ഓരോ ദിവസവും പലതരത്തിലുള്ള വീഡിയോകള് നമ്മള് സോഷ്യല് മീഡിയയിലൂടെ കാണാറുണ്ട്. അതില് തന്നെ ആളുകള് പട്ടികളെയും പൂച്ചകളെയും ഒക്കെ പോലെയുള്ള മൃഗങ്ങളെ താലോലിക്കുന്ന വീഡിയോയും നമ്മള് കണ്ടിട്ടുണ്ടാവും. എല്ലാവർക്കും ഇഷ്ടമുള്ള വളർത്തുമൃഗങ്ങളാണ് അവ. എന്നാല്, ആരെങ്കിലും കഴുതക്കുഞ്ഞുങ്ങളെ താലോലിക്കുന്ന വീഡിയോ കണ്ടിട്ടുണ്ടോ?
അങ്ങനെ ഒരു മനോഹര വീഡിയോയാണ് ഇപ്പോള് സോഷ്യല് മീഡിയയില് വൈറലായിക്കൊണ്ടിരിക്കുന്നത്. Nature is Amazing പങ്കിട്ടിരിക്കുന്ന ആ അതിമനോഹരമായ വീഡിയോ 5.8 മില്ല്യണ് ആളുകള് കണ്ടുകഴിഞ്ഞു. ഇന്നലെയാണ് വീഡിയോ ഷെയർ ചെയ്തിരിക്കുന്നത്. ആര് കണ്ടാലും മനസ് നിറഞ്ഞുപോകുന്ന തരത്തിലുള്ളതാണ് വീഡിയോ.
https://x.com/AMAZlNGNATURE/status/1786833368933421078
വീഡിയോയില് കാണുന്നത് ഒരാള് ഒരു കഴുതക്കുട്ടിയെ താലോലിക്കുന്നതാണ്. കറുത്ത നിറമുള്ള വളരെ അധികം വാത്സല്യം തോന്നിപ്പിക്കുന്ന മുഖമുള്ള ഒരു കഴുതക്കുട്ടിയാണ് ആളുടെ കയ്യിലുള്ളത്.അയാള് കഴുതക്കുട്ടിയെ കയ്യില്വച്ച് കുഞ്ഞുങ്ങള് താലോലിക്കുന്നത് പോലെ താലോലിക്കുന്നത് വീഡിയോയില് കാണാം.
അത് അയാളുടെ കയ്യില് ഒതുങ്ങിയിരിക്കുകയാണ്. അയാള് അതിന്റെ നെറ്റിയില് തന്റെ തല മുട്ടിച്ചു പിടിച്ചിട്ടുണ്ട്. കഴുതക്കുട്ടിക്ക് ആ വാത്സല്യപ്രകടനം നന്നായി ഇഷ്ടപ്പെട്ടു എന്നാണ് വീഡിയോയില് നിന്നും മനസിലാവുന്നത്.
