സ്റ്റാഫ് നേഴ്സ് നിയമനം
കേരള സാമൂഹ്യ സുരക്ഷാ മിഷന്റെ നേതൃത്വത്തില് കല്പറ്റ നഗരസഭയില് മുതിര്ന്ന പൗരന്മാര്ക്കായി നടപ്പിലാക്കുന്ന വയോമിത്രം പദ്ധതിയില് ദിവസവേതന അടിസ്ഥാനത്തില് സ്റ്റാഫ് നേഴ്സിനെ നിയമിക്കുന്നു. ജനറല് നഴ്സിംഗ്/ ബിഎസ് സി നേഴ്സിങ് ഉണ്ടായിരിക്കണം. 50 വയസ്സ് കവിയരുത്. പാലിയേറ്റീവ് പരിശീലനം ലഭിച്ചവര്ക്കും പ്രവര്ത്തി പരിചയമുള്ളവര്ക്കും മുന്ഗണനയുണ്ട്. ഉദ്യോഗാര്ത്ഥികള് വിദ്യാഭ്യാസ യോഗ്യത- പ്രവര്ത്തിപരിചയം തെളിയിക്കുന്ന രേഖകള് സഹിതം വെള്ള പേപ്പറില് തയ്യാറാക്കിയ അപേക്ഷ ജൂണ് 30ന് വൈകിട്ട് നാലിനകം സമര്പ്പിക്കണം. ജില്ലാ കോ ഓഡിനേറ്റര് കേരള സാമൂഹ്യ സുരക്ഷാ മിഷന്, വയോമിത്രം ഓഫീസ്, മുണ്ടേരി റോഡ് കല്പറ്റ 673121 വിലാസത്തിലോ dckssmwyd@gmail.com എന്ന ഇ മെയില് വിലാസത്തിലേക്കോ അപേക്ഷ അയക്കാം. ഫോണ്: 9387388887
കൂടിക്കാഴ്ച്ച തിയതി മാറ്റി
വാഴവറ്റ കുടുംബാരോഗ്യ കേന്ദ്രത്തില് ലാബ് ടെക്നീഷ്യന് തസ്തികയിലേക്ക് താല്ക്കാലിക നിയമനത്തിന് ജൂണ് 26ന് നടത്താനിരുന്ന കൂടിക്കാഴ്ച മുഹറം അവധി പ്രഖ്യാപിച്ചതിനാല് ജൂണ് 29 ലേക്ക് മാറ്റി. താത്്പര്യമുള്ളവര് അന്നേദിവസം രാവിലെ 10.30ന് യോഗ്യത തെളിയിക്കുന്ന അസല് രേഖകളും ബയോഡാറ്റയും സഹിതം മുട്ടില് ഗ്രാമപഞ്ചായത്ത് ഓഫീസില് കൂടിക്കാഴ്ചയില് പങ്കെടുക്കണം. മെഡിക്കല് ലബോര്ട്ടറി ടെക്നോളജിയില് ഡിഗ്രി/ ഡിപ്ലോമ, കേരള പാരാമെഡിക്കല് കൗണ്സില് രജിസ്ട്രേഷന് എന്നിവയാണ് യോഗ്യത.
