മാലിന്യ സംസ്കരണ നിയമലംഘനവുമായി ബന്ധപ്പെട്ട് വൈത്തിരി ഗ്രാമ പഞ്ചായത്ത് പരിധിയില് വിവിധ സ്ഥാപനങ്ങളിലും വിനോദ സഞ്ചാര കേന്ദ്രങ്ങളിലും നടത്തിയ പരിശോധനയില് നിരോധിത പ്ലാസ്റ്റിക് ഉല്പന്നങ്ങള് പിടികൂടി. 10000 രൂപ പിഴ ഈടാക്കി. മാലിന്യ സംസ്കരണ രംഗത്തെ നിയമലംഘനം കണ്ടെത്തി നടപടി സ്വീകരിക്കാന് ജില്ലാ തലത്തില് രൂപീകരിച്ച പ്രത്യേക എന്ഫോഴ്സ്മെന്റ് സ്ക്വാഡിന്റെയും വൈത്തിരി ഗ്രാമ പഞ്ചായത്തിന്റെയും സംയുക്ത പരിശോധനയിലാണ് നിരോധിത പ്ലാസ്റ്റിക് ഉല്പന്നങ്ങള് പിടികൂടിയത്. എന്ഫോഴ് സ്മെന്റ് ടീം ഹെഡ് സി. സുധീര്, എന്ഫോഴ്സ്മെന്റ് ഓഫീസര് റഹീം ഫൈസല്, എന്ഫോഴ്സ്മെന്റ് അംഗം പി.കെ വിനീത, ഹെല്ത്ത് ഇന്സ്പെക്ടര് പി.എ അശ്വിന്, എന്നിവര് പരിശോധനക്ക് നേതൃത്വം നല്കി. നിയമലംഘനങ്ങള് നടത്തുന്നവര്ക്കെതിരെ തുടര്ന്നും കര്ശന നടപടി സ്വീകരിക്കുമെന്ന് എന്ഫോഴ്സ്മെന്റ് സ്ക്വാഡ് അറിയിച്ചു.
2025ൽ ഏറ്റവും കൂടുതൽ ഇന്ത്യക്കാരെ നാടുകടത്തിയത് അമേരിക്കയല്ല; കണക്കില് സൗദി അറേബ്യ മുന്നില്
ന്യൂഡൽഹി: 2025ൽ 81 രാജ്യങ്ങളിൽ നിന്നായി 24,600 ഇന്ത്യക്കാരെ നാടുകടത്തി. വിവിധ രാജ്യങ്ങൾ ഇന്ത്യക്കാരെ നാടുകടത്തിയതുമായി ബന്ധപ്പെട്ട വിദേശകാര്യ മന്ത്രാലത്തിൻ്റെ കണക്കുകൾ രാജ്യസഭയിൽ വെച്ചു. കണക്കുകൾ പ്രകാരം ഏറ്റവും കൂടുതൽ ഇന്ത്യക്കാരെ നാടുകടത്തിയത് സൗദി
