കോഴിക്കോട്: ഇസ്ലാമിക ആഘോഷങ്ങളില് സ്ത്രീകളെ പൊതുഇടങ്ങളില് പ്രദര്ശിപ്പിക്കരുതെന്ന വിവാദ നിര്ദേശവുമായി സമസ്ത കാന്തപുരം വിഭാഗം. അന്യപുരുഷന്മാര്ക്കിടയില് വേദിയിലോ പൊതുഇടങ്ങളിലോ സ്ത്രീകളെ കൊണ്ടുവരരുത്. ആഘോഷങ്ങള് അതിരുകടക്കുന്നത് തടയണമെന്നും കാന്തപുരം അബൂബക്കര് മുസലിയാര് പ്രസ്തവനയില് പറഞ്ഞു.
നബിദിന ആഘോഷങ്ങളില് സ്ത്രീകളെ പങ്കെടുപ്പിച്ചതിന് പിന്നാലെ വിമര്ശനം ഉയര്ന്നതോടെയാണ് മഹല്ലുകള്ക്കും മദ്രസകള്ക്കും നിര്ദേശവുമായി സമസ്ത കാന്തപുരം വിഭാഗം രംഗത്തെത്തിയത്.