അഭിരുചി പരീക്ഷ 27ന്
പാലക്കാട് ചെമ്പൈ സ്മാരക സര്ക്കാര് സംഗീത കോളേജില് 2026-27 അദ്ധ്യയന വര്ഷത്തിലേക്കുള്ള ഒന്നാം വര്ഷ ഡിഗ്രി ബി.എ. മ്യൂസിക്, വീണ, മൃദംഗം, വയലിന് കോഴ്സുകളിലേക്ക് ഓണ്ലൈന് മുഖേന അപേക്ഷിച്ച വിദ്യാര്ത്ഥികള് ജൂണ് 27ന് രാവിലെ 10ന് കോളേജില് അഭിരുചി പരീക്ഷയ്ക്ക് ഹാജരാവണം.ഫോണ്- 8943767684, 8921883049 (അഡ്മിഷന് നോഡല്
ഐ.ടി.ഐ പ്രവേശനം
പട്ടികജാതി വികസന വകുപ്പിന്റെ കീഴില് കോട്ടയം ജില്ലയിലെ കുറിച്ചിയില് പ്രവര്ത്തിക്കുന്ന ഗവ ഐ.ടി.ഐ (എസ്.സി.ഡി.ഡി) യില് എന്.സി.വി.റ്റി അംഗീകാരമുള്ള ദ്വിവത്സര ഇലക്ട്രീഷ്യന് ട്രേഡില് 2026 ബാച്ചിലേക്ക് പ്രവേശനത്തിന് അപേക്ഷ ക്ഷണിച്ചു. എസ്.എസ്.എല്.സി. വിജയിച്ചവര്ക്ക് http://scdditiadmission.kerala.gov.in എന്ന ലിങ്കിലൂടെ ഓണ്ലൈനായി അപേക്ഷ സമര്പ്പിക്കാം. 80 ശതമാനം സീറ്റുകള് പട്ടികജാതി വിഭാഗത്തില്പ്പെട്ടവര്ക്കും 10 ശതമാനം പട്ടികവര്ഗ്ഗ വിഭാഗത്തില്പ്പെട്ടവര്ക്കും 10 ശതമാനം മറ്റു വിഭാഗത്തില്പ്പെട്ടവര്ക്കുമായി സംവരണം ചെയ്തിട്ടുണ്ട്. ഫോണ്- 0481-2435272, 9809110010
ഗസ്റ്റ് അധ്യാപക നിയമനം
സുല്ത്താന് ബത്തേരി പൂമലയിലെ കാലിക്കറ്റ് യൂണിവേഴ്സിറ്റി ടീച്ചര് എഡ്യൂക്കേഷന് സെന്റിലേക്ക് 2026-27 അദ്ധ്യയന വര്ഷത്തില് പെര്ഫോമിംഗ് ആര്ട്സ്, വിഷ്വല് ആര്ട്സ്, ഫിസിക്കല് എഡ്യൂക്കേഷന് വിഷയങ്ങളില് ഗസ്റ്റ് അധ്യാപകരെ നിയമിക്കുന്നു. മണിക്കൂറിന് 600 രൂപ നിരക്കിലാണ് വേതനം. ഉദ്യോഗാര്ത്ഥികള് വിദ്യാഭ്യാസ യോഗ്യത, പ്രായോഗികത-പരിജ്ഞാന യോഗ്യതകള് തെളിക്കുന്ന സാക്ഷ്യപത്രങ്ങള്, ഇവയുടെ പകര്പ്പ് എന്നിവ സഹിതം ജൂലൈ രണ്ടിന് രാവിലെ 11 മണിക്ക് ഓഫീസില് കൂടക്കാഴ്ച്ചക്ക് എത്തണം. ഫോണ്: 9037030586
സംസ്ഥാനത്ത് വീണ്ടും മഴ ശക്തമാകുന്നു. ഞായറാഴ്ച്ച മുതല് മഴ ശക്തമാകും; അഞ്ച് ജില്ലകളില് യെല്ലോ അലര്ട്ട്
സംസ്ഥാനത്ത് വീണ്ടും മഴ ശക്തമാകുന്നു. ഞായറാഴ്ച്ച മുതല് മഴ ശക്തമാകുമെന്ന് കേന്ദ്ര കാലാവസ്ഥ വകുപ്പ്.ഞായര്, തിങ്കള് ദിവസങ്ങളില് ശക്തമായ മഴ കണക്കിലെടുത്ത് വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്. ഞായറാഴ്ച മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചു.തിങ്കളാഴ്ച എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ശക്തമായ മഴ കണക്കിലെടുത്ത് യെല്ലോ അലര്ട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.കേരളം – കര്ണാടക – ലക്ഷദീപ് തീരങ്ങളില് ഇന്ന് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഞായര് മുതല് തിങ്കള് വരെ കേരളം – കര്ണാടക – ലക്ഷദീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് മണിക്കൂറില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
