കാവുംമന്ദം: ടൗണിലെയും പരിസര പ്രദേശങ്ങളിലെയും അനധികൃത മദ്യവിൽപ്പനക്കെതിരെ നടപടി വേണമെന്ന് സമന്വയ സാംസ്ക്കാരിക വേദി ആവശ്യപ്പെട്ടു. സർക്കാർ ബീവറേജസിൽ നിന്നും മാഹിയിൽ നിന്നും കുറഞ്ഞ വിലയുടെ മദ്യം കൊണ്ടുവന്ന് കൂടിയ വിലയ്ക്കാണ് വിൽക്കുന്നത്. കൂടാതെ ഗ്ലാസ് അളവിനും ഊറ്റി കൊടുക്കുന്നവരുണ്ട്. നാടൻ ചാരായം നിർമ്മിച്ച് വിൽപ്പന നടത്തുന്നവരും സജീവമാണ്. നിരവധി ആദിവാസികളും കൂലിപണിക്കാരയ സാധാരണക്കാരും ഇവരുടെ വലയിൽപ്പെട്ട് പണം നഷ്ടമാകുന്ന സാഹചര്യമാണ് ഉള്ളത്. അനധീകൃത മദ്യവിൽപ്പനക്കെതിരെ കർശന നടപടി സ്വീകരിക്കണമെന്ന് യോഗം ആവശ്യപ്പെട്ടു. പ്രസിഡന്റ് റെജിലാസ് കെ എ, ജോസ് മാത്യൂ , ശ്രീജേഷ് ,ജിജേഷ് കെ.ടി, സിറിൾ മാനുവൽ, ജിനേഷ് കെ.ടി എന്നിവർ സംസാരിച്ചു.
15 സെൻറീമീറ്റർ നീളമുള്ള മുല്ലപ്പൂ മാല കയ്യിൽ വച്ചു; ഓസ്ട്രേലിയൻ വിമാനത്താവള അധികൃതർ നവ്യാനായർക്ക് പിഴ ചുമത്തിയത് 1.75 ലക്ഷം രൂപ
മുല്ലപ്പൂവ് കെെവശം വച്ചതിന് നടി നവ്യ നായർക്ക് പിഴ ചുമത്തി. ഓസ്ട്രേലിയയിലെ മെല്‍ബണ്‍ രാജ്യാന്തര വിമാനത്താവളത്തിലാണ് നടിയുടെ കെെയില്‍ നിന്ന് പിഴ ചുമത്തിയത്.വിക്ടോറിയയിലെ മലയാളി അസോസിയേഷന്റെ ഓണപ്പരിപാടിയില്‍ പങ്കെടുക്കാനെത്തിയപ്പോഴാണ് സംഭവം. നവ്യതന്നെയാണ് ഇക്കാര്യം വെളിപ്പെടുത്തിയത്.
