട്രൽ ജയിലിൽ നിന്ന് മൊബൈൽ ഫോൺ പിടികൂടി
കൊടുംകുറ്റവാളി ഗോവിന്ദച്ചാമിയുടെ ജയിൽചാട്ടത്തിന് പിന്നാലെ കണ്ണൂർ സെൻട്രൽ ജയിലിൽ നിന്ന് മൊബൈൽ ഫോൺ പിടികൂടി. ഒന്നാം ബ്ലോക്കിന്റെ പരിസരത്ത് നിന്നാണ് ഫോൺ കണ്ടെത്തിയത്. പതിവ് പരിശോധനയിലാണ് കല്ലിനടിയിൽ ഒളിപ്പിച്ച നിലയിൽ മൊബൈൽ ഫോൺ കണ്ടെത്തിയത്.
