കമ്പളക്കാട്
ഭൗതിക പഠനത്തോടൊപ്പം മതപഠനവും അനിവാര്യമാണെന്നും സംസ്കാരവും അന്തസ്സുമുള്ള യഥാർഥ മനുഷ്യനെ സൃഷ്ടിക്കുന്നത് മതബോധമാണെന്നും കൊച്ചിൻ മെട്രോ ചീഫ് വിജിലൻസ് ഓഫീസർ കെ. കെ അശ്റഫ് ഐ.ആർ.പി.എഫ്. എസ്. കമ്പളക്കാട് മദ്റസത്തുൽ അൻസാരിയ്യയിൽ നടന്ന മദ്റസാ പഠനത്തോടൊപ്പം എസ്.എസ്.എൽ.സി , പ്ലസ്ടു പരീക്ഷകളിൽ ഫുൾ എ പ്ലസടക്കം ഉന്നത വിജയം നേടിയവരെയും സമസ്ത പൊതു പരീക്ഷയിലെ ജേതാക്കളെയും അനുമോദന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിദ്യാഭ്യാസ പ്രോത്സാഹനങ്ങൾക്കായി സമൂഹം ചെയ്തു വരുന്ന ഇത്തരം അനുമോദനങ്ങൾ വിദ്യാർഥികൾക്ക് ഏറെ പ്രചോദനമാകുമെന്ന് അദ്ദേഹം കൂട്ടി ചേർത്തു.
കമ്മിറ്റി ജനറൽ സെക്രട്ടറി പി.ടി അശ്റഫ് ഹാജി അദ്ധ്യക്ഷനായി. ടൗൺ മസ്ജിദ് ഖത്തീബ് അബ്ദുസ്സലീം മാഹിരി , പി.സി ഇബ്റാഹിം ഹാജി, വി.പി ശുക്കൂർ ഹാജി സംസാരിച്ചു. മുഹമ്മദ് കുട്ടി ഹസനി, പത്തായക്കോടൻ മൊയ്തു ഹാജി, സി.എച്ച് മൊയ്തു ഹാജി , ത്വൽഹത്ത് ഇടത്തിൽ , സൈത് പി കെ , ശംസുദ്ദീൻ വാഫി, അനസ് ദാരിമി തുടങ്ങിയവർ നേതൃത്വം നൽകി. സ്വദ്ർ മുഅല്ലിം ഹാരിസ് ബാഖവി സ്വാഗതവും സ്റ്റാഫ് സെക്രട്ടറി റഫീഖ് യമാനി നന്ദിയും പറഞ്ഞു
സൂര്യാതപമേറ്റ് ചികിത്സയിലിരിക്കെ വെൽഡിങ്ങ് തൊഴിലാളി മരിച്ചു.
സൂര്യാതപമേറ്റ് ചികിത്സയിൽ ആയിരുന്ന യുവാവ് മരിച്ചു. ഇടവ വെൺകുളം സ്വദേശി ഷൈൻ ആണ് മരിച്ചത്. വെൽഡിങ്ങ് തൊഴിലാളിയായ ഷൈൻ കഴിഞ്ഞ 18ന് കുഴഞ്ഞു വീഴുകയായിരുന്നു. തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിൽ ഇരിക്കെയാണ് മരിച്ചത്.
