ചെന്നലോട്: എന്റർപ്പണർഷിപ്പ് ഡെവലപ്മെന്റ് ഇൻസ്റ്റിറ്റ്യൂട്ട് ഓഫ് ഇന്ത്യ, ജോയിന്റ് വളണ്ടറി ആക്ഷൻ ഫോർ ലീഗൽ ആൾട്ടർനേറ്റീവ്സ് (ജ്വാല), തരിയോട് ഗ്രാമപഞ്ചായത്ത് ചെന്നലോട്, മഠത്തുവയൽ വാർഡുകളുടെ സഹകരണത്തോടെ എസ് സി, എസ് ടി കുടുംബശ്രീ അയൽക്കൂട്ട അംഗങ്ങൾക്ക് വേണ്ടി ഏകദിന സംരംഭകത്വ വികസന ശില്പശാല സംഘടിപ്പിച്ചു. മടത്തുവയൽ കമ്മ്യൂണിറ്റി ഹാളിൽ വച്ച് നടന്ന ശില്പശാല തരിയോട് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ ഷമീം പാറക്കണ്ടി ഉദ്ഘാടനം ചെയ്തു. ഗ്രാമപഞ്ചായത്ത് അംഗം ചന്ദ്രൻ മടത്തുവയൽ അധ്യക്ഷത വഹിച്ചു. എൻ.ജി.ഓ കൺസൾട്ടന്റ് പി.സി ജോസ്, വ്യവസായ കേന്ദ്രം എന്റർപ്രണർ ഡെവലപ്പ്മെന്റ് എക്സിക്യൂട്ടീവ് വർഷ ബാബു എന്നിവർ വിഷയാവതരണം നടത്തി.
സിഡിഎസ് എക്സിക്യൂട്ടീവ് അംഗങ്ങളായ സാഹിറ അഷറഫ്, പുഷ്പ പ്രഭാകരൻ, എസ്.ടി ആനിമേറ്റർ നിഷ ബാലകൃഷ്ണൻ, , സതീഷ് കുമാർ തുടങ്ങിയവർ സംസാരിച്ചു. ജ്വാല ടീം അംഗങ്ങളായ ലില്ലി തോമസ് സ്വാഗതവും ടി എ ലക്ഷ്മണൻ നന്ദിയും പറഞ്ഞു. പരിപാടിയിൽ സാമ്പത്തിക സാക്ഷരതയും മാനേജ്മെൻ്റും എന്ന വിഷയത്തിലും കേന്ദ്ര-സംസ്ഥാന സർക്കാരുകളുടെ വിവിധ ജീവനോപാധി പദ്ധതികളെ സംബന്ധിച്ചും ക്ലാസുകൾ നടന്നു.
