പാചകവാതക (LPG) ഉപഭോക്താക്കള്‍ക്കുള്ള മസ്റ്ററിംഗ് (Mustering) പ്രക്രിയയുമായി ബന്ധപ്പെട്ട ആശയക്കുഴപ്പത്തിന് പിന്നാലെ ഇത് സംബന്ധിച്ച്‌ വിശദീകരണവുമായി പെട്രോളിയം പ്രകൃതി വാതക മന്ത്രാലയം (Petroleum and Natural Gas Ministry) രംഗത്തെത്തിയിരിക്കുകയാണ്. കഴിഞ്ഞ ദിവസം കേന്ദ്ര പെട്രോളിയം മന്ത്രി (Petroleum Minister) ഹരിദീപ് സിങ് പുരി ഇക്കാര്യത്തെ കുറിച്ച്‌ ട്വിറ്ററില്‍ (Twitter) പോസ്റ്റ് ഇടുകയും ചെയ്തു. മസ്റ്ററിംഗ് പൂർത്തിയാക്കാത്ത ഉപഭോക്താക്കള്‍ക്ക് സേവനമോ ആനുകൂല്യമോ നിർത്തലാക്കില്ലെന്ന് മന്ത്രാലയം വ്യക്തമാക്കുന്നു. പ്രധാനമന്ത്രി ഉജ്ജ്വല യോജനയുടെ 55% ഗുണഭോക്താക്കളും ഈ പ്രക്രിയ പൂർത്തിയാക്കിയിട്ടുണ്ട്.
വീട്ടില്‍ നിന്ന് തന്നെ ചെയ്യാം:
പാചക വാതക സബ്സിഡി ലഭിക്കുന്നതിനും ഗ്യാസ് സിലിണ്ടർ ബുക്ക് ചെയ്യുന്നതിനും ഉപഭോക്താക്കള്‍ മസ്റ്ററിങ് ചെയ്യേണ്ടത് നിർബന്ധമാണ്. ഇത് ചെയ്യുന്നതിനുള്ള ഏറ്റവും എളുപ്പമുള്ള മാർഗം ഗ്യാസ് ഏജൻസി സന്ദർശിച്ച്‌ നേരിട്ട് രജിസ്ട്രേഷൻ നടത്തുക എന്നതാണ്. എന്നാല്‍, നേരിട്ട് ഏജൻസി സന്ദർശിക്കാൻ സാധിക്കാത്തവർക്ക് ഇന്ധന വിതരണ കമ്ബനികളുടെ മൊബൈല്‍ ആപ്പുകള്‍ ഉപയോഗിച്ച്‌ വീട്ടില്‍ നിന്ന് തന്നെ മസ്റ്ററിങ്ങ് പൂർത്തിയാക്കാം.
ആവശ്യമായ കാര്യങ്ങള്‍:
നിങ്ങളുടെ ഗ്യാസ് കണക്ഷൻ രജിസ്റ്റർ ചെയ്ത മൊബൈല്‍ നമ്ബർ
ഇന്ധന വിതരണ കമ്ബനിയുടെ മൊബൈല്‍ ആപ്പ് (ഉദാഹരണത്തിന്, Bharat Gas Seva Kendra, Indane Gas Online Booking, HP Gas Consumer Service)
Aadhaar Enabled Face Recognition (AEFR) ആപ്പ്
ചെയ്യേണ്ടതെങ്ങനെ
1.ഇന്ധന വിതരണ കമ്ബനിയുടെ മൊബൈല്‍ ആപ്പ് ഡൗണ്‍ലോഡ് ചെയ്യുക. നിങ്ങളുടെ ഫോണിലെ ആപ്പ് സ്റ്റോറില്‍ നിന്ന് (Play Store, App Store) തിരഞ്ഞ് ആപ്പ് ഡൗണ്‍ലോഡ് ചെയ്യുക.
2. ആപ്പ് തുറന്ന്, മസ്റ്ററിംഗ് ഓപ്ഷൻ തിരഞ്ഞെടുക്കുക.
3. നിങ്ങളുടെ ഗ്യാസ് കണക്ഷൻ രജിസ്റ്റർ ചെയ്ത മൊബൈല്‍ നമ്ബർ നല്‍കുക.
4. ‘അയയ്ക്കുക’ ക്ലിക്ക് ചെയ്ത് ഒ ടി പി ലഭ്യമാക്കുക.
5. നിങ്ങളുടെ മൊബൈല്‍ നമ്ബറിലേക്ക് ലഭിക്കുന്ന ഒ ടി പി നല്‍കുക.
6. നിങ്ങളുടെ ആധാർ നമ്ബർ നല്‍കുക.
7. നിങ്ങളുടെ മുഖം സ്കാൻ ചെയ്യാൻ AEFR ആപ്പ് ഉപയോഗിക്കുക. നിർദ്ദേശങ്ങള്‍ പാലിച്ച്‌ മുഖം സ്കാൻ ചെയ്യുക.
8. മുഖം സ്കാൻ ചെയ്യല്‍ വിജയകരമായാല്‍, സ്ക്രീനില്‍ ഒരു സ്ഥിരീകരണ സന്ദേശം ദൃശ്യമാകും.
9. മസ്റ്ററിംഗ് നടപടിക്രമം വിജയകരമായി പൂർത്തിയാക്കിയെന്ന് സൂചിപ്പിക്കുന്ന ഒരു എസ് എം എസ് നിങ്ങളുടെ രജിസ്റ്റർ ചെയ്ത മൊബൈല്‍ നമ്ബറിലേക്ക് അയയ്ക്കും.
ശ്രദ്ധിക്കേണ്ട കാര്യങ്ങൾ
മസ്റ്ററിംഗ് നടപടിക്രമം ആരംഭിക്കുന്നതിന് മുമ്ബ് നിങ്ങളുടെ ഫോണില്‍ ‘AEFR’ ആപ്പ് ഇൻസ്റ്റാള്‍ ചെയ്തിരിക്കണം. മുഖം സ്കാൻ ചെയ്യുമ്ബോള്‍, നിങ്ങളുടെ മുഖം വ്യക്തമായി കാണാൻ ശ്രദ്ധിക്കുക. മുഖം മങ്ങിയതോ മറഞ്ഞിരിക്കുന്നതോ ആണെങ്കില്‍ സ്കാൻ ചെയ്യല്‍ വിജയിക്കില്ല. ഏതെങ്കിലും തടസ്സങ്ങള്‍ നേരിടുകയാണെങ്കില്‍, ഇന്ധന വിതരണ കമ്ബനിയുടെ കസ്റ്റമർ കെയർ സേവനവുമായി ബന്ധപ്പെടുക.
കൂടുതല്‍ വിവരങ്ങള്‍ക്ക്:
MyLPG വെബ്‌സൈറ്റ് സന്ദർശിക്കുക: https://www.mylpg.in/index_new1.aspx
പെട്രോളിയം, പ്രകൃതി വാതക മന്ത്രാലയത്തിന്റെ വെബ്‌സൈറ്റ് സന്ദർശിക്കുക: https://mopng.gov.in/
