ഇന്നത്തെ കാലത്ത് പേഴ്സണല് ലോണ് എടുക്കുന്നത് വളരെ എളുപ്പമാണ്. എന്നാല്, കൃത്യ സമയത്ത് തിരിച്ചടച്ചില്ലെങ്കില് അതിന്റെ അനന്തര ഫലങ്ങള് വളരെ ഗുരുതരമായിരിക്കും. ലോണ് തിരിച്ചടയ്ക്കാത്ത ഉപഭോക്താക്കള്ക്ക് സാമ്പത്തിക പ്രശ്നങ്ങളോടൊപ്പം നിയമപരമായ പ്രശ്നങ്ങളും നേരിടേണ്ടി വരും. പേഴ്സണല് ലോണ് തിരിച്ചടയ്ക്കുന്നതില് വീഴ്ച വരുത്തിയാല് എന്തൊക്കെ സംഭവിക്കാമെന്ന് നമുക്ക് നോക്കാം. പേഴ്സണല് ലോണ് കൃത്യമായി തിരിച്ചടച്ചില്ലെങ്കില് ക്രെഡിറ്റ് സ്കോറിനെ അത് പ്രതികൂലമായി ബാധിക്കും. ഇത് ഭാവിയിലെ ലോണ് സാധ്യതകളെ ഇല്ലാതാക്കും. ബാങ്കുകളും മറ്റ് ധനകാര്യ സ്ഥാപനങ്ങളും നിങ്ങളെ വിശ്വസിക്കാൻ കൊള്ളാത്ത ഉപഭോക്താക്കളായി കണക്കാക്കും. ഇത് സാമ്പത്തിക ഭാവിക്കും വ്യക്തിഗത ജീവിതത്തിനും ദോഷകരമായി ബാധിക്കാം. അതിനാല് ലോണ് എടുക്കുന്നതിന് മുൻപ് തിരിച്ചടവിനുള്ള സാധ്യതകളെക്കുറിച്ച് നല്ല ധാരണ ഉണ്ടായിരിക്കണം. ലോണ് തിരിച്ചടയ്ക്കുന്നതില് വീഴ്ച വരുത്തിയാല് ബാങ്കുകള് അല്ലെങ്കില് ധനകാര്യ സ്ഥാപനങ്ങള് നിയമപരമായ നടപടികളിലേക്ക് കടക്കാൻ സാധ്യതയുണ്ട്. ബാങ്കുകള് സിവില് കോടതിയില് നിങ്ങളുടെ പേരില് കേസ് ഫയല് ചെയ്യാനും സ്വത്ത് കണ്ടുകെട്ടാനോ ശമ്പളം തടഞ്ഞുവെക്കാനോ ആവശ്യപ്പെടാം. മനഃപൂർവം വഞ്ചന കാണിച്ചെന്ന് ബാങ്കിന് തോന്നിയാല് ഇന്ത്യൻ ശിക്ഷാ നിയമത്തിലെ 420-ാം വകുപ്പ് പ്രകാരം കേസ് രജിസ്റ്റർ ചെയ്യാവുന്നതാണ്. ഇതില് ജയില് ശിക്ഷയും ഉള്പ്പെടുന്നു. ഇത് വ്യക്തികളെ സംബന്ധിച്ച് വളരെ വലിയ ബുദ്ധിമുട്ടുകള് ഉണ്ടാക്കുന്ന ഒരു കാര്യമാണ്. ബാങ്കുകള്ക്ക് കുടിശ്ശിക തുക തിരിച്ചടയ്ക്കാൻ സാധിക്കാതെ വരുമ്പോള് അവർ കളക്ഷൻ ഏജൻസികളുടെ സഹായം തേടുന്നു. ഈ ഏജൻസികള് ഫോണ് വിളികളിലൂടെയും നേരിട്ടുള്ള സന്ദർശനങ്ങളിലൂടെയും നിങ്ങളില് നിന്ന് പണം ഈടാക്കാൻ ശ്രമിക്കുന്നു. പലപ്പോഴും ഇവരുടെ പെരുമാറ്റം ഉപഭോക്താവിന് മാനസിക സമ്മർദ്ദവും ഉൽകണ്ഠയും ഉണ്ടാക്കുന്നു. റിസർവ് ബാങ്ക് ഓഫ് ഇന്ത്യ പേഴ്സണല് ലോണ് തിരിച്ചടവിനായി ചില കർശന മാർഗനിർദ്ദേശങ്ങള് പുറപ്പെടുവിച്ചിട്ടുണ്ട്. ബാങ്കുകള് ലോണ് കുടിശ്ശിക വരുത്തിയ ആള്ക്ക് ആദ്യം നോട്ടീസ് നല്കേണ്ടത് നിർബന്ധമാണ്. ഉപഭോക്താവിനോട് മാന്യമായ രീതിയില് മാത്രമേ പെരുമാറാവൂ എന്നും കളക്ഷൻ ഏജൻസികളുടെ ഭാഗത്തുനിന്നും ഉപദ്രവം ഉണ്ടാകാതിരിക്കാൻ ബാങ്കുകള് ശ്രദ്ധിക്കണമെന്നും ആർബിഐ നിഷ്കർഷിക്കുന്നു. ലോണ് തിരിച്ചടയ്ക്കാൻ കഴിയുന്നില്ലെങ്കില് ബാങ്കുമായി സംസാരിക്കുക. തിരിച്ചടവ് പദ്ധതിയെക്കുറിച്ച് ചർച്ച ചെയ്യുക. ബാങ്കില് നിന്ന് പുതിയ പേയ്മെന്റ് ഓപ്ഷനുകളോ ഇഎംഐയില് മാറ്റങ്ങളോ ആവശ്യപ്പെടാം. സെറ്റില്മെന്റ് ഒരു ബദല് മാർഗമാണ്. ബാങ്കുമായി ചർച്ച ചെയ്ത് ഒരുമിച്ച് ഒരു തുക നല്കി പ്രശ്നം പരിഹരിക്കാവുന്നതാണ്. പേഴ്സണല് ലോണ് വിവേകപൂർവ്വം ഉപയോഗിക്കുകയും കൃത്യസമയത്ത് തിരിച്ചടയ്ക്കുകയും ചെയ്യുന്നത് സാമ്പത്തിക ഭാവിക്കും ആരോഗ്യത്തിനും അത്യന്താപേക്ഷിതമാണ്. ഏതെങ്കിലും തരത്തിലുള്ള സാമ്പത്തിക ബുദ്ധിമുട്ടുകള് ഉണ്ടെങ്കില് അത് ബാങ്കുമായി തുറന്നു സംസാരിക്കുകയും ഉചിതമായ പരിഹാരം കണ്ടെത്തുകയും ചെയ്യേണ്ടത് അത്യാവശ്യമാണ്.
തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു
മീനങ്ങാടി ഗവ. പോളിടെക്നിക് കോളജിലെ തുടര്വിദ്യാഭ്യാസ കേന്ദ്രത്തില് ഓഗസ്റ്റിൽ ആരംഭിക്കുന്ന തൊഴിലധിഷ്ഠിത ഹ്രസ്വകാല കോഴ്സുകളിലേക്ക് അപേക്ഷ ക്ഷണിച്ചു. റഫ്രിജറേഷന് ആന്റ് എയര് കണ്ടീഷനിങ്, ഇലക്ട്രിക്കല് വയറിങ് ആന്ഡ് സര്വ്വീസിങ് (വയര്മാന് ലൈസന്സിങ് കോഴ്സ്) കോഴ്സുകളിലേക്ക്