ഒരു കാരണവശാലും മറക്കരുത്, ഇത്തവണ 19,80,224 കുട്ടികൾ; പൾസ് പോളിയോ ഇമ്മ്യൂണൈസേഷൻ ജൂൺ 28ന്, 5 വയസിൽ താഴെയുള്ള കുട്ടികൾക്ക് നൽകണം
ഇന്ത്യയെ പോളിയോ വിമുക്തമാക്കുന്നത് ലക്ഷ്യമിട്ട് ദേശവ്യാപകമായി നടത്തുന്ന പൾസ് പോളിയോ ഇമ്മ്യൂണൈസേഷൻ സംസ്ഥാനത്ത് ജൂൺ 28 ഞായറാഴ്ച നടക്കുമെന്ന് ആരോഗ്യ-ദേവസ്വം വകുപ്പ് മന്ത്രി കെ. മുരളീധരൻ അറിയിച്ചു. പരിപാടിയുടെ ക്രമീകരണങ്ങൾ പൂർത്തിയായതായും ജൂൺ 28ന് തന്നെ അഞ്ചുവയസ്സിനു താഴെയുളള എല്ലാ കുഞ്ഞുങ്ങൾക്കും ഓരോ ഡോസ് തുള്ളിമരുന്ന് നൽകുന്നുവെന്ന് ഉറപ്പുവരുത്താൻ എല്ലാ മാതാപിതാക്കളും രക്ഷാകർത്താക്കളും ശ്രദ്ധിക്കണമെന്ന് അദ്ദേഹം അഭ്യർത്ഥിച്ചു.പരിപാടിയുടെ സംസ്ഥാനതല ഉദ്ഘാടനം ആരോഗ്യ-ദേവസ്വം വകുപ്പ് മന്ത്രി കെ മുരളീധരൻ തൈക്കാട് മാതൃ-ശിശു ആശുപത്രിയിൽ ജൂൺ 28 ഞായറാഴ്ച രാവിലെ 8 നു നിർവ്വഹിക്കും. ഗതാഗത വകുപ്പ് മന്ത്രി സി.പി. ജോൺ അധ്യക്ഷത വഹിക്കും, ഡോ. ശശി തരൂർ എം.പി, തിരുവനന്തപുരം കോർപറേഷൻ മേയർ വി.വി രാജേഷ് മുതിർന്ന ഉദ്യോഗസ്ഥർ തുടങ്ങിയവർ സംബന്ധിക്കും.
ലഹരിവിരുദ്ധ ബോധവൽകരണ ക്ലാസ് സംഘടിപ്പിച്ചു.
മുട്ടിൽ അമ്പുകുത്തി വായനശാലയും അമ്പുകുത്തി ക്രിക്കറ്റ് ക്ലബും സംയുക്തമായി ലഹരിക്കെതിരായ ബോധവൽകരണ ക്ലാസ് അമ്പുകുത്തി വായനശാലയിൽ സംഘടിപ്പിച്ചു. പരിപാടി പഞ്ചായത്ത് വൈസ് പ്രസിഡന്റ് ലീന സി. നായർ ഉദ്ഘാടനം ചെയ്തു.ക്ലബ് വൈസ് പ്രസിഡന്റ് സന്തോഷ് കുമാർ അദ്യക്ഷത വഹിച്ച ചടങ്ങിൽ കൽപ്പറ്റ സർക്കിൾ ഇൻസ്പെക്ടർ ഓഫ് പോലീസ് ദിനേശ് ടി. പി, മുഖ്യപ്രഭാഷണം നടത്തി.റോഡ് ആക്സിഡന്റ് ആക്ഷൻ ഫോറം വയനാട് ജില്ല ജന :സെക്രട്ടറി സജി മണ്ഡലത്തിൽ മുഖ്യാതിഥി ആയി ചടങ്ങിൽ പങ്കെടുത്തു. യുവജനങ്ങളിൽ വർധിച്ചുവരുന്ന ലഹരി ഉപയോഗത്തിന്റെ ദൂഷ്യഫലങ്ങളെക്കുറിച്ചും ലഹരിവിമുക്ത സമൂഹം സൃഷ്ടിക്കുന്നതിൽ പൊതുസമൂഹത്തിന്റെയും യുവജനങ്ങളുടെയും പങ്കിനെക്കുറിച്ചും അദ്ദേഹം ബോധവൽകരണ ക്ലാസ് നയിച്ചു.വായനശാല-ക്രിക്കറ്റ് ക്ലബ് ഭാരവാഹികൾ, നാട്ടുകാർ, യുവജനങ്ങൾ എന്നിവർ പരിപാടിയിൽ പങ്കെടുത്തു. ലഹരിവിരുദ്ധ സന്ദേശം സമൂഹത്തിലേക്ക് വ്യാപിപ്പിക്കുന്നതിന് ഇത്തരം ബോധവൽകരണ പരിപാടികൾ തുടർന്നും സംഘടിപ്പിക്കുമെന്ന് സംഘാടകർ അറിയിച്ചു.ബെന്നി മലനാട്, വിജീഷ് ജി. എസ്,ശരത് ലാൽ,ദീപു.ആർ, രാഹുൽഅരവിന്ദ്, രാഹുൽ എം,എന്നിവർ ആശംസകൾ നേർന്ന് സംസാരിച്ചു.
