വൈദ്യുതി നിരക്ക് യൂണിറ്റിന് 16 പൈസ വർദ്ധിപ്പിച്ചത് വലിയ വിമർശനങ്ങൾക്കാണ് ഇടയാക്കിയിരിക്കുന്നത്. അടുത്ത വർഷം 12 പൈസ കൂടെ വർധിപ്പിക്കാനും തീരുമാനിച്ചിട്ടുണ്ട്. കെഎസ്ഇബി ആവശ്യപ്പെട്ടതിന്റെ പകുതിയില്‍ താഴെയാണ് റഗുലേറ്ററി കമ്മിഷന് കൂട്ടാന്‍ ഉത്തരവിട്ടത്. രണ്ട് വര്‍ഷത്തിനിടെ മൂന്നാംതവണയാണ് നിരക്ക് വർധനവ് ഉണ്ടാവുന്നത്. ഇതോട വീടുകളിലെ വൈദ്യുതി ബില്ലില്‍ രണ്ട് മാസത്തിലൊരിക്കല്‍ ഏകദേശം 14 രൂപ മുതല്‍ 300 വരെ വര്‍ധനയുണ്ടാവും. എന്നാല്‍, കാലാകാലം ഏര്‍പ്പെടുത്തുന്ന സർചാര്‍ജും 10 ശതമാനം വൈദ്യുതി ഡ്യൂട്ടിയും കണക്കാക്കുമ്പോള്‍ ഇതിലുംകൂടും. ജനുവരി മുതല്‍ മെയ് വരെ അഞ്ച് മാസത്തേക്ക് വേനല്‍ക്കാല നിരക്കായി 10 പൈസ കെഎസ്ഇബി അധികം ആവശ്യപ്പെട്ടെങ്കിലും അനുവദിച്ചില്ല. ചെറുകിട വ്യവസായങ്ങള്‍ക്ക് അഞ്ച് പൈസ വീതം രണ്ട് വര്‍ഷവും കൂടും. വന്‍കിട വ്യവസായങ്ങള്‍ക്ക് ഈ വര്‍ഷം 10 പൈസയും അടുത്തവര്‍ഷം അഞ്ച് പൈസയും കൂടും. വീടുകളില്‍ വിവിധ സ്ലാബുകളിലെ വര്‍ധന 15 പൈസ മുതല്‍ 25 പൈസവരെയാണ്. വീടുകളില്‍ വൈദ്യുതി ഉപയോഗിച്ചാലും ഇല്ലെങ്കിലും നല്‍കേണ്ട ഫിക്സഡ് ചാര്‍ജ് രണ്ട് വര്‍ഷത്തേക്കും അഞ്ച് മുതല്‍ 30 രൂപവരെ കൂട്ടി. ഇത് ചെറുകിട വാണിജ്യ സ്ഥാപനങ്ങള്‍ക്ക് കൂടില്ല. പെട്ടിക്കടകള്‍ക്ക് അഞ്ച് പൈസ കൂടും. ഈവര്‍ഷത്തെ നിരക്കുകള്‍ 2025 മാര്‍ച്ച്‌ 31 വരെയാണ് ബാധകം. അടുത്ത വര്‍ഷത്തെ നിരക്കുകള്‍ 2027 മാര്‍ച്ച്‌ 31 വരെ തുടരും. ഇതോടൊപ്പം കാലാകാലമുള്ള സര്‍ചാര്‍ജും നല്‍കേണ്ടിവരും. ഡിസംബറില്‍ ഇത് യൂണിറ്റിന് 15 പൈസയാണ്. മീറ്റര്‍ വാടക കൂട്ടില്ല. ഒരു മാസം 40 യൂണിറ്റുവരെ ഉപയോഗിക്കുന്ന ബിപിഎല്‍ വിഭാഗങ്ങളിലെ വീടുകളില്‍ നിരക്ക് കൂടില്ല. കാര്യക്ഷമത കൂട്ടിയും ചെലവ് ചുരുക്കിയും കുറഞ്ഞനിരക്കില്‍ വൈദ്യുതി വാങ്ങിയും നഷ്ടം പരമാവധി കുറയ്ക്കാന്‍ ബോര്‍ഡിനോട് കമ്മിഷന് ആവശ്യപ്പെട്ടിട്ടുണ്ട്.
വൈദ്യുതി മുടങ്ങും
പനമരം ഇലക്ട്രിക്കല്‍ സെക്ഷന്‍ പരിധിയിലെ കീഞ്ഞുകടവ് പ്രദേശത്ത് നാളെ (നവംബര്‍ 21) രാവിലെ ഒന്‍പത് മുതല്‍ വൈകിട്ട് 5.30 വരെ പൂര്‍ണമായോ ഭാഗികമായോ വൈദ്യുതി വിതരണം മുടങ്ങും. Facebook Twitter WhatsApp
