കൽപ്പറ്റ: ജില്ലയിലെ മദ്റസകളിൽ സേവനം ചെയ്യുന്ന ആയിരത്തിലധികം മുഅല്ലിംകളുടെ ക്ഷേമ പ്രവർത്തനങ്ങൾക്കായി ജില്ലാ ജംഇയത്തുൽ മുഅല്ലിമീൻ കമ്മിറ്റി രൂപീകരിച്ച റിലീഫ് സെൽ വിവിധ പദ്ധതികളാവിഷ്കരിച്ചു വരികയാണ്. ചികിത്സ, വിവാഹം, വീടുനിർമാണംഎന്നിവകൾക്കുള്ള സഹായമാണ് ആദ്യ ഘട്ടത്തിൽ നടപ്പിലാക്കുന്നത്. മുഅല്ലിം സർവീസ് രജിസ്റ്റർ നേടി റെയ്ഞ്ചിൽഅംഗത്വമെടുത്തവരെയാണ് റിലീഫ് സെല്ലിലും മെമ്പർമാരാക്കുന്നത്. മുഅല്ലിമിനും കുടുംബത്തിനും ചികിത്സയിൽ ഇളവ് നൽകുന്നതിന് മേപ്പാടി ഡി എംവിംസുമായി സഹകരിച്ച് നടപ്പിലാക്കുന്ന പദ്ധതിയുടെ പ്രിവിലേജ് കാർഡ് വിതരണം ഉടൻ നടക്കും. ജോലിയിലിരിക്കെ അത്യാഹിതംസംഭവിക്കുന്നവർക്കും മരണപ്പെടുന്നവരുടെ കുടുംബത്തിനുമുള്ളധനസഹായത്തിനുള്ളപദ്ധതിയുംആവിഷ്കരിക്കുന്നുണ്ട്. റെയ്ഞ്ച് കമ്മിറ്റികൾ മുഖേന ഫോറം വിതരണം ചെയ്ത് പൂരിപ്പിച്ചു വാങ്ങിയാണ് റിലീഫ് സെൽ മെംബർ ഷിപ്പ് കാംപയിൻ പ്രവർത്തനങ്ങൾപൂർത്തിയാക്കിയത്.ഫോറംപൂരിപ്പിച്ചുനൽകി അംഗങ്ങളായവർക്കുള്ള മെമ്പർഷിപ്പ് കാർഡ് വിതരണോദ്ഘാടനം കഴിഞ്ഞ ദിവസം പനമരത്ത് വെച്ച് നടന്ന ചടങ്ങിൽ ജില്ലാ ഖാസി പാണക്കാട് സയ്യിദ് സ്വാദിഖലി ശിഹാബ് തങ്ങൾ പനമരം മൻസൂറുൽ ഇസ് ലാം മദ്റസാ മുഅല്ലിം അശ്റഫ് ദാരിമിക്ക് ആദ്യ കാർഡ് നൽകി നിർവഹിച്ചു. ജില്ലാ പ്രസിഡണ്ട് അശ്റഫ് ഫൈസി പനമരം അദ്ധ്യക്ഷനായി. ജില്ലാ വൈസ് പ്രസിഡന്റ് കെ.വി എസ് തങ്ങൾ , ട്രഷറർ പി. ആബിദ് ദാരിമി, എസ്.എം.എഫ് ജില്ലാ സെക്രട്ടറി പി.സി ഇബ്റാഹിം ഹാജി പനമരം മഹല്ല് പ്രസിഡണ്ട് ഡി. അബ്ദുല്ല ഹാജി, സെക്രട്ടറി കെ.സി അബ്ദുല്ല ഹാജി സംബന്ധിച്ചു. ജനറൽ സെക്രട്ടറി ഹാരിസ് ബാഖവി കമ്പളക്കാട് സ്വാഗതവും സെക്രട്ടറി എം.കെ ഇബ്റാഹിം മൗലവി നന്ദിയും പറഞ്ഞു
‘അദ്ദേഹത്തെ ബഹുമാനിക്കുന്നു, പക്ഷേ എനിക്ക് എന്‍റെ ജോലി ചെയ്യണം’; റൊണാള്‍ഡോയെ നേരിടുന്നതില്‍ യമാല്‍
യുവേഫ നേഷന്‍സ് ലീഗ് ഫൈനലില്‍ ക്രിസ്റ്റ്യാനോ റൊണാള്‍ഡോയുടെ പോര്‍ച്ചുഗലിനെ നേരിടുന്നതിനെ കുറിച്ച് സ്‌പെയിന്റെ കൗമാര താരം