അന്താരാഷ്ട്ര ലഹരി വിരുദ്ധ ദിനാചരണം സംഘടിപ്പിച്ചു
ബത്തേരി: അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് സംസ്ഥാന സർക്കാർ നിർദേശപ്രകാരം സുൽത്താൻ ബത്തേരി അസംപ്ഷൻ എ.യു.പി. സ്കൂളിൽ വിവിധ ബോധവൽക്കരണ പരിപാടികൾ സംഘടിപ്പിച്ചു.വിദ്യാർത്ഥികളിൽ ലഹരി വിരുദ്ധ സന്ദേശം വ്യാപിപ്പിക്കുക എന്ന ലക്ഷ്യത്തോടെ ഫ്ലാഷ് മോബ്, ലഹരി വിരുദ്ധ മുദ്രാവാക്യ രചന, റാലി തുടങ്ങിയ പരിപാടികൾ നടന്നു. സ്കൂൾ ഹെഡ്മാസ്റ്റർ ഷോജി ജോസഫ് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.പരിപാടിയുടെ ഭാഗമായി വിദ്യാർത്ഥികൾക്ക് ലഹരിയുടെ ദൂഷ്യഫലങ്ങളെക്കുറിച്ച് ബോധവൽക്കരണം നടത്തി. കേരള ആഭ്യന്തര വകുപ്പ് മന്ത്രിയുടെയും വിദ്യാഭ്യാസ വകുപ്പ് മന്ത്രിയുടെയും ലഹരി വിരുദ്ധ സന്ദേശങ്ങൾ വിദ്യാർത്ഥികൾക്ക് കേൾപ്പിക്കുകയും ചെയ്തു.അധ്യാപകരായ ജെന്നി കെ. എൽ., സി. പ്രിയതോമസ്, ജസ്റ്റീന റ്റി പീറ്റർ, ജെറിൻ തോമസ്,അമൽ ബെന്നി, ലിബിൻ സി.റ്റി എന്നിവർ പരിപാടികൾക്ക് നേതൃത്വം നൽകി. വിദ്യാർത്ഥികളുടെ സജീവ പങ്കാളിത്തം പരിപാടികൾക്ക് ശ്രദ്ധേയത നൽകി. ലഹരിമുക്ത സമൂഹം സൃഷ്ടിക്കുന്നതിനുള്ള പ്രതിബദ്ധത പുതുക്കിക്കൊണ്ട് പരിപാടികൾ സമാപിച്ചു.
സംസ്ഥാനത്ത് സ്വർണ വിലയില് ഇന്ന് വന് ഇടിവ്
ഇന്നലെ പവന് 200 രൂപ കുറഞ്ഞിരുന്നു. ഈ മാസത്തെ ഏറ്റവും താഴ്ന്ന നിരക്കിലാണ് സ്വര്ണ വ്യാപാരം നടക്കുന്നത്. 18 കാരറ്റ് സ്വർണത്തിന് ഗ്രാമിന് 210 രൂപ കുറഞ്ഞ് 10,560 രൂപയും 14 കാരറ്റിന് ഗ്രാമിന് 160 രൂപ കുറഞ്ഞ് 8,825 രൂപയിലുമെത്തി. 9 കാരറ്റ് സ്വർണത്തിന്റെ ഒരു ഗ്രാമിന് 105 രൂപ കുറഞ്ഞ് 5,305 രൂപയിലെത്തി. വെളളി വില ഗ്രാമിന് 235 രൂപയിലാണ് വ്യാപാരം പുരോഗമിക്കുന്നത്.
