ഉരുള് പൊട്ടല് ദുരന്തം അനുവഭിക്കുന്നവര് ബാങ്കുകളില് നിന്ന് എടുത്ത വായ്പകള്ക്ക് മൊറട്ടോറിയം അല്ല വായ്പകള് പൂര്ണമായും എഴുതി തളളുകയാണ് വേണ്ടതെന്ന് സിപിഐ കേന്ദ്ര സെക്രട്ടറിയേറ്റ് അംഗം ആനി രാജ പത്രസമ്മേളനത്തില് ആവശ്യപ്പെട്ടു. മരണപ്പെട്ടവര്ക്കു മാത്രം സഹായം എന്ന സമീപനം മാറ്റണം. 10, 11, 12 വാര്ഡുകളിലെ മുഴുവന് ജനങ്ങളുടേയും കടങ്ങള് എഴുതി തളളണം. ദേശസാത്കൃത ബാങ്കുകള് മാത്രമല്ല, മറ്റ് ധനകാര്യസ്ഥാപനങ്ങളിലേയും കടങ്ങള് എഴുതി തളളണം. ധന കാര്യ സ്ഥാപനങ്ങളുടെ സമീപനങ്ങളില് മാറ്റം ഉണ്ടായില്ലെങ്കില് പ്രക്ഷോഭം സംഘടിപ്പിക്കും. കര്ഷകര്, സ്വയം തൊഴില് ചെയ്യുന്നവര് തുടങ്ങി എല്ലാ വരേയും ഉള്ക്കൊളളുന്നതാകണം പുനരധിവാസമെന്നും ആനി രാജ പറഞ്ഞു. പത്ര സമ്മേളനത്തില് സിപിഐ ജില്ലാ സെക്രട്ടറി ഇ ജെ ബാബു, കേരള മഹിളാ സംഘം സംസ്ഥാന പ്രസിഡന്റ് അഡ്വ. പി വസന്തം, സിപിഐ ജില്ലാ എക്സിക്യുട്ടീവ് അംഗങ്ങളായ ടി ജെ ചാക്കോച്ചന്, വി കെ ശശിധരന് പങ്കെടുത്തു.
ഹേമ കമ്മിറ്റി റിപ്പോര്ട്ട് 15 അംഗ സംഘത്തിന്റെ പേര് വെളിപ്പെടുത്തണം; ആനി രാജ
കല്പറ്റ: ഹേമ കമ്മിറ്റി റിപ്പോര്ട്ടില് പരാമര്ശം ഉളള 15 അംഗ സംഘത്തിന്റെ പേര് വെളിപ്പെടുത്തണമെന്ന് ആനി രാജ ആവശ്യപ്പെട്ടു. ഇതില് കാലതാമസം ഉണ്ടാകാന് പാടില്ല. റിപ്പോര്ട്ട് പുറത്ത് വരാന് വൈകിയപ്പോള് തന്നെ അപകടം മണത്തതാണ്. സംസ്ഥാനത്തിന്റെ അന്തസിനെ ചോദ്യം ചെയ്യുന്ന കാര്യങ്ങളാണ് പുറത്ത് വന്നിരിക്കുന്നത്. തൊഴില് ഇടങ്ങളിലെ ലൈഗിക അതിക്രമങ്ങള് തടയാന് നിയമം കര്ശനമായി നടപ്പാക്കണം. ഇതിന്റെ ഭരണ ഘടന ബാധ്യത സര്ക്കാറിനുണ്ട്. പുറത്തു വന്ന വെളിപ്പെടുത്തലുകളുടെ അടിസ്ഥാനത്തില് പോക്സോ അടക്കമുളള വകുപ്പുകള് ചേര്ത്ത് പൊലീസ് സ്വമേധയാ കേസ് എടുക്കണം
