തിരുവനന്തപുരം:
ബഹുവര്ണ്ണ പിക്സല് ലൈറ്റ്, നെയിം ബോര്ഡുകളും അനധികൃത ലൈറ്റുകളും, മറ്റു ഫിറ്റിങ്ങുകളും ഘടിപ്പിച്ച ടൂറിസ്റ്റ് ബസ് ഉള്പ്പെടെയുള്ള വാഹനങ്ങള്ക്കെതിരെ കര്ശന നടപടിക്ക് ഹൈക്കോടതി നിര്ദേശം. ഓരോ അനധികൃത ലൈറ്റുകള്ക്കും 5000 രൂപ വീതം പിഴ ഈടാക്കണമെന്നാണ് കോടതി നിർദേശം. വാഹനത്തിന്റെ ഉടമ, ഡ്രൈവര് എന്നിവര്ക്കെതിരെയും പ്രോസിക്യൂഷന് നടപടികള് സ്വീകരിക്കണമെന്നും ജസ്റ്റിസുമാരായ അനില് കെ നരേന്ദ്രന്, എസ്.മുരളീകൃഷ്ണ എന്നിവരുടെ ബെഞ്ച് നിര്ദ്ദേശിച്ചു. സുരക്ഷാ മാനദണ്ഡങ്ങളും മറ്റും ലംഘിച്ച് പൊതു വാഹനങ്ങളില് യൂട്യൂബ് ചാനലില് പോസ്റ്റ് ചെയ്ത ദൃശ്യങ്ങള് തുറന്ന കോടതിയില് പരിശോധിച്ച ശേഷമാണ് ഡിവിഷന് ബെഞ്ചിന്റെ ഉത്തരവ്. യൂട്യൂബ് ചാനലില് പോസ്റ്റ് ചെയ്ത ദൃശ്യങ്ങള് തുറന്ന കോടതിയില് പരിശോധിച്ച ശേഷമാണ് ഡിവിഷന് ബെഞ്ചിന്റെ ഉത്തരവ്. ദൃശ്യങ്ങളില് സുരക്ഷാ മാനദണ്ഡങ്ങളും മറ്റും ലംഘിക്കുന്നത് വ്യക്തമാണ്. നവകേരള ബസ് ഉള്പ്പെടെ പണിതിറക്കിയ അക്രഡിറ്റഡ് ബോഡി ബില്ഡേഴ്സിന്റെ വര്ക്ക്ഷോപ്പിലാണ് നിയമം ലംഘിച്ച് ബസ്സുകള്ക്ക് രൂപമാറ്റം വരുത്തിയത് എന്നും ഹൈക്കോടതിയുടെ നിരീക്ഷണം. ഇക്കാര്യത്തില് മറുപടി നല്കുന്നതിനായി കേന്ദ്ര ഉപരിതല ഗതാഗത മന്ത്രാലയം സാവകാശം തേടി. താല്ക്കാലിക റജിസ്ട്രേഷന് നമ്പറുള്ള രണ്ട് ബസ്സുകള് അധിക ലൈറ്റുകളും മറ്റും ഘടിപ്പിച്ച് ഇറക്കിയതും ഡിവിഷന് ബെഞ്ച് പരിശോധിച്ചു. ഇത്തരം ലൈറ്റുകള് ഘടിപ്പിക്കുമ്പോള് എതിരെ വരുന്ന മറ്റ് വാഹനങ്ങള്ക്ക് എങ്ങനെ സഞ്ചരിക്കാനാവുമെന്നും ഡിവിഷന് ബെഞ്ച് ചോദിച്ചു. ഹര്ജി ഹൈക്കോടതി അടുത്തയാഴ്ച വീണ്ടും പരിഗണിക്കും.
ശുഭയാത്രാ സുരക്ഷിത യാത്ര; ജില്ലയിൽ ഡ്രൈവര്മാര്ക്കുള്ള ബോധവത്കരണം ഊര്ജിതമാക്കി
വാഹനാപകടങ്ങള് കുറയ്ക്കാൻ ലക്ഷ്യമിട്ട് ശുഭയാത്രാ സുരക്ഷിത യാത്ര പദ്ധതിയുമായി ജില്ലാ ജനമൈത്രി പൊലീസ്. ജില്ലയിലെ വിവിധ ഭാഗങ്ങളിൽ ഡ്രൈവര്മാര്ക്കായി പൊലീസ് നടത്തുന്ന ബോധവത്കരണ പരിപാടികൾ കൂടുതൽ ഊർജിതമാക്കി. മധ്യവേനലവധിക്കാലത്ത് നിരത്തുകളില് തിരക്കേറുന്നതിനാൽ റോഡപകടങ്ങള് കുറയ്ക്കുന്നതിനായാണ്