സൗജന്യ ഹോമിയോ മെഡിക്കൽ ക്യാമ്പും,യോഗ പരിശീലനവും സംഘടിപ്പിച്ചു.
ശ്രേയസ് അമ്പുകുത്തി യൂണിറ്റ് സംഘടിപ്പിച്ച സൗജന്യ ഹോമിയോ മെഡിക്കൽ കാമ്പും,യോഗ പരിശീലനവും ബത്തേരി മേഖല പ്രോഗ്രാം ഓഫീസർ പോൾ പി.എഫ് ഉദ്ഘാടനം ചെയ്തു.യൂണിറ്റ് പ്രസിഡന്റ് വത്സ ജോയി അധ്യക്ഷത വഹിച്ചു.ആരോഗ്യ ബോധവൽക്കരണ ക്ലാസ്സിന് അമ്പലവയൽ സർക്കാർ ഹോമിയോ ആശുപത്രിയിലെ ഡോ.ജിഷ നേതൃത്വം നൽകി.യോഗ ഇൻസ്ട്രക്ടർ അനീഷ ആൻ ജോയി യോഗപരിശീലനം നടത്തി.വായനാ ദിനാചരണത്തിന്റെ ഭാഗമായി വായനാ മത്സരം നടത്തി വിജയികൾക്ക് സമ്മാനങ്ങൾ നൽകി. ഷിന്റ രവീന്ദ്രൻ,ബബിത എന്നിവർ സംസാരിച്ചു.
വിദ്യാരംഗം കലാസാഹിത്യ വേദി ഉദ്ഘാടനം ചെയ്തു
ജി.യു.പി സ്കൂൾ പുളിയാർ മലയിൽ വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം ജോസ് കെ സേവ്യർ മാസ്റ്റർ ഉദ്ഘാടനം ചെയ്തു. ചടങ്ങിൽ രജിത എൻ സി അധ്യക്ഷത വഹിച്ചു. പ്രദീപ് കുമാർ .കെ സ്വാഗതവും ശ്രീ സജീഷ് മാസ്റ്റർ നന്ദിയും രേഖപ്പെടുത്തി. ചടങ്ങിൽ ഹാർമോണിസറ്റ് കുഞ്ഞുമോൻ ജോസഫ് വിശിഷ്ടാഥിതിയായിരുന്നു. രജിത ടീച്ചറുടെ കവിതാ സമാഹാരമായ 'ഇതളുകൾ 'പുസ്തകത്തിൻ്റെ പ്രകാശനവും ഉദ്ഘാടകനായ ജോസ് മാസ്റ്റർ നിർവ്വഹിച്ചു. വേദിയിൽ വിനമോൾ ടീച്ചർ ഇതളുകൾ കവിതാസമാഹാരത്തിലെ പ്രതീകം എന്ന കവിത പാടി അവതരിപ്പിച്ചു.
ഗോത്രബന്ധു അധ്യാപകരെ പുനർനിയമിക്കുക: കെ.എസ്.ടി.എ
കഴിഞ്ഞ അഞ്ച് ദിവസങ്ങളായി ഗോത്രബന്ധു അധ്യാപകരുടെ നേതൃത്വത്തിൽ കൽപ്പറ്റ സിവിൽ സ്റ്റേഷന് മുന്നിൽ നടന്നു വരുന്ന നിരാഹാര സത്യാഗ്രഹത്തിന് കെഎസ്ടിഎയുടെ നേനേതൃത്വത്തിൽ അഭിവാദ്യമർപ്പിച്ച് പ്രകടനം നടത്തി.കെഎസ്ടിഎ സംസ്ഥാന സെക്രട്ടറി പി.ജെ.ബിനേഷ് സമര സഖാക്കൾക്ക് അഭിവാദ്യമർപ്പിച്ച് സംസാരിച്ചു.ഗോത്രബന്ധു അധ്യാപകരെ പുനർനിയമിക്കുക, ഒഴിവുള്ള തസ്തികകളിൽ പുതിയ നിയമനം നടത്തുക, ഉയർന്ന പ്രായപരിധി നാൽപത്തിയഞ്ച് വയസ്സാക്കിയത് പുനഃപരിശോധിക്കുക, അധ്യാപക യോഗ്യതയുള്ളവരെ മാത്രം ഗോത്രബന്ധു അധ്യാപകരായി നിയമിക്കുക തുടങ്ങിയ ആവശ്യങ്ങൾ ഉന്നയിച്ചാണ് നിരാഹാര സമരം നടക്കുന്നത്. കെ എസ് ടി എ സംസ്ഥാന കമ്മറ്റിയംഗം വി.എ. ദേവകി,ജില്ലാ സെക്രട്ടറി ടി. രാജൻ, ജില്ലാ പ്രസിഡണ്ട് എ ഇ. സതീഷ് ബാബു, ജില്ലാ ട്രഷറർ പി. ബിജു ജില്ലാ വൈസ് പ്രസിഡണ്ട് എം.വി. സമിത എന്നിവർ നേതൃത്വം നൽകി.
