പട്ടികജാതി വികസന വകുപ്പ് അയ്യങ്കാളി മെമ്മോറിയല് ടാലന്റ് സെര്ച്ച് ഡെവലപ്മെന്റ് സ്കീം സ്കോളര്ഷിപ്പിന് അപേക്ഷ ക്ഷണിച്ചു. സര്ക്കാര്/ എയ്ഡഡ് സ്കൂളുകളില് 2024-25 അധ്യയന വര്ഷത്തില് 5,8 ക്ലാസുകളില് പഠിക്കുന്നവര്ക്കും മുന് വര്ഷങ്ങളില് സ്കോളര്ഷിപ്പ് ലഭിച്ചവര്ക്ക് തുടര്ന്ന് ലഭിക്കുന്നതിനും അപേക്ഷിക്കാം. കഴിഞ്ഞ വര്ഷം 4,7 ക്ലാസ്സുകളിലെ പരീക്ഷക്ക് എല്ലാ വിഷയങ്ങള്ക്കും ബി ഗ്രേഡ് ലഭിച്ചവര്ക്കും സ്കോളര്ഷിപ്പിന് അപേക്ഷിക്കാം. കലാ-കായിക മത്സരങ്ങളില് സംസ്ഥാന, ജില്ലാതലങ്ങളില് വിജയിച്ചവര്ക്ക് പരിഗണന ലഭിക്കും. കുടുംബ വാര്ഷിക വരുമാനം ഒരു ലക്ഷത്തില് കവിയരുത്. അപേക്ഷ, ജാതി-വരുമാന സര്ട്ടിഫിക്കറ്റ്, അവസാന വര്ഷ പരീക്ഷയില് ഓരോ വിഷയത്തിനും ലഭിച്ച ഗ്രേഡ് സംബന്ധിച്ച ഹെഡ്മാസ്റ്ററുടെ സാക്ഷ്യപത്രം എന്നിവ സഹിതം നവംബര് 20 നകം ബന്ധപ്പെട്ട ബ്ലോക്ക് പട്ടികജാതി വികസന ഓഫീസുകളില് അപേക്ഷ നല്കണം. ഫോണ്- 04936 203824.
കുടുംബശ്രീ സി.ഡി.എസ്സുകളിൽ അക്കൗണ്ടന്റ് നിയമനം
കുടുംബശ്രീ ജില്ലാ മിഷൻ സി.ഡി.എസ് ഭരണസമിതികളിൽ അക്കൗണ്ടൻ്റ് തസ്തികയിൽ കരാർ നിയമനം നടത്തുന്നു. അപേക്ഷക കുടുംബശ്രീ അയൽക്കൂട്ടത്തിലെ അംഗമോ/ഓക്സിലറി ഗ്രൂപ്പ് അംഗമോ ആയിരിക്കണം. ആശ്രയ കുടുംബാംഗം/ഭിന്നശേഷി വിഭാഗം എന്നിവർക്ക് മുൻഗണന ലഭിക്കും. ബി.കോം ബിരുദം,
