ബത്തേരി :
മെയ് മാസം 18 മുതൽ 20 വരെ നടത്തുന്ന ശുചീകരണ പ്രവർത്തനങ്ങളുടെ ഒന്നാംഘട്ടം സുൽത്താൻ ബത്തേരി നഗരം കേന്ദ്രീകരിച്ച് കൊളഗപ്പാറ ജംഗ്ഷൻ മുതൽ മാരിയമ്മൻകോവിൽ വരെയും മൂന്നാംമൈൽ മുതൽ കോട്ടക്കുന്ന് ജംഗ്ഷൻ വരെയും മൂലങ്കാവ് മുതൽ കോട്ടക്കുന്ന് വരെയും സർവ്വജന സ്കൂൾ മുതൽ ചുങ്കം വരെയും കല്ലുവയൽ മുതൽ ഗാന്ധി ജംഗ്ഷൻ വരെയും ബൈപാസ് റോഡ് കൈപ്പഞ്ചേരി വരെയും പഴയ ബസ്റ്റാൻഡ് പുതിയ ബസ്റ്റാൻഡ് പരിസരങ്ങളും 7 ഗ്രൂപ്പുകളായി തിരിഞ്ഞ് ശുചീകരണം നടത്തി. “മഴയെത്തുംമുൻപേ മാലിന്യമുക്തമാവാം” എന്ന ഈ ക്യാമ്പയിൻ നഗരസഭ ഓഫീസ് പരിസരത്ത് നഗരസഭ ചെയർപേഴ്സൺ ടി കെ രമേശ് ഉദ്ഘാടനം ചെയ്തു. നഗരസഭ ഡെപ്യൂട്ടി ചെയർപേഴ്സൺ എൽസി പൗലോസ് അധ്യക്ഷത വഹിച്ചു. ആരോഗ്യകാര്യ സ്ഥിരം സമിതി അധ്യക്ഷ ഷാമില ജുനൈസ്, കൗൺസിലർമാരായ യോഹന്നാൻ, ആരിഫ്,വിവിധ സ്റ്റാൻഡിങ് കമ്മിറ്റി ചെയർമാൻമാർ, നഗരസഭാ സെക്രട്ടറി കെ.എം സൈനുദ്ദീൻ, വ്യാപാരി വ്യവസായി സമിതി പ്രതിനിധി ജയരാജ്,നഗരസഭ ക്ലീൻ സിറ്റി മാനേജർ കെ സത്യൻ എന്നിവർ സംസാരിച്ചു.നഗരസഭ ശുചീകരണ വിഭാഗം ജീവനക്കാർ,നഗരസഭ ആരോഗ്യ വിഭാഗം ഹെൽത്ത് ഇൻസ്പെക്ടർമാർ,ഹരിതകർമ സേന അംഗങ്ങൾ,ആരോഗ്യവകുപ്പിൽ നിന്നുള്ള ജീവനക്കാർ,വിവിധ വ്യാപാരി വ്യവസായി സംഘടന പ്രതിനിധികൾ, കുടുംബശ്രീ സിഡിഎസ് അംഗങ്ങൾ, വിവിധ സന്നദ്ധ സംഘടന പ്രതിനിധികൾ, ട്രൈബൽ പ്രമോട്ടേഴ്സ് അംഗങ്ങൾ, ഐസിഡിഎസ് അംഗൻവാടി ജീവനക്കാർ, ആശാവർക്കർമാർ, ടുലിപ്പ് ഇന്റേൺസ്, കെ എസ് ഡബ്ലിയു എം പി, ഹരിതമിത്രം കോഡിനേറ്റർമാർ, സാക്ഷരത പ്രേരക് മാർ, ശുചിത്വ മിഷൻ ആർ പി തുടങ്ങിയവർ ശുചീകരണ പ്രവർത്തനങ്ങളിൽ പങ്കാളികളായി.
വാഹന ലേലം
മാനന്തവാടി വെക്ടര്‍ കണ്‍ട്രോള്‍ യൂണിറ്റിലെ കെ.എല്‍ 12 ഇ 6846 വാഹനം ലേലം ചെയ്യുന്നു. ലേല വില്‍പനയ്ക്ക് ശേഷം അഞ്ച് വര്‍ഷത്തേക്ക് ജില്ലാ വെക്ടര്‍ കണ്‍ട്രോള്‍ യൂണിറ്റിലേക്ക് വാടകയ്ക്ക് നല്‍കാന്‍ താത്പര്യമുള്ളവര്‍ക്ക് ലേലത്തില്‍ പങ്കെടുക്കാം.