അന്താരാഷ്ട്ര യോഗ ദിനാചരണം നടത്തി
കേരള സർക്കാർ ആയുഷ് ഹോമിയോപ്പതി വകുപ്പ്, നാഷണൽ ആയുഷ് മിഷൻ, സർക്കാർ ജില്ലാ ഹോമിയോ ആശുപത്രി മാനന്തവാടി, ആയുഷ്മാൻ ഭവ: യൂണിറ്റ് എന്നിവയുടെ ആഭിമുഖ്യത്തിൽ അന്താരാഷ്ട്ര യോഗ ദിന പരിപാടികളുടെ ഉദ്ഘാടനം പനമരം പഞ്ചായത്ത് വാർഡ് മെമ്പർ ജമീല ഷറഫുദ്ദീൻ നിർവഹിച്ചു. ആശുപത്രി സൂപ്രണ്ട് ഡോ ബിജി എസ്.എൻ അധ്യക്ഷത വഹിച്ച ചടങ്ങിൽ ഡോ മുഹമ്മദ് ഫവാസ് ,ഡോ അശ്വതി കെ എൻ,സേതു എന്നിവർ സംസാരിച്ചു. യോഗ ഇൻസ്ട്രക്ടർ ബബിത ഫിലിപ്പ് യോഗാദിന സന്ദേശം നൽകി.
ജൂഡോ അസോസിയേഷൻ വൃക്ഷ തൈകൾ നട്ടു.
അന്താരാഷ്ട്ര ഒളിമ്പിക് ദിനാചരണത്തിൻ്റെ ഭാഗമായി ഒളിമ്പിക് ഫോറസ്റ്റ് ട്രീ ഡ്രൈവ് പദ്ധതിയുടെ പ്രചരണാർത്ഥം വയനാട് ജില്ലാ ജൂഡോ അസോസിയേഷൻ ജില്ലാ ഒളിമ്പിക് അസോസിയേഷൻ്റെ സഹകരണത്തോടെ പെരുന്തട്ട യു.പി സ്കൂളിൽ വൃക്ഷ തൈകൾ നട്ടു . വാർഡ് കൗൺസിലർ മുഹമ്മദ് ബാവ ഉദ്ഘാടനം ചെയ്തു . പി.ടി.എ പ്രസിഡണ്ട് ബെന്നി അധ്യക്ഷത വഹിച്ചു.ഒളിമ്പിക് അസോസിയേഷൻ സെക്രട്ടറി സലിം കടവൻ മുഖ്യാതിഥിയായി. സുബൈർ ഇളകുളം പദ്ധതി വിശദീകരണം നടത്തി.സ്കൂൾ ഹെഡ്മിസ്ട്രസ് ഷൈനി, പി.കെ. മുരളീധരൻ, സതീഷ് കുമാർ,ഗിരീഷ് പെരുന്തട്ട എന്നിവർ സംസാരിച്ചു
കോട്ടത്തറ സെൻ്റ് ആൻ്റണീസ് യു.പി. സ്കൂളിലെ കുട്ടികൾ ഉദയ ലൈബ്രറി സന്ദർശിച്ചു.
