ആധാര്‍ ലോക്ക് ചെയ്ത് തട്ടിപ്പുകള്‍ ഒഴിവാക്കാം

ആധാർ എന്നത് രാജ്യത്തെ പൗരന്റെ പ്രധാന രേഖയാണ്. ആധാര്‍ വിവരങ്ങള്‍ ഉള്‍പ്പടെ തട്ടിപ്പുകാർ ഉപയോഗിക്കാൻ ശ്രമിക്കുന്നുണ്ട്. ഈ സാഹചര്യത്തില്‍ ആധാര്‍ അധിഷ്ഠിത പേയ്മെന്‍റ് സംവിധാനങ്ങളുടെ സുരക്ഷയില്‍ അതീവ ശ്രദ്ധ പുലര്‍ത്തണമെന്ന് വിദഗ്ധര്‍ അഭിപ്രയപ്പെടുന്നുണ്ട്. എസ്‌എംഎസോ, ഒടിപിയോ ഇല്ലാത തന്നെ തട്ടിപ്പ് നടത്താനുള്ള സാധ്യതയുള്ളതിനാലാണിത്. വ്യക്തിപരമായ വിവരങ്ങള്‍ മോഷ്ടിച്ച്‌ ആളുകളുടെ ബയോമെട്രിക് വിവരങ്ങള്‍ ഉപയോഗിച്ചാണ് ഇരകളെ തട്ടിപ്പുകാര്‍ കൊള്ളയടിക്കുന്നത്. എം-ആധാര്‍ ആപ്പ് അല്ലെങ്കില്‍ യുഐഡിഎഐയിലൂടെ ബയോമെട്രിക്സ് ലോക്ക് ചെയ്ത് ബാങ്ക് അകൗണ്ടുകളിലേക്കുള്ള തട്ടിപ്പുകാരുടെ കടന്നുകയറ്റം തടയണമെന്ന് നിര്‍ദേശിക്കുന്ന സന്ദേശങ്ങള്‍ ബാങ്കുകള്‍ നല്‍കുന്നുണ്ട്. ബയോമെട്രിക് ഡാറ്റയുടെ സ്വകാര്യതയും സുരക്ഷയും വർദ്ധിപ്പിക്കുന്നതിന്, ആധാർ ഉടമകള്‍ക്ക് ബയോമെട്രിക് ലോക്കിംഗ് സേവനം ഉപയോഗപ്പെടുത്താം. ആധാർ ഓണ്‍ലൈനില്‍ എങ്ങനെ ലോക്ക് ചെയ്യാം എന്ന് പരിശോധിക്കാം..

1) UIDAI വെബ്സൈറ്റ് സന്ദർശിക്കുക .

2) ‘എന്റെ ആധാർ’ ടാബിലേക്ക് പോയി ‘ആധാർ സേവനങ്ങള്‍’ തിരഞ്ഞെടുക്കുക.

3) ആധാർ ലോക്ക്/അണ്‍ലോക്ക്’ തിരഞ്ഞെടുക്കുക.

4) ആധാർ നമ്പർ അല്ലെങ്കില്‍ VID നല്‍കുക.

5) CAPTCHA പൂരിപ്പിച്ച്‌ ‘OTP അയയ്ക്കുക’ എന്നതില്‍ ക്ലിക്ക് ചെയ്യുക.

6) രജിസ്റ്റർ ചെയ്ത മൊബൈല്‍ നമ്പറില്‍ ലഭിച്ച OTP നല്‍കുക.

7) സ്ക്രീനില്‍ പ്രദർശിപ്പിച്ചിരിക്കുന്ന നാലക്ക സുരക്ഷാ കോഡ് നല്‍കിയ ശേഷം, ‘എനേബിള്‍’ ക്ലിക്ക് ചെയ്യുക.

8) നിങ്ങളുടെ ബയോമെട്രിക് വിവരങ്ങള്‍ ഇപ്പോള്‍ ലോക്ക് ചെയ്യപ്പെടും, ആവശ്യമുള്ളപ്പോള്‍ അണ്‍ലോക്ക് ചെയ്യേണ്ടിവരും.

*എം-ആധാർ ആപ്പ് വഴി ആധാർ ബയോമെട്രിക്‌സ് എങ്ങനെ ലോക്ക് ചെയ്യാം..?*

1) എം-ആധാർ ആപ്പ് ഡൗണ്‍ലോഡ് ചെയ്യുക.

2) ആധാർ നമ്പർ രജിസ്റ്റർ ചെയ്യുക.

3) ഒടിപി നല്‍കി നാലക്ക പിൻ സെറ്റ് ചെയ്യുക.

4) ആധാർ പ്രൊഫൈല്‍ ആക്സസ് ചെയ്യുക.

5) സ്ക്രീനിന്റെ മുകളിലെ മൂലയിലുള്ള മൂന്ന് ഡോട്ടുകളില്‍ ക്ലിക്ക് ചെയ്ത് താഴേക്ക് സ്ക്രോള്‍ ചെയ്യുക.

6) ലോക്ക് ബയോമെട്രിക്സ് തിരഞ്ഞെടുക്കുക.

7) നിങ്ങളുടെ ബയോമെട്രിക്സ് ലോക്ക് ചെയ്യുന്നതിന് നിങ്ങളുടെ നാലക്ക പിൻ നല്‍കുക.