കാലവര്‍ഷക്കെടുതിയെ തുടര്‍ന്ന് വൈത്തിരി, മാനന്തവാടി താലൂക്കുകളില്‍ ആരംഭിച്ച നാല് ക്യാമ്പുകളിലായി 127 പേരെ മാറ്റിതാമസിപ്പിച്ചു.
38 കുടുംബങ്ങളില്‍ നിന്നായി 36 പുരുഷന്മാര്‍, 54 സ്ത്രീകള്‍, 37 കുട്ടികള്‍, എന്നിവരെയാണ് ക്യാമ്പുകളിലേക്ക് മാറ്റിയത്. വൈത്തിരി, മാനന്തവാടി താലൂക്കുകളിൽ രണ്ട് വീതം ക്യാമ്പുകളാണ് തുടങ്ങിയത്. മാനന്തവാടി, തിരുനെല്ലി, കാവുമന്ദം പരിധികളില്‍ താമസിക്കുന്നവരെയാണ് ക്യാമ്പുകളിലേക്ക് മാറ്റിയത്.
മാനന്തവാടി താലൂക്കിൽ പിലാകാവ് സെന്റ് ജോസഫ് എൽപി സ്‌കൂളില്‍ ആരംഭിച്ച ക്യാമ്പിൽ 22 കുടുംബങ്ങളാണുള്ളത് -19 പുരുഷന്മാരും 33 സ്ത്രീകളും 17 കുട്ടികളും. തിരുനെല്ലി എസ്എയുപിയിൽ ഒൻപത് കുടുംബങ്ങളെ മാറ്റി പാര്‍പ്പിച്ചു-ഏഴ് പുരുഷന്മാർ, 10 സ്ത്രീകൾ, 11 കുട്ടികൾ.
വൈത്തിരി താലൂക്കിൽ കാവുമന്ദം കമ്മ്യൂണിറ്റി ഹാളിൽ തുടങ്ങിയ ക്യാമ്പിലേക്ക് ഒരു കുടുംബത്തെ മാറ്റി. രണ്ട് പുരുഷന്മാരും രണ്ട് സ്ത്രീകളും മൂന്ന് കുട്ടികളും ഈ ക്യാമ്പിലുണ്ട്.
തെങ്ങുമുണ്ട ഗവ. എൽപി സ്‌കൂളിൽ ആരംഭിച്ച ക്യാമ്പില്‍ ആറ് കുടുംബങ്ങളെ മാറ്റി പാർപ്പിച്ചു. എട്ട് പുരുഷന്മാരും ഒൻപത് സ്ത്രീകളും ആറ് കുട്ടികളുമാണുള്ളത്.
ജില്ലയിൽ കൂടുതൽ മഴ കാപ്പികളത്ത്
ജില്ലയിൽ കഴിഞ്ഞ ദിവസം കൂടുതൽ മഴ ലഭിച്ചത് കാപ്പികളത്ത്. ജൂലൈ 26 ന് രാവിലെ 8 മുതൽ ജൂലൈ 27 ന് രാവിലെ 8 വരെ ലഭിച്ച കണക്ക് പ്രകാരമാണ് പടിഞ്ഞാറതറ ഗ്രാമപഞ്ചായത്തിലെ കാപ്പിക്കളം