വായനാ വാരാഘോഷത്തിൻ്റെ ഭാഗമായി വായനയുടെ പുതിയൊരു ലോകത്തേക്ക് കുട്ടികളെ എത്തിക്കാൻ ഏറ്റവും അനുയോജ്യമായ ഇടമാണ് പ്രദേശിക ലൈബ്രറികൾ എന്ന തിരിച്ചറിവ് നൽകുന്നതിനായി കോട്ടത്തറ സെൻ്റ് ആൻ്റണീസ് യു.പി. സ്കൂളിലെ കുട്ടികൾ മാടക്കുന്ന് ഉദയലൈബ്രറി സന്ദർശിക്കുകയും ലൈബ്രറിയിലെ പ്രവർത്തനങ്ങൾ കണ്ടു മനസ്സിലാക്കുകയും, ലൈബ്രറിയിൽ അംഗത്വം എടുക്കുകയും ചെയ്തു. വായന വാരത്തിൽ വിവിധ മത്സരങ്ങളിൽ വിജയികളായിട്ടുള്ളവർക്ക് സമ്മാനം ഉദയ ലൈബ്രറി സ്പോൺസർ ചെയ്തു. അധ്യാപകരായ ലിസ്സി റ്റി.ജെ, വിനയ ND, വിനീത ജോസഫ് , ജിഷ ES, റിയ ജെയിംസ് ,അനൂപ് k ജോസ്, sr എലിസബത്ത്, ജെസ്ലിയ, അശ്വതി എന്നിവർ നേതൃത്വം നൽകി.
വൈദ്യുതി മുടങ്ങും
പടിഞ്ഞാറത്തറ സെക്ഷന് പരിധിയില് അറ്റകുറ്റ പ്രവൃത്തികള് നടക്കുന്നതിനാല് ബപ്പനമല, എടക്കാടന്മുക്ക് ട്രാന്സ്ഫോര്മര് പരിധികളില് നാളെ (ജൂണ് 25) രാവിലെ ഒന്പത് മുതല് വൈകുന്നേരം 5.30 വരെ വൈദ്യുതി വിതരണം പൂര്ണമായി തടസപ്പെടും. വെള്ളമുണ്ട ഇലക്ട്രിക്കല് സെക്ഷനു കീഴിലുള്ള പരിയാരം മുക്ക്, വെള്ളമുണ്ട 8/4 ടൗണ്, പഴഞ്ചന, സര്വ്വീസ് സ്റ്റേഷന്, മഠത്തുംകുനി , പി.കെ.കെ എന്നീ ട്രാന്സ്സ്ഫോര്മര് പരിധികളില് നാളെ (ജൂണ് 25) വ്യാഴാഴ്ച രാവിലെ 8.30 മുതല് വൈകുന്നേരം അഞ്ച് വരെ വൈദ്യുതി വിതരണം ഭാഗികമായി തടസപ്പെടും.
റേഷൻ മണ്ണെണ്ണ: ഈ മാസം ഒരു ലീറ്റർ കൂടി ലഭിക്കും; വിതരണം ചെയ്യുന്നത് കേന്ദ്രവിഹിതത്തിൽ ബാക്കിയായ മണ്ണെണ്ണ
തിരുവനന്തപുരം: റേഷൻ കാർഡ് ഉടമകൾക്ക് കാർഡിന്റെ തരം നോക്കാതെ ഈ മാസം ഒരു ലീറ്റർ മണ്ണെണ്ണ കൂടി ലഭിക്കും. സ്റ്റോക്ക് ഉള്ളത് അനുസരിച്ച് ഓരോ കാർഡ് ഉടമയ്ക്കും ഒരു ലീറ്റർ വീതം നൽകാൻ സിവിൽ സപ്ലൈസ് കമ്മിഷണർ ഉത്തരവിറക്കിയതോടെ ഇന്നലെ മുതൽ വിതരണം ആരംഭിച്ചു.ഏപ്രിൽ മുതൽ ജൂൺ വരെയുള്ള കാലയളവിലേക്കു കേന്ദ്രം അനുവദിച്ച റേഷൻ മണ്ണെണ്ണയിൽ 22 ലക്ഷത്തിലേറെ ലീറ്റർ വിതരണം ചെയ്യാതെ ബാക്കിയുണ്ടെന്ന് വിവരം ലഭിച്ചതിനെത്തുടർന്ന് മന്ത്രി അനൂപ് ജേക്കബ് വിതരണത്തിനു നിർദേശിക്കുകയായിരുന്നു. അനുവദിച്ച മണ്ണെണ്ണ വിതരണം ചെയ്യാതിരുന്നാൽ കേന്ദ്രം അളവു കുറയ്ക്കാൻ സാധ്യതയുണ്ട്.