കൽപ്പറ്റ :സമൂഹത്തിന് തലവേദനയായ മദ്യം, മയക്ക് മരുന്ന് തുടങ്ങിയവക്ക് എതിരെ യോദ്ധാക്കളായി പ്രവർത്തിക്കാൻ ടീനേജേഴ്സിനെ പരിശീലിപ്പിക്കുക എന്ന ലക്ഷ്യത്തോടെ ശാരോൻഫെലോഷിപ്പ് ചർച്ച് സംഘടിപ്പിക്കുന്ന ചതുർദിന ടീൻസ് സമ്മർ ക്യാമ്പ് Chat GPL 2.0 ന് കൽപറ്റ ശാരോൻ ഓഡിറ്റോറിയത്തിൽ തുടക്കമായി.പാസ്റ്റർ കെ.ജെ.ജോബ് ഉദ്ഘാടനം നിർവ്വഹിച്ചു.പാസ്റ്റർ ബിജു ജോസഫ് അദ്ധ്യക്ഷത വഹിച്ചു. ജനറൽ കോഡിനേറ്റർ സാം ജി. കോശി, ഷാർലറ്റ് പി.മാത്യു, ബ്ലെസി ബിജു, ബിജു വർഗ്ഗീസ്, ഡോ. കെ.പി.സജികുമാർ, ഡോ.ഇ സത്യൻ, സാം ജി.എസ്, കെ.കെ.അഭിലാഷ് തുടങ്ങിയവർ ക്ലാസുകൾ നേതൃത്വം നൽകി.പ്രസിദ്ധ ഗായകർ ദാനിയേൽ നീലഗിരി, എബ്രഹാം ക്രിസ്റ്റഫർ, ക്ലിൻ്റ് എന്നിവർ ഗാനങ്ങൾ ആലപിച്ചു.9ന് സമാപിക്കും.
ജനറൽ ഫിറ്റ്നസ് ട്രെയിനർ പ്രവേശനം ആരംഭിച്ചു
മാനന്തവാടി അസാപ് കമ്മ്യൂണിറ്റി സ്‌കിൽ പാർക്കിൽ ഫിറ്റ്നസ് ട്രെയിനർ കോഴ്സിലേക്ക് പ്രവേശനം ആരംഭിച്ചു. ബാച്ചിൽ പ്രവേശനം നേടിയ ന്യൂനപക്ഷ സമുദായങ്ങളിൽപ്പെട്ട ഉദ്യോഗാർത്ഥികളെ ഫണ്ടിംഗ് വ്യവസ്ഥകൾ പ്രകാരം ഫീസ് അടയ്ക്കുന്നതിൽ നിന്ന് ഒഴുവാക്കും. ഫോൺ- 9495999669.