ഏപ്രിൽ - ജൂൺ കാലയളവിലെ വിഹിതമായ മണ്ണെണ്ണ വാങ്ങിയ കാർഡ് ഉടമകൾക്കും ഓരോ കടയിലെയും സ്റ്റോക്ക് അനുസരിച്ച് ഇനിയും ലഭിക്കും. നേരത്തേ, മഞ്ഞ കാർഡ് ഉടമകൾക്ക് ഒരു ലീറ്ററും പിങ്ക്, നീല, വെള്ള കാർഡ് ഉടമകൾക്ക് അര ലീറ്ററും മണ്ണെണ്ണയാണ് ഏപ്രിൽ- ജൂൺ ക്വാർട്ടറിൽ നൽകുമെന്നു പ്രഖ്യാപിച്ചത്. ഇപ്പോഴത്തെ സാഹചര്യത്തിൽ ഈ മാസം 30ന് മുൻപ് റേഷൻ കടകളിൽ എത്തുന്നവർക്ക് സ്റ്റോക്ക് ഉണ്ടെങ്കിൽ ഒരു ലീറ്റർ കൂടി അധികം ലഭിക്കും.
വിദ്യാഭ്യാസ വകുപ്പില് പി എസ് സി ഇന്റര്വ്യൂ
ജില്ലയില് വിദ്യാഭ്യാസ വകുപ്പില് ഹൈ സ്കൂള് ടീച്ചര് (സോഷ്യല് സയന്സ്) (മലയാളം മീഡിയം) (കാറ്റഗറി നമ്പര് 024/2025) തസ്തികയിലേക്കുള്ള ഇന്റര്വ്യൂ ജൂലൈ ഒന്ന്, രണ്ട്, മൂന്ന് തിയ്യതികളില് പി എസ് സി വയനാട് ജില്ലാ ഓഫീസില് നടത്തും. അര്ഹരായ ഉദ്യോഗാര്ത്ഥികള്ക്കുളള വ്യക്തിഗത അറിയിപ്പ് അവരവരുടെ പ്രൊഫൈലിലും മൊബൈലില് എസ്.എം.എസും ലഭ്യമാക്കിയിട്ടുണ്ട്. ഉദ്യോഗാര്ത്ഥികള് പ്രൊഫൈലില് നിന്നും ഡൗണ്ലോഡ് ചെയ്ത ഇന്റര്വ്യൂ മെമ്മോ, ഒടിവി സര്ട്ടിഫിക്കറ്റിന്റെ പകര്പ്പ്, ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന അസ്സല് സര്ട്ടിഫിക്കറ്റുകള്, അസ്സല് തിരിച്ചറിയല് കാര്ഡ് എന്നിവ സഹിതം നിശ്ചിത തിയ്യതിയിലും സമയത്തും സ്ഥലത്തും ഹാജരാക്കണം. ഫോണ്- 04936 202539
വൈദ്യുതി മുടങ്ങും
മീനങ്ങാടി ഇലക്ട്രിക്കൽ സെക്ഷനിൽ വൈദ്യുത ലൈനിൽ അറ്റകുറ്റ പ്രവൃത്തികൾ നടക്കുന്നതിനാൽ പത്തിൽപീടിക, കേണിച്ചിറ, കല്ലുവെട്ടി, എടക്കാട്, എം.എൽ.എ ഹൗസ്, കേളമംഗലം, താഴത്തങ്ങാടി, കാടക്കുളം, അതിരാറ്റ്കുന്ന്, വളാഞ്ചേരി, പറളിക്കുന്ന്, കല്ലൻചിറ പ്രദേശങ്ങളിൽ നാളെ (ജൂൺ 25) രാവിലെ 8:30 മുതൽ വൈകുന്നേരം 5:30 വരെ പൂർണ്ണമായോ ഭാഗികമായോ വൈദ്യുതി മുടങ്ങും.
